Երգ Երգոց 3:4 - Գրաբար Աստվածաշունչ (1895)

⁴ Իբրեւ սակաւ մի անցի ըստ նոսա, գտի զոր սիրեաց անձն իմ։ Գտեալ զփեսայն ասէ.՝՝ Կալայ զնա, եւ ոչ թողի զնա, մինչեւ տարայց զնա ի տուն մօր իմոյ, եւ ի սենեակ յղացելոյն զիս։

Երգ Երգոց 3:4 Iomraidhean Croise

ԾՆՈՒՆԴՔ 32:26

Եւ ասէ ցնա. Արձակեա զիս, քանզի այգ եղեւ. եւ նա ասէ. Ոչ արձակեցից զքեզ, եթէ ոչ օրհնեսցես զիս։

ԱՌԱԿՔ ՍՈՂՈՄՈՆԻ 4:13

Բուռն հար զխրատուէ իմմէ՝ եւ մի՛ թողուցուս, այլ պահեա զնա անձին քում ի կեանս։

ԱՌԱԿՔ ՍՈՂՈՄՈՆԻ 8:17

Ես որ զիսն սիրեն՝ սիրեմ. եւ որ զիսն խնդրեն՝ գտցեն շնորհս՝՝։

Երգ Երգոց 1:7

Փեսայն ցհարսնն ասէ.՝՝ Եթէ ոչ ծանիցես զանձն քո, գեղեցիկդ ի կանայս, ել դու զհետ գարշապարացն հօտից, եւ արածեա զուլս քո ի վրանս հովուաց։

Երգ Երգոց 6:12

Դստերքն եւ թագուհիք ցհարսնն ասեն.՝՝ Դարձիր, Սոմնացիդ, դարձիր, դարձիր եւ տեսցուք մեք ի քեզ։ Ցդստերսն եւ ցթագուհիսն փեսայն զայս ինչ ասէ.՝՝ Զի՞նչ տեսանէք ի Սոմնացիդ՝ որ դիմեալ գայ իբրեւ զգունդս բանակաց։

Երգ Երգոց 7:5

Գլուխ քո ի վերայ քո իբրեւ զԿարմեղոս. հիւսք գլխոյ քո իբրեւ զծիրանի, իբրեւ զթագաւոր՝ թագ ի գլուխ յասպարէսս՝՝։

Երգ Երգոց 8:2

Առեալ ածից զքեզ ի տուն մօր իմոյ, եւ ի սենեակ յղացելոյն՝՝ զիս. արբուցից քեզ ի գինւոյ իւղագործաց, յօշարակէ նռնենեաց իմոց։

ՄԱՐԳԱՐԷՈՒԹԻՒՆ ԵՍԱՅԵԱՅ 45:19

Ոչ ի ծածուկ ինչ խօսեցայ՝ եւ ոչ ի տեղւոջ խաւարին երկրի. չասացի ցզաւակն Յակոբայ թէ՝ Սնոտիս խնդրեսջիք. ես եմ՝՝, ես եմ Տէր որ խօսիմ զարդարութիւն՝ եւ պատմեմ զճշմարտութիւն։

ՄԱՐԳԱՐԷՈՒԹԻՒՆ ԵՐԵՄԵԱՅ 29:13

Եւ խնդրեսջիք զիս եւ գտջիք. զի խնդրիցէք զիս յամենայն սրտէ ձերմէ.

ՈՂԲՔ 3:25

Բարերար է Աստուած ի վերայ համբերողաց իւրոց, զի անձն՝՝ որ խնդրէ զնա,

Մատթեոսի Աւետարան 28:9

Եւ ահա պատահեաց նոցա Յիսուս եւ ասէ. Ո՛ղջ էք։ Եւ նոքա մատուցեալ կալան զոտս նորա եւ երկիր պագին նմա։

Մատթեոսի Աւետարան 7:7

Խնդրեցէք, եւ տացի ձեզ. հայցեցէք, եւ գտջիք. բախեցէք, եւ բացցի ձեզ.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:35

Արդ ո՞վ մեկնեսցէ զմեզ ի սիրոյն Քրիստոսի, նեղութի՞ւն, թէ անձկութի՞ւն, թէ հալածա՞նք, թէ սո՞վ, թէ մերկութի՞ւն, թէ վի՞շտք, թէ սո՞ւր.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:39

եւ ոչ բարձրութիւն եւ ոչ խորութիւն, եւ ոչ այլ ինչ արարած կարէ մեկնել զմեզ ի սիրոյ անտի Աստուծոյ, որ ի Քրիստոս Յիսուս ի Տէր մեր։

ԱՌ ԳԱՂԱՏԱՑԻՍ ԹՈՒՂԹ 4:26

Այլ վերինն Երուսաղէմ ազատ է, որ է մայր մեր ամենեցուն։