ԱՌ ՏԻՏՈՍ ԹՈՒՂԹ 1:15 - Գրաբար Աստվածաշունչ (1895)

¹⁵ Ամենայն ինչ սուրբ է սրբոց, այլ պղծոցն եւ անհաւատից ոչինչ է սուրբ, այլ պղծեալ են միտք եւ խորհուրդք նոցա։

ԱՌ ՏԻՏՈՍ ԹՈՒՂԹ 1:15 Iomraidhean Croise

ԱՌԱԿՔ ՍՈՂՈՄՈՆԻ 21:4

Մեծամիտ է ի թշնամանս այր խստասիրտ՝՝. ղամբար ամպարշտաց՝ մեղք։

ԱՌԱԿՔ ՍՈՂՈՄՈՆԻ 30:12

ծնունդ չար՝՝ առ արդարս ունի զանձն իւր, եւ զելս անձին իւրոյ՝՝ ոչ լուացաւ։

ՄԱՐԳԱՐԷՈՒԹԻՒՆ ԱՆԳԵԱՅ 2:13

Եւ ասէ Անգէոս. Թէ մերձենայցէ պիղծն կամ անսուրբն՝՝ ոգւով յամենայն ինչ յայնպիսեաց՝ իցէ՞ թէ պղծեսցի։ Պատասխանի ետուն քահանայքն եւ ասեն. Պղծի։

Մատթեոսի Աւետարան 15:18

Իսկ որ ելանէ ի բերանոյ՝ ի սրտէ անտի գայ, եւ այն պղծէ զմարդ։

ԳՈՐԾՔ ԱՌԱՔԵԼՈՑ 10:15

Ձայն եղեւ կրկին անգամ առ նա. Զոր Աստուած սրբեաց՝ դու մի՛ պղծեր։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 14:14

Զայս գիտեմ եւ հաստատեալ եմ ի Քրիստոս Յիսուս, զի ոչինչ է պիղծ նովաւ, բայց այնմ որ համարիցի ոք ինչ պիղծ՝ նմա է պիղծ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 14:20

Մի՛ վասն կերակրոյ քակեր զգործ Աստուծոյ. ամենայն ինչ սուրբ է, այլ չար այնմ մարդոյ է որ խղճիւն ուտիցէ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 14:23

Բայց որ խղճէն, թէպէտ եւ ուտիցէ, դատապարտեալ է, զի ոչ ըստ հաւատոց է, զի ամենայն ինչ որ ոչ ի հաւատոց է՝ մեղք են։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:23

Ամենայն ինչ ինձ մարթ է, այլ ոչ ամենայն ինչ օգուտ է. ամենայն ինչ ինձ մարթ է, այլ ոչ ամենայն ինչ շինէ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:25

Ամենայն ինչ որ ի սպանդանոցի վաճառի՝ կերայք, եւ մի՛ խտրէք վասն խղճի մտաց.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:31

Արդ եթէ ուտիցէք, եթէ ըմպիցէք, եթէ զինչ եւ գործիցէք, զամենայն ինչ ի փառս Աստուծոյ արասջիք։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:7

Այլ ոչ յամենեսեան գիտութիւն է. ոմանք առ խղճի մտաց մինչեւ ցայժմ զկռոցն իբրեւ զզոհեալ ուտեն. եւ խիղճ մտաց նոցա, քանզի տկար է, պղծի։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:5

խարդախութիւնք ապականելոց մտաց մարդկան եւ օտարացելոց ի ճշմարտութենէ անտի, որք շահավաճառ համարին զաստուածպաշտութիւնն. բայց դու մերժեսջիր յայնպիսեաց անտի։

ԱՌ ԵԲՐԱՅԵՑԻՍ ԹՈՒՂԹ 10:22

մատիցուք ճշմարիտ սրտիւք, լրութեամբ հաւատոց, լուացեալ զսիրտս ի խղճէ չարեաց եւ մկրտեալ զմարմին ի ջուրն սրբութեան.

ԱՌ ԵԲՐԱՅԵՑԻՍ ԹՈՒՂԹ 12:15

Զգոյշ լերուք, գուցէ ոք յետնեալ գտանիցի ի շնորհացն Աստուծոյ. մի՛ ոք արմատ դառնութեան ի վեր երեւեալ նեղիցէ, եւ նովաւ բազումք պղծիցին։

ԱՌ ԵԲՐԱՅԵՑԻՍ ԹՈՒՂԹ 9:14

ո՛րչափ եւս առաւել արիւնն Քրիստոսի, որ ի ձեռն Հոգւոյն յաւիտենականի մատոյց զանձն անարատ պատարագ Աստուծոյ, սրբեսցէ զխիղճ մտաց ձերոց ի մեռելոտի գործոց անտի՝ պաշտել զԱստուած կենդանի։