ՀՌՈՒԹ 2:6 - Գրաբար Աստվածաշունչ (1895)

⁶ Պատասխանի ետ պատանին որ կայր ի վերայ հնձողացն եւ ասէ. Մովաբացի աղջիկն է որ դարձաւ ընդ Նոոմինայ յագարակէն Մովաբայ։

ՀՌՈՒԹ 2:6 Iomraidhean Croise

ԾՆՈՒՆԴՔ 15:2

Եւ ասէ Աբրամ. Տէր, Տէր, զի՞նչ արասցես ինձ, զի ես կորնչիմ անորդի, եւ որդի Մասեկայ ընդոծնի իմոյ, այն՝՝ է Եղիազար Դամասկացի։

ԾՆՈՒՆԴՔ 24:2

Եւ ասէ Աբրահամ ցծառայն իւր ցերէց տան իւրոյ, ցիշխան ամենայն ընչից նորա. Դիր զձեռն քո ընդ երանօք իմովք,

ԾՆՈՒՆԴՔ 39:4

Եւ եգիտ Յովսէփ շնորհս առաջի տեառն իւրոյ, զի հաճոյ էր նմա. եւ կացոյց զնա ի վերայ տան իւրոյ, եւ զամենայն ինչ որ իւր էր՝ ետ ի ձեռս Յովսեփայ։

Մատթեոսի Աւետարան 20:8

Եւ իբրեւ երեկոյ եղեւ, ասէ տէր այգւոյն ցգաւառապետ իւր. Կոչեա զմշակսն եւ տուր նոցա վարձս՝ սկսեալ ի յետնոցն մինչեւ ցառաջինսն։

Մատթեոսի Աւետարան 24:45

Իսկ ո՞վ իցէ հաւատարիմ ծառայ եւ իմաստուն զոր կացոյց տէր իւր ի վերայ ծառայից իւրոց տալ նոցա կերակուր ի ժամու։

ՀՌՈՒԹ 1:16

Եւ ասէ Հռութ. Մի՛ պատահեսցէ ինձ՝՝ թողուլ զքեզ եւ դառնալ ի քէն. զի ուր դու երթայցես՝ երթայց, եւ ուր հանգչիցիս՝ հանգեայց. ժողովուրդ քո՝ ժողովուրդ իմ, եւ Աստուած քո՝ Աստուած իմ.

ՀՌՈՒԹ 1:19

Եւ գնացին երկոքին մինչեւ գալ նոցա ի Բեթղեհեմ. եւ եղեւ ի գալն նոցա ի Բեթղեհեմ, հնչեաց ամենայն քաղաքն զնովաւ, եւ ասեն թէ՝ Սա՞ իցէ Նոոմին։

ՀՌՈՒԹ 1:22

Եւ դարձան Նոոմին եւ Հռութ Մովաբացի նու իւր ընդ նմա՝ գնացեալ յագարակէն Մովաբայ, եւ եկին ի Բեթղեհեմ ի սկզբան հնձոց գարւոյ։

ՀՌՈՒԹ 2:5

Եւ ասէ Բոոս ցպատանին իւր որ կայր ի վերայ հնձողացն. Ո՞յր է աղջիկդ այդ։

ՀՌՈՒԹ 2:7

Եւ ասէ. Թող քաղեցից եւ ժողովեցից հասկ ի մէջ որայոց զհետ հնձողացդ. եւ եկն եկաց յառաւօտէ մինչեւ ցայժմ, եւ ոչ դադարեաց եւ ոչ սակաւիկ ինչ յանդիս՝՝։