1 Petero 2:9 - Ghari

⁹ Migamu, amu nina mamatana tinoni vivili ma nina manetabu God na Taovia Tsapakae. Mamu lia nogo na vera tabu loki, ma nina tinoni segeni nogo God. Aia e viligamu kamu gini tsarivulagigira na omea loki God e nauvanigamu kalina aia e soa rutusumiligigamu tania na totu rodo, me tudumi sagegamu tana nina marara loki segeni nogo ia.

1 Petero 2:9 Iomraidhean Croise

Linge 106:5

Ko tamivaniau ma kau reia na douna niqira mauri igira nimu tinoni vivili, ma kau sangapata kolugira tana niqira magemage, ma niqira tobamage igira na tinoni igoe o tamanigira.

Linge 118:27

Na Taovia aia nogo e God; maia e dou sosongo vanigita. Kamu tangolia na gabana gai tana limamui ma kamu liu polia na belatabu.

Linge 135:4

Na Taovia e vilivani segenia a Jakob, migira na Israel kara lia nina tinoni segeni aia.

Linge 22:30

Migira sui na vatavata kara botsamai i muri sauba kara aqovania ia. Eo, sauba kara gini turupatuna tana rongona na Taovia vanigira sui kara botsamai i muri.

Linge 33:12

Ke mage aia na puku na tinoni i tana ara tamivania God ke Taovia vanigira. !Eo kara mage igira sui na tinoni God e viligira nogo kara lia nina tinoni segeni!

Linge 73:15

Me ti vaga inau kau tsonia na goko kaekae vaga igira ara tsonia, mi tana ma niqu sasaga ke tau nogo ulagana nina sasaga kesa nimu tinoni igoe.

Isaia 26:2

Sangavia na matsapakapuna na verabau ma kara gini sagemai igira na tinoni ara totukakai i konina God, mara naua moa na omea e gotolaka i matana.

Isaia 41:8

“Migamu na Israel niqu maneaqo, igamu nogoria na tinoni inau au viligamu, igamu na kukuana a Abraham na kulaqu dou.

Isaia 42:16

“Inau sauba kau idagana sautu vanigira niqu tinoni koko tana sautu i tana igira ara tau vati liu bâ. Ma kau naua me ke marara na mataqira ma kara tau goto liu tana rodo, ma kau sarasia na kao vatuvatuga me ke gini atsa na sautu vanigira. Igirani nogo na omea au vekea vanigamu inau laka kau naua, me utu goto kau tau manaligira.

Isaia 44:1

Ma na Taovia e tsaria, “Mi kalina ia kamu rorongo igamu na Israel niqu maneaqo, ma na kukuana a Jakob niqu tinoni vivili.

Isaia 61:6

Migira na tinoni sui kara soaginigamu nina manetabu na Taovia, ma nina maneaqo dou nida God. Migamu sauba kamu gini mage na vangana niqira omea loki matena igira na puku tavosi, ma kamu gini kaekae laka ara lia nimui tamani nogo igamu.

Isaia 62:12

Me sauba kara soaginigamu, “Igira Nina Tinoni Tabu God,” “Igira na Tinoni na Taovia e Suivisugira nogo.” Ma na Jerusalem nimui verabau sauba kara soaginia “Na Verabau God e Reingao Sosongolia,” “Na Verabau Aia God e Tau Tsonitsunâ.”

Isaia 66:21

Minau sauba kau naua ma kara visana vidaqira kara lia na manetabu ma na Levite.

Isaia 9:2

Igira na tinoni ara liu moa tana rodo ara reivulagia kesa na marara loki. I sau igira ara totu moa tana rodo pulipuli, mi kalina eni na mararana God e mamarasigira.

Malaki 3:17

Ma na Taovia Susuliga Sosongo e tsaria, “Igira sauba kara lia niqu tinoni. Mi tana tagu inau au titinogoa, migira sauba kara lia niqu tamani segeni saikesa nogo inau. Me sauba kau galuvegira vaga nogo na tamaga e galuve sosongolia na dalena aia e aqo dou vania.

Mateo 4:16

Migira na tinoni ni tana ara totu moa tana rodo na sasi, me sauba kara reia kesa e mai vaga na marara loki, me ke mararasia na tobaqira. Migira ara totu moa tana ungana na mate, sauba na marara loki ia ke mararasigira.”

Mateo 5:16

Migamu kamu vaga saikesa goto ia. Na douna nimui sasaga tana maurimui ke labamaka i mataqira na tinoni. Migira kara reiginia nimui aqo dou amu naua, ma kara tsonikaeginia na Tamamui i gotu.

Luka 1:79

Ke tuu i gotu me ke marara tsunamai vanigira ara totu tana ungana na mate, me ke tudumigita baa tana sautu na rago.”

Ioane 17:19

Mi tana rongoqira nogo igira te inau au gini balo segeniqu vanigo igoe, rongona igira goto kara gini balo segeniqira manana vanigo igoe.

Aqoaqo 20:28

Me ti e vaga ia, ma kamu reitutugugamu segenimui, ma kamu reitutugugira goto igira na tinoni na Tarunga Tabu e moloa vanigamu kamu reitutugugira. Kamu lia na reitutugu dou manana i laoqira nina tinoni God, igira aia e voliginigira nogo tana mateana na Dalena.

Aqoaqo 26:18

Igoe nogo nimu aqo ko sangavia na mataqira, mo ko pilovisugira tania na rodo ti kara reiginia na marara, ma kara gini piloligi tania na susuligana Satan, ma kara pilo baa i konina God. Mi tana niqira tutuni i laoqu inau, ti kara gini tanusi niqira sasi, ma kara sangasage i laoqira nina tinoni vivili God.’

Aqoaqo 26:28

Ma Agripa e tsarivania a Paulo, “?Laka o pada igoe tana nimu goko vaga ia mo ko gini tangomana na piloana tsaku na tobaqu ma kau gini lia Kristiano inau?”

Roma 9:24

Igita nogoria, igita na tinoni God e viligita i laoqira na Tsiu, mi laoqira goto na tinoni pipi tana veratavosi.

1 Korint 3:17

Vaga ia, ma ti ke kesa ke toroveoa nina vale tabu God, me sauba God ke toroveogotoa aia. Rongona nina vale tabu God e tabu loki sosongo, migamu segenimui nogo amu nina vale tabu aia.

Epesus 1:14

Ma na Tarunga Tabu, aia nogo na papadana laka sauba manana ka adia na omea God e vekevanigira nina tinoni, aia nogo na mauri saliu koluana aia. !Me ulagada sosongo igita sui ka tsonikaea na Taovia nida God!

Epesus 1:6

!Igita sui ka tsonikaea God rongona nina vangalaka tsapakae, e tusulea vanigita i laona na Dalena galugaluve!

Epesus 3:21

!Eo, ka tsonikaea God sailagi i laona na saikolu na tinoni tutuni mi laona a Iesu Kristo, tana tagu sui, mi tana dani ma na dani! Amen.

Na Vaolusi Ketsa 10:15

Ma nina galuve na Taovia vanigira na mumuamui e loki sosongo, me gini viligamu igamu, me tau viligira sa puku tavosi. Eo, me tsaumai i dani eni, igamu amu nina tinoni vivili moa aia.

Na Vaolusi Ketsa 14:2

Igamu nina tinoni nogo na Taovia nimui God; maia e viligamu i laoqira na tinoni sui ara mauri i barangengo kamu lia nina tinoni segeni nogo ia.”

Na Vaolusi Ketsa 18:2

Igira kara tau aditamaniqira sa butona kao vaga igira na puku tavosi. Gaqira tuva dou bâ igira aia nogoria na aqo manetabu vaniana na Taovia, vaga na Taovia e vekenogoa.

Na Vaolusi Ketsa 4:20

Migamu, igamu nogoria na tinoni aia e laumaurisigamu tania i Ejipt, vaga moa ti e lauligigamu tania na iruna na lake loki, rongona e ngaoa kamu lia nina tinoni segeni, migamu amu vaga ia tsaumai i dani eni.

Na Vaolusi Ketsa 7:6

Kamu nauvaganana iani, rongona igamu nina tinoni nogo na Taovia nimui God. Aia nogo e viligamu i laoqira na tinoni sui tana barangengo, rongona kamu gini lia nina tinoni segeni nogo aia.

Pilipi 3:14

Vaga ia, mau tovokakaia moa ti kau tangomana na adiana na peluna ia, aia nogo na mauri saliu koluana God i gotu na matena nina aqo a Iesu Kristo.

Kolose 1:13

Aia nogo e maurisigita tania na susuligana na rodo e tangoli kaputigita i sau, me adigita baa tana verana na Dalena galugaluve,

2 Timoti 1:9

God aia nogo e maurisigita, me viliginigita ka lia nina tinoni segeni. Maia e nauvaganana ia tau laka tana rongona na omea dou igita a naua, mi tana rongona moa aia segenina nogo e ngaoa ke vangalaka vanigita. Idavia God e vusaa na barangengo, maia e vangarau manogatinogoa laka sauba ke tusua na vangalaka iani vanigita tana rongona nina aqo a Iesu Kristo.

Titus 2:14

Aia e sausegenina me mate na tuguda, gana ke gini suivisugita tania pipi sui na nauseko, me ke naua igita ka gini male ma ka masidi, ma ka gini lia nina tinoni segeni, ma ka gini madodo pipi tana aqo dou sui.

1 Petero 1:2

Igamu nogo aia God Tamana e viligamu kamu gini lia vaga aia e pede idanogoa vanigamu. Mi tana susuligana nogo na Tarunga Tabu, ti amu gini lia nogo nina tinoni tabu, gana kamu gini dona na muridouana a Iesu Kristo, maia ke vulimaleginigamu na gabuna. Au nongia God ke vangalaka vanigamu sui, me ke moloa nina rago i laona na tobamui.

1 Petero 2:5

Igamu goto kamu mai vaga na vatu mauri. Kamu tami segenimui kamu lia na vatuna nina mani logovale God. Mi tana vale ia, sauba kamu gini naua na aqo tabu kolua a Iesu Kristo, gana na sauana na savori tarunga vaga God e reingaoa.

1 Petero 4:11

Masei e tamanina na vangalaka gana na turupatuna na gokona God, ma nina aqo ke gini turupatu na gokona God vaga nogo e totu tana Mamare Tabu. Masei e sangagira na tinoni, nina aqo ke sangagira ginia na susuligana God nogo e sauvania. Vaga ia, me pipi tana omea sui e dou ti igita ka tsonikaea God ginia a Iesu Kristo, aia e tamanina na mararana loki ma na susuligana tsapakae, na dani ma na dani. Amen.

Na Katemai 1:6

me naua, migita a gini lia na puku manetabu, gana na aqo vaniana God na Tamana. !Igita ka tsonikaea a Iesu Kristo tana mararana ma na susuligana na dani ma na dani! Amen.

Na Katemai 20:6

Ara mage loki me dou sosongo manana vanigira nina tinoni God, igira ara sanga na maurivisu tana kesanina na maurivisutugua tania na mate. Rongona na rukanina na mate sauba e utu ke susuliga kaputigira igira; migira sauba kara lia nina tinoni tabu God ma Iesu Kristo, ma kara tagao kolua i laona ke kesa na toga na ngalitupa.

Na Katemai 5:10

Igoe o naua, mara gini lia na puku manetabu gana na aqo vaniana nida God, me sauba igira nogo kara tagaovi kaputia na barangengo.”

1 Samuel 12:22

Na Taovia e gini vatsa me vekenogoa laka e utu goto ke piloligi tanigamu, rongona tana nina padangao segeni nogo ia te aia e viligamu mamu lia nina tinoni segeni.