ՄԱՐԳԱՐԷՈՒԹԻՒՆ ԶԱՔԱՐԵԱՅ 8:9 - Գրաբար Աստվածաշունչ (1895)

⁹ Այսպէս ասէ Տէր ամենակալ. Զօրասցին ձեռք ձեր որ լսէքդ յաւուրս յայսոսիկ զբանս զայս ի բերանոյ մարգարէիցն, յօրէ յորմէ արկէք հիմն տան Տեառն ամենակալի, եւ տաճարս յորմէ հետէ շինեցաւ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:9 Iomraidhean Croise

ՄՆԱՑՈՐԴԱՑ ԱՌԱՋԻՆ 22:13

Եւ յայնժամ յաջողեսցիս, եթէ պահեսցես առնել զհրամանս եւ զիրաւունս զոր պատուիրեաց Տէր Մովսիսի ի վերայ Իսրայելի. քաջ լեր եւ զօրացիր. մի՛ երկիցես եւ մի՛ զարհուրիցիս։

ՄՆԱՑՈՐԴԱՑ ԱՌԱՋԻՆ 28:20

Եւ ասէ Դաւիթ ցՍողոմոն որդի իւր. Զօրացիր եւ քաջ լեր, արա եւ մի՛ երկիցես եւ մի՛ զարհուրեսցիս. վասն զի Տէր Աստուած իմ է ընդ քեզ. ոչ թողցէ զքեզ եւ ոչ լքցէ՝ մինչեւ կատարեսցես զամենայն գործ սպասու տանն Տեառն։ Եւ ահա այդ է օրինակ տաճարին եւ սենեկաց նորա եւ սրահից նորա եւ վերնատանցն եւ շտեմարանացն, ներքնատանցն եւ տանն քաւութեան. եւ օրինակ տաճարին Տեառն այդ է՝՝,

ՄՆԱՑՈՐԴԱՑ ԵՐԿՐՈՐԴ 15:7

Եւ արդ դուք զօրացարուք, եւ մի՛ լքցին ձեռք ձեր. քանզի գոն վարձք գործոց ձերոց։

ԵԶՐ 6:14

Եւ ծերքն Հրէից եւ Ղեւտացիքն շինէին՝՝, ի ժամանակս մարգարէութեանն Անգեայ եւ Զաքարեայ որդւոյ Ադդովայ. եւ շինեցին եւ հաստատեցին ըստ հրամանին Տեառն Աստուծոյ Իսրայելի. եւ որպէս հրամայեցին Կիւրոս թագաւոր եւ Դարեհ, եւ ի ժամանակս Արտաշիսի թագաւորին Պարսից։

ՄԱՐԳԱՐԷՈՒԹԻՒՆ ԵՍԱՅԵԱՅ 35:3

Զօրացարուք, ձեռք լքեալք եւ ծունկք կթուցեալք.

ՄԱՐԳԱՐԷՈՒԹԻՒՆ ԵՍԱՅԵԱՅ 35:4

մխիթարեցարուք, կարճամիտք սրտիւք՝՝. զօրացարուք եւ մի՛ երկնչիք. ահաւասիկ Աստուած մեր հատուցանէ դատաստան եւ հատուսցէ՝՝, ինքնին եկեսցէ եւ փրկեսցէ զձեզ։

ՄԱՐԳԱՐԷՈՒԹԻՒՆ ԱՆԳԵԱՅ 1:1

Յամին երկրորդի Դարեհի արքայի, յամսեանն վեցերորդի, որ օր մի էր ամսոյն, եղեւ բան Տեառն ի ձեռն Անգէի մարգարէի եւ ասէ. Խօսեաց ընդ Զորաբաբելի որդւոյ Սաղաթիելի յազգէ Յուդայ, եւ ընդ Յեսուայ որդւոյ Յովսեդեկեայ քահանայի մեծի, եւ ասասցես.

ՄԱՐԳԱՐԷՈՒԹԻՒՆ ԱՆԳԵԱՅ 1:12

Եւ լուաւ Զորաբաբէլ որդի Սաղաթիելի յազգէ Յուդայ՝՝, եւ Յեսու Յովսեդեկեայ քահանայ մեծ, եւ ամենայն մնացորդք ժողովրդեանն ձայնի Տեառն Աստուծոյ իւրեանց, եւ զպատգամս Անգէի մարգարէի, որպէս առաքեաց զնա Տէր Աստուած նոցա առ նոսա՝՝. եւ երկեաւ ժողովուրդն յերեսաց Տեառն։

ՄԱՐԳԱՐԷՈՒԹԻՒՆ ԱՆԳԵԱՅ 2:18

Կարգեցէք զսիրտս ձեր յօրէ յայսմանէ եւ անդր. ի քսաներորդէ եւ չորրորդէ իններորդի ամսեանդ, եւ յօրէ յայդմանէ յորում անկաւ հիմն տաճարիդ Տեառն, դիք ի սիրտս ձեր.

ՄԱՐԳԱՐԷՈՒԹԻՒՆ ԱՆԳԵԱՅ 2:21

Ասա ցԶորաբաբէլ Սաղաթիելի յազգէ Յուդայ. Դարձեալ միւսանգամ՝՝ շարժեմ զերկինս եւ զերկիր, զծով եւ զցամաք,՝՝

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:13

Եւ եղիցի որպէս էիքն յանէծս ի մէջ ազգաց տունդ Յուդայ եւ տունդ Իսրայելի, նոյնպէս ապրեցուցից զձեզ, եւ եղիջիք յօրհնութիւն. քաջալերեցարուք եւ զօրասցին ձեռք ձեր։

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:18

Եւ եղեւ բան Տեառն ամենակալի առ իս՝ եւ ասէ.

ԱՌ ԵՓԵՍԱՑԻՍ ԹՈՒՂԹ 6:10

Այսուհետեւ զօրացարուք Տերամբ եւ կարողութեամբ զօրութեան նորա։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:1

Այլ դու, որդեակ իմ, զօրացիր շնորհօքն որ ի Քրիստոս Յիսուս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:6

Զօրացիր եւ քաջ լեր. զի դու բաժանեսցես ժողովրդեանդ այդմիկ զերկիրն զոր երդուայ հարցն քոց տալ դոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:8

Եւ մի՛ մերժեսցի զգիր օրինացս այսոցիկ ի բերանոյ քումմէ, եւ խոկասցես ի դա ի տուէ եւ ի գիշերի, զի իմասցիս առնել զամենայն գրեալսդ ի դմա. եւ ապա աջողեսցիս եւ ուղղեսցես զճանապարհս քո, եւ ապա խելամուտ լինիցիս։