ՀՌՈՒԹ 3:13 - Գրաբար Աստվածաշունչ (1895)

¹³ Ագիր աստ զգիշերս զայս. եւ եղիցի այգուն, եթէ մերձաւորեցուսցէ զքեզ մերձաւորիչն՝ բարի է. ապա եթէ ոչ կամիցի մերձաւորեցուցանել զքեզ, ես մերձաւորեցուցից զքեզ, կենդանի է Տէր. ննջեա այդր մինչեւ ցառաւօտ։

ՀՌՈՒԹ 3:13 Iomraidhean Croise

ՄԱՐԳԱՐԷՈՒԹԻՒՆ ԵՐԵՄԵԱՅ 12:16

Եւ եղիցի եթէ ուսանելով ուսանիցին զճանապարհ ժողովրդեան իմոյ, երդնուլ յանուն իմ թէ՝ Կենդանի է Տէր, որպէս ուսուցին զժողովուրդ իմ երդնուլ ի Բահաղ, եւ շինեսցին ի մէջ ժողովրդեան իմոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 4:2

եւ երդնուցու՝՝ թէ կենդանի է Տէր ճշմարտութեամբ եւ իրաւամբք եւ արդարութեամբ, օրհնեսցին նովաւ ազգք եւ նովիմբ գովեսցին։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 1:23

Այլ ես վկայ զԱստուած կոչեմ անձին իմոյ, զի վասն խնայելոյ ի ձեզ ոչ եւս եկի ի Կորնթոս. զի ոչ եթէ տիրեմք ձեզ հաւատովքս՝ այլ գործակից եմք շնորհացդ ձերոց՝՝. քանզի հաւատովք հաստատեալ կայք։

ԱՌ ԵԲՐԱՅԵՑԻՍ ԹՈՒՂԹ 6:16

Ապաքէն մարդիկ որ ինչ ի վեր է քան զինքեանս՝ յայն երդնուն, եւ ամենայն հակառակութեան նոցա վճիռ ի հաստատութիւն՝ երդումնն է։

ԴԱՏԱՒՈՐՔ 8:19

Եւ ասէ Գեդէոն. Եղբարք իմ եւ որդիք մօր իմոյ էին։ Եւ երդուաւ նոցա եւ ասէ.՝՝ Կենդանի է Տէր, եթէ կենդանի պահեալ էր ձեր զնոսա, ոչ սպանանէի զձեզ։

ՀՌՈՒԹ 2:20

Ասէ Նոոմին ցնու իւր. օրհնեալ է նա ի Տեառնէ, զի ոչ պակասեցոյց զգութ իւր ի կենդանեաց եւ ի մեռելոց։ Եւ ասէ ցնա Նոոմին. Մերձ է այրն ի մեզ, ի մերձաւորաց մերոց է։

ՀՌՈՒԹ 3:12

Եւ արդարեւ եմ ես մերձաւորիչ քո. բայց գոյ եւ այլ եւս մօտ մերձաւորիչ՝ մօտագոյն քան զիս։

ՀՌՈՒԹ 4:5

Եւ ասէ Բոոս. Յաւուր ստանալոյ քո զագարակն ի ձեռաց Նոոմինայ, եւ ի Հռութայ Մովաբացւոյ ի կնոջէ մեռելոյն, եւ զնա պարտիս ստանալ եւ յարուցանել զանուն մեռելոյն ի ժառանգութեան իւրում։

ՀՌՈՒԹ 4:6

Եւ ասէ մերձաւորիչն ցԲոոս. Ոչ կարեմ մերձաւորեցուցանել ես ինձ, գուցէ եղծանիցեմ զժառանգութիւն իմ. մերձաւորեա դու քեզ զմերձաւորութիւն իմ, զի ես ոչ կարեմ մերձաւորեցուցանել։