ԳԻՐՔ ՍԱՂՄՈՍԱՑ 1:1 - Գրաբար Աստվածաշունչ (1895)

¹ Երանեալ է այր որ ոչ գնաց ի խորհուրդս ամպարշտաց, ի ճանապարհի մեղաւորաց նա ոչ եկաց, եւ յաթոռս ժանտից ոչ նստաւ.

ԳԻՐՔ ՍԱՂՄՈՍԱՑ 1:1 Iomraidhean Croise

ԾՆՈՒՆԴՔ 49:6

Ի խորհուրդս նոցա մի՛ մտցէ անձն իմ, եւ ժողովս նոցա ոչ հաճեսցին միտք իմ. զի սրտմտութեամբ իւրեանց սպանին զարս, եւ ցանկութեամբ իւրեանց կարթակոտոր արարին զցուլս։

ԾՆՈՒՆԴՔ 5:24

Եւ հաճոյ եղեւ Ենովք՝՝ Աստուծոյ. եւ ոչ ուրեք գտանէր, զի փոխեաց զնա Աստուած։

ԹԱԳԱՒՈՐՈՒԹԵԱՆՑ ԵՐՐՈՐԴ 16:31

Եւ ոչ ինչ էր նմա ընդհատ գնալ ըստ մեղաց Յերոբովամայ որդւոյ Նաբատայ. եւ ա՛ռ կին զՅեզաբէլ դուստր Յովբաղայ արքայի Սիդոնացւոց, եւ գնաց եւ ծառայեաց Բահաղու եւ երկիր եպագ նմա։

ՄՆԱՑՈՐԴԱՑ ԵՐԿՐՈՐԴ 22:3

Եւ նա գնաց ի ճանապարհս տանն Աքաաբու. վասն զի մայրն իւր էր խորհրդակից նմա մեղանչել։

ԳԻՐՔ ՅՈԲԱՅ 10:3

կամ թէ բարւո՞ք թուիցի քեզ՝ թէ անիրաւ իցեմ. զի մերժեցեր զգործս ձեռաց քոց, եւ ի խորհուրդս ամպարշտաց հայեցար։՝՝

ԳԻՐՔ ՅՈԲԱՅ 21:16

Ի ձեռս նոցա էին բարութիւնք, եւ ի գործս ամպարշտաց ոչ հայի։

ԳԻՐՔ ՅՈԲԱՅ 31:5

Եթէ գնացեալ իցեմ ընդ այպանօղս, եթէ վաղվաղեաց ոտն իմ ի նենգութիւն,

ԳԻՐՔ ՍԱՂՄՈՍԱՑ 1:6

Քանզի ճանաչէ Տէր զճանապարհս արդարոց, ճանապարհք ամպարշտաց կորիցեն։

ԳԻՐՔ ՍԱՂՄՈՍԱՑ 106:3

Յամենայն գաւառաց ժողովեաց զնոսա, յարեւելից եւ յարեւմտից, ի հիւսիսոյ եւ ի ծովէ։

ԳԻՐՔ ՍԱՂՄՈՍԱՑ 112:1

Օրհնեցէք, մանկունք, զՏէր, եւ՝՝ օրհնեցէք զանուն Տեառն։

ԳԻՐՔ ՍԱՂՄՈՍԱՑ 144:15

Աչք ամենեցուն ի քեզ յուսան, եւ դու տաս կերակուր նոցա ի ժամու. տաս դու նոցա եւ կերակրին։

ԳԻՐՔ ՍԱՂՄՈՍԱՑ 146:5

Մեծ է Տէր մեր եւ մեծ է զօրութիւն նորա, իմաստութեան նորա ոչ գոյ բաւ։

ԳԻՐՔ ՍԱՂՄՈՍԱՑ 146:9

այն որ տայ անասնոց զկերակուր իւրեանց, ձագուց ագռաւուց՝ որ կարդան առ նա։

ԳԻՐՔ ՍԱՂՄՈՍԱՑ 2:12

Ընկալարուք զխրատ նորա զի մի՛ բարկասցի Տէր, եւ կորնչիցիք ի ճանապարհացն արդարութեան,

ԳԻՐՔ ՍԱՂՄՈՍԱՑ 26:12

Վասն թշնամեաց իմոց, մի՛ մատներ զիս ի ձեռս նեղչաց իմոց. յարեան ի վերայ իմ վկայք մեղաց, եւ ստեցին ինձ յանօրէնութեան իւրեանց։

ԳԻՐՔ ՍԱՂՄՈՍԱՑ 34:8

Հասցէ ի վերայ նոցա որոգայթ զոր ոչ գիտացին, եւ որս զոր թաքուցին՝ առցէ զոտս նոցա, եւ յորոգայթ ի նոյն անկցին։

ԳԻՐՔ ՍԱՂՄՈՍԱՑ 36:4

Ժտեա ի Տեառնէ՝՝ եւ նա տացէ քեզ զխնդրուածս սրտի քո։

ԳԻՐՔ ՍԱՂՄՈՍԱՑ 64:2

Քեզ վայելէ օրհնութիւն, Աստուած, ի Սիոն, եւ քեզ տացին աղօթք յԵրուսաղէմ։

ԳԻՐՔ ՍԱՂՄՈՍԱՑ 84:12

Ճշմարտութիւն յերկրէ բուսաւ, արդարութիւն յերկնից երեւեցաւ։

ԱՌԱԿՔ ՍՈՂՈՄՈՆԻ 1:15

Որդեակ, մի՛ երթար ճանապարհ ընդ նոսա, խոտորեա զոտն քո ի շաւղաց նոցա։

ԱՌԱԿՔ ՍՈՂՈՄՈՆԻ 1:22

Ցորքան ժամանակս անմեղք իցեն զհետ արդարութեան, մի՛ ամաչեսցեն. իսկ անմիտք ցանկացօղք թշնամանաց՝ ամպարշտեալք ատեցին զիմաստութիւն, եւ դատապարտք եղեն յանդիմանութեանց։

ԱՌԱԿՔ ՍՈՂՈՄՈՆԻ 13:15

Իմաստութիւն բարի՝ տայ շնորհս. եւ ճանաչել զօրէնս՝ մտաց բարեաց է.՝՝ ճանապարհ արհամարհողաց ի կորուստ։

ԱՌԱԿՔ ՍՈՂՈՄՈՆԻ 13:20

Որ գնայ ընդ իմաստունս՝ իմաստուն եղիցի, եւ որ թարթափի ընդ անզգամս՝ յայտնի եղիցի՝՝։

ԱՌԱԿՔ ՍՈՂՈՄՈՆԻ 19:29

Պատրաստին անխրատից տանջանք, նոյնպէս եւ պատիժք անզգամաց։

ԱՌԱԿՔ ՍՈՂՈՄՈՆԻ 2:12

Զի ապրեցուսցեն զքեզ ի ճանապարհէ չարէ, եւ յառնէ որ խօսիցի եւ ոչ ինչ հաւատարիմս։

ԱՌԱԿՔ ՍՈՂՈՄՈՆԻ 3:34

Տէր ամբարտաւանից հակառակ կայ. տայ՝՝ շնորհս խոնարհաց։

ԱՌԱԿՔ ՍՈՂՈՄՈՆԻ 4:19

Ճանապարհք ամպարշտաց խաւարինք, եւ ոչ գիտեն զիարդ գայթակղին։

ԱՌԱԿՔ ՍՈՂՈՄՈՆԻ 9:12

Որդեակ, եթէ իմաստուն լինիցիս, անձին քում իցես եւ ընկերաց՝՝, եւ եթէ անզգամ իցես՝ միայն պեղեսցես զչարիս։ Որ հաստատի ի ստութիւն՝ այնպիսին զհողմս արածէ, եւ նոյն հալածէ զթռչունս թեւաւորս. քանզի եթող զճանապարհս այգւոյ իւրոյ, եւ ի շաւղաց անդոյ իւրոյ մոլորեալ է. գնայ ընդ անջրդին եւ ընդ անապատն, եւ ընդ երկիր կարգեալ ի ծարաւուտ, եւ ժողովէ ձեռօք իւրովք զանպտղութիւն։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 15:17

Ոչ նստայ յատենի այպանողաց, այլ սարսեցի՝՝ յերեսաց ձեռին քո՝ առանձին նստէի, զի լցայց դառնութեամբ։

ՄԱՐԳԱՐԷՈՒԹԻՒՆ ԵՐԵՄԵԱՅ 17:7

Օրհնեալ լիցի մարդն որ յուսացաւ ի Տէր, եւ եղիցի Տէր յոյս նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:18

Եւ ասացի ցնոսա յանապատին. Ըստ կրօնից հարցն ձերոց մի՛ գնայք, եւ զիրաւունս նոցա մի՛ պահէք, եւ ի գնացս նոցա մի՛ խառնակիք եւ՝՝ մի՛ պղծիք.

Մատթեոսի Աւետարան 16:17

Պատասխանի ետ Յիսուս եւ ասէ ցնա. Երանի քեզ, Սիմովն, որդի Յովնանու, զի մարմին եւ արիւն ոչ յայտնեաց քեզ, այլ՝ Հայր իմ որ յերկինս է։

ԱՒԵՏԱՐԱՆ ԸՍՏ ՂՈՒԿԱՍՈՒ 11:28

Եւ նա ասէ. Նա երանի այնոցիկ է, որ լսեն զբանն Աստուծոյ եւ պահիցեն։

ԱՒԵՏԱՐԱՆ ԸՍՏ ՂՈՒԿԱՍՈՒ 23:51

(սա չէր միաբանեալ ընդ խորհուրդս եւ ընդ գործս նոցա,) յԱրիմաթեայ քաղաքէ Հրէից, որ եւ ինքն իսկ ակն ունէր արքայութեան Աստուծոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 13:17

Եթէ զայս գիտէք, երանելի եւս էք, եթէ առնիցէք զայս։

ԱՒԵՏԱՐԱՆ ԸՍՏ ՅՈՎՀԱՆՆՈՒ 20:29

Ասէ ցնա Յիսուս. Այդ զի տեսերդ զիս եւ հաւատացեր. երանի որոց ոչ իցէ տեսեալ եւ հաւատասցեն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 5:2

որով եւ զընծայութիւնն իսկ ընկալաք հաւատովք ի շնորհս յայսոսիկ յորում կամք եւ պարծիմք յուսով փառացն Աստուծոյ։

ԱՌ ԵՓԵՍԱՑԻՍ ԹՈՒՂԹ 6:13

Վասն այսորիկ առէք զսպառազինութիւնն Աստուծոյ, զի կարող լինիջիք ի դիմի հարկանել չարին յաւուրն չարութեան։

ԵՐԿՐՈՐԴՈՒՄՆ ՕՐԻՆԱՑ 14:6

եւ զամենայն անասուն զթաթահերձ եւ զկճղակաբաշխ եւ զորոճող յանասնոց ուտիցէք.

ԵՐԿՐՈՐԴՈՒՄՆ ՕՐԻՆԱՑ 33:29

Երանեալ ես դու, Իսրայէլ, ո՞ նմանեսցէ քեզ, ժողովուրդ ընտրեալ ի Տեառնէ. պաշտպանեսցէ քեզ օգնականն քո, եւ սուր՝ պարծանք քո. եւ եկեսցեն թշնամիք քո, եւ դու ելցես ի վերայ պարանոցի նոցա՝՝։

ՊԵՏՐՈՍԻ ԱՌԱՋԻՆ՝՝ 4:3

Քանզի բաւական է անցեալ ժամանակն՝՝ լինելոյ կամացն հեթանոսաց, որք գնային՝՝ գիջութեամբք, ցանկութեամբք, գինեհարութեամբք, անառակութեամբք, արբեցութեամբք, անօրէն կռապաշտութեամբք։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:14

Երանելիք են որ պահեն զպատուիրանս նորա. նոքա ունին իշխանութիւն ուտել ի փայտէն՝՝ կենաց եւ մտանել ընդ դրունս քաղաքին։