ՀՌՈՒԹ 1:8 - Գրաբար Աստվածաշունչ (1895)

⁸ Եւ ասէ Նոոմին ցերկոսին նուանս իւր. Երթայք դարձարուք յիւրաքանչիւր տուն հօր իւրոյ. եւ արասցէ ընդ ձեզ Տէր ողորմութիւն, որպէս արարէք ընդ մեռեալսն եւ ընդ իս։

ՀՌՈՒԹ 1:8 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:6

Եւ արդ արասցէ Տէր ընդ ձեզ ողորմութիւն եւ ճշմարտութիւն. եւ ես հատուցից ձեզ ընդ բարութեանն այնորիկ զի արարէք զբանն զայն։

ԱՌ ԵՓԵՍԱՑԻՍ ԹՈՒՂԹ 5:22

Կանայք իւրեանց արանց հնազանդ լիցին իբրեւ Տեառն.

ԱՌ ԿՈՂՈՍԱՑԻՍ ԹՈՒՂԹ 3:18

Կանայք, հնազանդ լերուք արանց ձերոց, որպէս եւ վայել է ի Տէր։

ԱՌ ԿՈՂՈՍԱՑԻՍ ԹՈՒՂԹ 3:24

Գիտասջիք զի ի Տեառնէ առնուցուք զհատուցումն ժառանգութեան ձերոյ. քանզի Տեառն Քրիստոսի ծառայէք։

ՀՌՈՒԹ 1:5

Եւ մեռան անդ՝ երկոքին, Մաալոն եւ Քելլոն, եւ մնաց կինն միայն յառնէ իւրմէ եւ յորդւոց իւրոց։

ՀՌՈՒԹ 1:7

Եւ ել ի տեղւոջէն ուր էր, եւ երկոքին նուանք նորա ընդ նմա, եւ գնացին ճանապարհ՝ դառնալ յերկիրն Յուդայ։

ՀՌՈՒԹ 1:9

Տացէ ձեզ Տէր եւ գտջիք հանգիստ իւրաքանչիւր ի տան առն իւրոյ։ Եւ համբուրեաց զնոսա. ամբարձին զձայնս իւրեանց եւ լացին։

ՀՌՈՒԹ 2:20

Ասէ Նոոմին ցնու իւր. օրհնեալ է նա ի Տեառնէ, զի ոչ պակասեցոյց զգութ իւր ի կենդանեաց եւ ի մեռելոց։ Եւ ասէ ցնա Նոոմին. Մերձ է այրն ի մեզ, ի մերձաւորաց մերոց է։

ՀՌՈՒԹ 3:10

Եւ ասէ Բոոս. օրհնեալ ես դու ի Տեառնէ Աստուծոյ, դուստր, զի ազնուացուցեր դու զգութ քո զվերջինս քան զառաջինն. զի ոչ չոգար զհետ երիտասարդաց զաղքատաց կամ զմեծամեծաց։