ՀՌՈՒԹ 4:11 - Գրաբար Աստվածաշունչ (1895)

¹¹ Պատասխանի ետ ամենայն ժողովուրդն ի դրանն եւ ասեն. Մեք եմք վկայք։ Եւ ծերքն ասեն.՝՝ Տացէ Տէր զկինն որ մտանէ ի տուն քո իբրեւ զՀռաքէլ եւ իբրեւ զԼիա, որ շինեցին երկոքին զտունն Իսրայելի, առնել զօրութիւն յԵփրաթա, եւ կոչել անուն ի Բեթղեհէմ։

ՀՌՈՒԹ 4:11 Iomraidhean Croise

ԾՆՈՒՆԴՔ 23:10

Եւ Եփրոն նստէր ի մէջ որդւոցն Քետայ։ Պատասխանի ետ Եփրոն Քետացի Աբրահամու եւ ասէ լու ի լու որդւոցն Քետայ եւ ամենեցուն որ մտանէին ընդ դուռն քաղաքին նորա։

ԾՆՈՒՆԴՔ 24:60

Եւ օրհնեցին զՌեբեկա եւ ասեն ցնա. Քոյր մեր ես. իցես ի հազարս եւ ի բեւրս, եւ ժառանգեսցէ զաւակ քո զքաղաքս թշնամեաց քոց։

ԾՆՈՒՆԴՔ 29:16

Եւ Լաբանայ էին երկու դստերք. անուն երիցուն Լիա, եւ անուն կրտսերոյն Ռաքէլ։

ԾՆՈՒՆԴՔ 29:25

Եւ իբրեւ այգ եղեւ, եւ ահա Լիա էր. եւ ասէ Յակոբ ցԼաբան. Զի՞նչ գործեցեր զայս. ո՞չ վասն Ռաքելի ծառայեցի քեզ. ընդէ՞ր խաբեցեր զիս։

ԾՆՈՒՆԴՔ 29:32

Եւ յղացաւ Լիա, եւ ծնաւ որդի Յակոբայ, եւ կոչեաց զանուն նորա Ռուբէն. ասէ. Զի ետես Տէր զտառապանս իմ, արդ սիրեսցէ զիս այր իմ։

ԾՆՈՒՆԴՔ 35:23

Որդիք Լիայ, անդրանիկ Յակոբայ՝ Ռուբէն, Շմաւոն, Ղեւի, Յուդա, Իսաքար, Զաբուղոն։

ԾՆՈՒՆԴՔ 35:24

Եւ որդիք Ռաքելի՝ Յովսէփ եւ Բենիամին։

ԹԱԳԱՒՈՐՈՒԹԵԱՆՑ ԵՐՐՈՐԴ 21:8

Եւ գրեաց հրովարտակ յանուն Աքաաբու, եւ կնքեաց մատանեաւ նորա. եւ առաքեաց զհրովարտակն առ ծերս եւ առ ազատս քաղաքին նորա, որ բնակեալ էին ընդ Նաբովթայ։

ՄՆԱՑՈՐԴԱՑ ԱՌԱՋԻՆ 2:51

Սաղմոն հայր Բեթղամոնայ, հայր Բեթղեէմ, Արի՝՝ հայր Բեթեգովրայ։

ԱՌԱԿՔ ՍՈՂՈՄՈՆԻ 14:1

Իմաստուն կանայք՝ շինեցին տունս, իսկ անզգամքն ձեռօք իւրեանց կործանեցին։

ԱՌԱԿՔ ՍՈՂՈՄՈՆԻ 31:23

Երեւելի է ի դրունս այր նորա, յորժամ նստիցի ի ժողովրդեան ի մէջ ծերոց եւ բնակչաց՝՝ երկրի։

ՄԱՐԳԱՐԷՈՒԹԻՒՆ ԵՐԵՄԵԱՅ 32:10

եւ գրեցի մուրհակս եւ կնքեցի, եւ կացուցի վկայս, եւ կշռեցի զարծաթն ի կշիռս։

ՄԱՐԳԱՐԷՈՒԹԻՒՆ ՄԻՔԻԱՅ 5:2

Եւ դու, Բեթղեհէմ տուն Եփրաթայ՝՝, սակաւաւոր իցես լինել ի հազարաւորս Յուդայ, ի քէն ելցէ ինձ լինել իշխան Իսրայելի, եւ ելք նորա ի սկզբանէ աւուրց աշխարհի՝՝։

Մատթեոսի Աւետարան 2:6

Եւ դու, Բեթղեհեմ, երկիր Յուդայ, ոչինչ կրտսեր ես յիշխանս Յուդայ. ի քէն ելցէ ինձ իշխան, որ հովուեսցէ զժողովուրդ իմ զԻսրայէլ։

ԵՐԿՐՈՐԴՈՒՄՆ ՕՐԻՆԱՑ 25:7

Ապա թէ ոչ կամիցի այրն առնուլ զկին եղբօր իւրոյ, ելցէ կինն ի դուռն անդր առ ծերակոյտն եւ ասասցէ. Ոչ կամի եղբայր առն իմոյ կանգնել զանուն եղբօր իւրոյ ի մէջ Իսրայելի։

ԵՐԿՐՈՐԴՈՒՄՆ ՕՐԻՆԱՑ 25:9

Եւ մատուցեալ կին եղբօր նորա առաջի ծերոցն, հանցէ զկօշիկ մի յոտանէ նորա, եւ թքցէ ընդ երեսս նորա, եւ պատասխանի տուեալ ասասցէ. Այսպէս արասցեն առն որ ոչ շինիցէ զտուն եղբօր իւրոյ։

ՀՌՈՒԹ 1:2

Եւ անուն առնն Ելիմելէք, եւ անուն կնոջ նորա Նոոմին, եւ անուն երկուց որդւոց նորա Մաալոն եւ Քելլոն, Եփրաթացիք ի Բեթղեհեմէ Յուդայ. չոգան յագարակն Մովաբու, եւ անդ էին։