Երգ Երգոց 1:5 - Գրաբար Աստվածաշունչ (1895)

⁵ Մի՛ հայիք ընդ իս, զի ես սեւացեալ թխացայ, քանզի խեթիւ հայեցաւ ընդ իս արեգակն. որդիք մօր իմոյ մարտեան ընդ իս, եւ եդին զիս պահապան այգեստանի. զի զայգին իմ ոչ պահեցի։

Երգ Երգոց 1:5 Iomraidhean Croise

ԳԻՐՔ ՍԱՂՄՈՍԱՑ 120:5

Տէր պահեսցէ զքեզ, եւ Տէր ընկալցի աջոյ ձեռամբ իւրով։՝՝

ԳԻՐՔ ՍԱՂՄՈՍԱՑ 149:4

Հաճի Տէր ընդ ժողովուրդ իւր, եւ բարձր առնէ զհեզս ի փրկութեան։

ԳԻՐՔ ՍԱՂՄՈՍԱՑ 45:9

Եկայք եւ տեսէք զգործս Աստուծոյ, որ արար զնշանս եւ զարուեստս ի վերայ երկրի։

Երգ Երգոց 2:14

Աղաւնեակ իմ ընդ հովանեաւ վիմիդ առ պատուարաւ պարսպիդ, երեւեցո ինձ զերեսս քո, եւ լսելի արա ինձ զբարբառ քո. զի բարբառ քո քաղցր է եւ տեսիլ քո գեղեցիկ։

Երգ Երգոց 2:7

Հարսնն ցօրիորդսն ասէ.՝՝ Երդմնեցուցանեմ զձեզ, դստերք Երուսաղեմի, ի զօրութիւնս եւ յուժգնութիւնս անդաստանի. եթէ յառնիցէք՝ զարթուսջիք՝՝ զսէրն մինչեւ կամեսցի։

Երգ Երգոց 3:10

զսիւնս նորա գործեաց արծաթիս, զկոնք նորա ոսկի, եւ զձեղուն նորա ծիրանի, զմէջ նորա ականակապ տարածեալ զսէրն՝՝ ի դստերացն Երուսաղեմի։

Երգ Երգոց 3:5

Զօրիորդսն երդմնեցուցանէ երկրորդ անգամ հարսնն.՝՝ Երդմնեցուցանեմ զձեզ, դստերք Երուսաղեմի ի զօրութիւնս եւ ի հաստատութիւնս՝՝ ագարակի, եթէ յառնիցէք՝ զարթուսջիք զսէրն մինչեւ կամեսցի։

Երգ Երգոց 4:3

Իբրեւ զթել որդան են շրթունք քո, եւ խօսք քո գեղեցիկք. իբրեւ զկեղեւ նռան են այտք քո՝ բաց ի լռութենէդ քումմէ՝՝.

Երգ Երգոց 5:16

Կոկորդ նորա լի քաղցրութեամբ, եւ ամենեւին ցանկալի։ Այն է եղբօրորդին իմ, եւ այն է մերձաւոր իմ, դստերք Երուսաղեմի։

Երգ Երգոց 5:8

Երդմնեցուցանեմ զձեզ, դստերք Երուսաղեմի, ի զօրութիւնս եւ ի հաստատութիւնս ագարակի,՝՝ եթէ գտանիցէք զեղբօրորդին իմ՝ պատմեսջիք նմա, եթէ խանդակաթ եմ ես ի սէր քո։

Երգ Երգոց 6:4

Դարձո զաչս քո յինէն, վասն զի դոքա սրարբեցուցին զիս. վարսք քո իբրեւ զերամակս այծից որք երեւեցան ի Գաղաադէ։

Երգ Երգոց 8:4

Երդմնեցուցից զձեզ, դստերք Երուսաղեմի, ի զօրութիւնս եւ ի հաստատութիւնս ագարակի, եթէ յառնիցէք զարթուսջիք՝՝ զսէրն մինչեւ կամեսցի։

ՄԱՐԳԱՐԷՈՒԹԻՒՆ ԵՍԱՅԵԱՅ 21:16

Զի այսպէս ասաց ցիս Տէր. Ամ մեւս եւս իբրեւ զտարի վարձկանի, եւ պակասեսցեն փառք որդւոցն Կեդարու։

ՄԱՐԳԱՐԷՈՒԹԻՒՆ ԵՍԱՅԵԱՅ 53:2

Պատմեցաք առաջի նորա իբրեւ զմանուկ,՝՝ իբրեւ զարմատ ի ծարաւուտ երկրէ. ոչ գոյր նորա տեսիլ եւ ոչ փառք. տեսաք մեք զնա, եւ ոչ գոյր նորա տեսիլ եւ ոչ գեղեցկութիւն.

ՄԱՐԳԱՐԷՈՒԹԻՒՆ ԵՍԱՅԵԱՅ 60:7

Եւ ամենայն խաշինքն Կեդարու ժողովեսցին առ քեզ, եւ խոյքն Նաբէովթայ ածցին եւ՝՝ մատուսցին ընդունելի պատարագ ի վերայ սեղանոյ իմոյ, եւ տուն աղօթից իմոց փառաւորեսցի՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 61:10

Ուրախութեամբ ուրախ եղիցին ի Տէր. ցնծասցէ անձն իմ ի Տէր, զի զգեցոյց ինձ հանդերձ փրկութեան եւ պատմուճան ուրախութեան՝՝, իբրեւ փեսայի եդ ինձ պսակ, եւ իբրեւ հարսն զարդու զարդարեաց զիս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:14

Եւ ել անուն գեղեցկութեան քո ընդ ամենայն ազգս, զի էր կատարեալ վայելչութիւն գեղոյ քո զոր յօրինեցի ի վերայ քո, ասէ Ադոնայի Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 27:21

Արաբացիք եւ ամենայն իշխանք Կեդարու, նոքա վաճառականք ընդ ձեռամբ քով՝ ուղտս եւ խոյս եւ որոջս վաճառէին ի քեզ։

Մատթեոսի Աւետարան 10:25

Շատ իցէ աշակետին եթէ եղիցի իբրեւ զվարդապետ իւր, եւ ծառային՝ իբրեւ զտէր իւր. եթէ զտանուտէրն Բէեղզեբուղ կոչեցին, ո՛րչափ եւս առաւել զընտանիս նորա։

Մատթեոսի Աւետարան 22:11

Եւ մտեալ թագաւորն հայել զբազմականօքն՝ ետես անդ այր մի որ ոչ էր զգեցեալ հանդերձ հարսանեաց։

ԱՒԵՏԱՐԱՆ ԸՍՏ ՂՈՒԿԱՍՈՒ 13:34

Երուսաղէ՛մ, Երուսաղէ՛մ, որ կոտորէիր զմարգարէս եւ քարկոծ առնէիր զառաքեալսն առ քեզ. քանի՜ցս անգամ կամեցայ ժողովել զորդիս քո, որպէս հաւ զձագս իւր ընդ թեւովք, եւ ոչ կամեցարուք։

ԱՒԵՏԱՐԱՆ ԸՍՏ ՂՈՒԿԱՍՈՒ 15:22

Ասէ հայրն ցծառայսն իւր. Վաղվաղակի հանէք զպատմուճանն առաջին եւ ագուցէք նմա, եւ տուք զմատանին ի ձեռս նորա, եւ կօշիկս յոտս նորա.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 13:14

այլ զգեցարուք զՏէր Յիսուս Քրիստոս, եւ մարմնոյ խնամ մի՛ տանիք ի ցանկութիւնս։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 5:21

Զի զայն որ ոչն գիտէր զմեղս՝ վասն մեր մեղս արար, զի մեք եղիցուք նովաւ արդարութիւն Աստուծոյ։

ԱՌ ԳԱՂԱՏԱՑԻՍ ԹՈՒՂԹ 4:26

Այլ վերինն Երուսաղէմ ազատ է, որ է մայր մեր ամենեցուն։

ԱՌ ԵՓԵՍԱՑԻՍ ԹՈՒՂԹ 5:26

զի զնա սրբեսցէ սրբութեամբ աւազանին՝ բանիւ.

ՅՈՎՀԱՆՆՈՒ ԱՌԱՋԻՆ՝՝ 3:1

Տեսէք, որպիսի՛ սէր շնորհեաց մեզ Հայր, զի որդիք Աստուծոյ կոչեսցուք մեք. վասն այսորիկ աշխարհ ոչ ճանաչէ զմեզ, քանզի ոչ ծանեաւ զնա։