ԱՌ ՓԻԼԻՊԵՑԻՍ ԹՈՒՂԹ 4:8 - Գրաբար Աստվածաշունչ (1895)

⁸ Այսուհետեւ, եղբարք, որ ինչ ճշմարտութեամբ է, որ ինչ պարկեշտութեամբ, որ ինչ արդարութեամբ, որ ինչ սրբութեամբ, որ ինչ սիրով, որ ինչ համբաւ բարեաց, որ ինչ քաջութեամբ, որ ինչ գովութեամբ՝ զայն խորհիջիք։

ԱՌ ՓԻԼԻՊԵՑԻՍ ԹՈՒՂԹ 4:8 Iomraidhean Croise

ԾՆՈՒՆԴՔ 18:19

Քանզի գիտէի եթէ պատուիրեսցէ որդւոց իւրոց եւ տան իւրոյ յետ իւր՝ պահել զճանապարհս Տեառն եւ առնել զարդարութիւն եւ զիրաւունս. եւ ածցէ Տէր Աստուած ի վերայ Աբրահամու զամենայն զոր խօսեցաւ ընդ նմա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:23

Սաւուղ եւ Յովնաթան սիրելիք եւ գեղեցիկք եւ վայելուչք, չմեկնեալք ի կենդանութեան իւրեանց, եւ ոչ մեկնեցան ի մահուան իւրեանց. թեթեւագոյնք քան զարծուիս, զօրացան առաւել քան զառիւծունս։

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:3

Ասէ Աստուած Իսրայելի, ընդ իս իսկ խօսեցաւ Պահապանն Իսրայելի. առակումն ասացի ի մարդ. ո՞վ է որ կալցի զերկիւղէ Տեառն եւ զԱստուծոյ, ի լոյս առաւօտու։

ԳԻՐՔ ՍԱՂՄՈՍԱՑ 82:2

Աստուած, ո՞ քեզ նմանիցէ՝՝. մի՛ լռեր եւ մի՛ դադարեր, Աստուած։

ԱՌԱԿՔ ՍՈՂՈՄՈՆԻ 11:1

Կշիռք նենգութեան պիղծ են առաջի Տեառն, կշիռ արդար ընդունելի է նմա։

ԱՌԱԿՔ ՍՈՂՈՄՈՆԻ 12:4

Կին ժրագլուխ՝ պսակ է առն իւրոյ. որպէս որդն՝ փայտի վնասակար է, նոյնպէս կորուսանէ զայր կին չարագործ՝՝։

ԱՌԱԿՔ ՍՈՂՈՄՈՆԻ 16:11

Մէտ կշռոց է արդարութիւն ի Տեառնէ, եւ գործք նորա կշիռք արդարք։

ԱՌԱԿՔ ՍՈՂՈՄՈՆԻ 20:7

Որ շրջի անարատ յարդարութեան՝՝ երանելի որդիս թողցէ զկնի իւր։

ԱՌԱԿՔ ՍՈՂՈՄՈՆԻ 31:10

Կին ժրագլուխ եթէ գտանիցի,՝՝ պատուականագոյն է այնպիսին քան զականս պատուականս։

ԱՌԱԿՔ ՍՈՂՈՄՈՆԻ 31:29

Բազում դստերք ստացան զմեծութիւն, բազումք՝՝ արարին զօրութիւն, բայց դու առաւել եղեր եւ՝՝ անցուցեր զամենեքումբք։

ԱՌԱԿՔ ՍՈՂՈՄՈՆԻ 31:31

Տուք նմա ի պտղոյ շրթանց նորա, եւ գովեսցի ի դրունս այր նորա։ Զի ճանապարհք առն առաջի երեսաց իւրոց երթիցեն, եւ աջողեսցին յաւիտեանս յաւիտենից։՝՝

Երգ Երգոց 5:16

Կոկորդ նորա լի քաղցրութեամբ, եւ ամենեւին ցանկալի։ Այն է եղբօրորդին իմ, եւ այն է մերձաւոր իմ, դստերք Երուսաղեմի։

ՄԱՐԳԱՐԷՈՒԹԻՒՆ ԵՍԱՅԵԱՅ 26:7

ճանապարհք բարեպաշտաց ուղիղ են, դիւրեալ եւ պատրաստեալ են ճանապարհք աստուածապաշտաց։

Մատթեոսի Աւետարան 22:16

Եւ առաքեն առ նա զաշակերտս իւրեանց Հերովդիանոսօքն հանդերձ, եւ ասեն. Վարդապետ, գիտեմք զի ճշմարիտ ես, եւ զճանապարհն Աստուծոյ ճշմարտութեամբ ուսուցանես, եւ ոչ է քեզ փոյթ զումեքէ, եւ ոչ հայիս յերեսս մարդոյ։

ԱՒԵՏԱՐԱՆ ԸՍՏ ՄԱՐԿՈՍԻ 6:20

Զի Հերովդէս երկնչէր ի Յովհաննէ, քանզի գիտէր զնա այր արդար եւ սուրբ, եւ սպասէր նմա, եւ լուեալ ի նմանէ՝ բազում ինչ առնէր, եւ քաղցրութեամբ լսէր նմա։

ԱՒԵՏԱՐԱՆ ԸՍՏ ՂՈՒԿԱՍՈՒ 16:15

Եւ ասէ ցնոսա. Դուք էք որ արդարացուցանէք զանձինս առաջի մարդկան, սակայն Աստուած գիտէ զսիրտս ձեր. զի որ առաջի մարդկան բարձր է՝ պիղծ է առաջի Աստուծոյ։

ԱՒԵՏԱՐԱՆ ԸՍՏ ՂՈՒԿԱՍՈՒ 2:25

Եւ ահա էր այր մի յԵրուսաղէմ, որոյ անուն էր Սիմէովն, եւ էր այրն այն արդար եւ երկիւղած, եւ ակն ունէր մխիթարութեանն Իսրայելի. եւ Հոգի Սուրբ էր ի նմա։

ԱՒԵՏԱՐԱՆ ԸՍՏ ՂՈՒԿԱՍՈՒ 23:50

Եւ ահա այր մի անուն Յովսէփ, որ էր նախարար, այր բարեգործ եւ արդար.

ԱՒԵՏԱՐԱՆ ԸՍՏ ՅՈՎՀԱՆՆՈՒ 7:18

Որ յանձնէ իւրմէ խօսի՝ փառս անձին իւրում խնդրէ, իսկ որ խնդրէ զփառս այնորիկ որ առաքեացն զնա՝ նա ճշմարիտ է, եւ անիրաւութիւն ոչ գոյ ի նմա։

ԳՈՐԾՔ ԱՌԱՔԵԼՈՑ 10:22

Եւ նոքա ասեն. Կոռնելիոս հարիւրապետ, այր արդար եւ երկիւղած յԱստուծոյ, վկայեալ յամենայն ազգէն Հրէից, հրաման առ ի հրեշտակէ սրբոյ կոչել զքեզ ի տուն իւր եւ լսել բանս ի քէն։

ԳՈՐԾՔ ԱՌԱՔԵԼՈՑ 22:12

Անանիա ոմն այր երկիւղած ըստ օրինացն, վկայեալ յամենայն բնակչաց որ ի Դամասկոս Հրեայքն էին,

ԳՈՐԾՔ ԱՌԱՔԵԼՈՑ 6:3

Ընտրեցէք, եղբարք, վկայեալս ի ձէնջ արս եւթն, զորս կացուսցուք ի վերայ պիտոյիցս այսոցիկ.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 13:13

Իբրեւ ի տուընջեան զգաստացեալք շրջեսցուք. մի՛ անառակութեամբք եւ արբեցութեամբք, եւ մի՛ խառն անկողնովք եւ պղծութեամբք, եւ մի՛ նախանձու եւ հակառակութեամբ.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 13:3

Զի իշխանքն ոչ են յերկեւղ բարեաց գործոց, այլ՝ չարաց. կամի՞ս չերկնչել յիշխանութենէ անտի. զբարիս գործեա, եւ ընկալցիս գովութիւն ի նմանէ.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 14:18

Զի որ յայսմ ծառայէ Քրիստոսի, հաճոյ է Աստուծոյ, եւ ընտիր՝ մարդկան։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 2:29

այլ որ ի ծածուկ Հրեայն է, եւ թլփատութիւն սրտի, հոգւով եւ ոչ գրով. որոյ գովութիւնն ոչ ի մարդկանէ է, այլ յԱստուծոյ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 4:5

Այսուհետեւ մի՛ յառաջ քան զժամանակն դատիք, մինչեւ եկեսցէ Տէր, որ լուսաւոր առնիցէ զգաղտնիս խաւարի, եւ յայտնիցէ զխորհուրդս սրտից. եւ ապա իւրաքանչիւր գովութիւն եղիցի յԱստուծոյ։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 13:7

Այլ խնդրեմք յԱստուծոյ զի մի՛ ինչ արասցէ ձեզ չար՝՝. ոչ զի մեք ընտիրք երեւեսցուք, այլ զի դուք զբարիս գործիցէք, եւ մեք անպիտանք գտանիցիմք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 6:8

փառօք եւ անարգութեամբ, գովութեամբ եւ պարսաւանօք. իբրեւ մոլարք եւ ճշմարիտք.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 8:18

Եւ առաքեցաք ընդ նմա զեղբայրն, որոյ գովութիւնն յաւետարանի անդ է ընդ ամենայն եկեղեցիս։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 8:21

Քանզի խորհիմք զբարիս ոչ միայն առաջի Տեառն, այլ եւ առաջի մարդկան։

ԱՌ ԳԱՂԱՏԱՑԻՍ ԹՈՒՂԹ 5:22

Իսկ պտուղ Հոգւոյն այս է. սէր, խնդութիւն, խաղաղութիւն, երկայնմտութիւն,

ԱՌ ԵՓԵՍԱՑԻՍ ԹՈՒՂԹ 4:25

Վասն որոյ ի բաց ընկեցէք զստութիւն, խօսեցարուք զճշմարտութիւն իւրաքանչիւր ընդ ընկերի իւրում, զի եմք միմեանց անդամք։

ԱՌ ԵՓԵՍԱՑԻՍ ԹՈՒՂԹ 5:9

զի պտուղ լուսոյ ամենայն բարութեամբ է եւ արդարութեամբ եւ ճշմարտութեամբ։

ԱՌ ԵՓԵՍԱՑԻՍ ԹՈՒՂԹ 6:14

Եւ իբրեւ զամենայն ինչ կատարիցէք, հաստատուն կացէք, զտեղի կալջիք, պնդեալ զմէջս ձեր ճշմարտութեամբ, եւ զգեցեալ զզրահսն արդարութեան,

ԵՐԿՐՈՐԴՈՒՄՆ ՕՐԻՆԱՑ 16:20

Արդարութեամբ արասցես զիրաւունս, զի կեցցէք եւ մտանիցէք ժառանգել՝՝ զերկիրն զոր Տէր Աստուած տացէ ձեզ։

ԱՌ ՓԻԼԻՊԵՑԻՍ ԹՈՒՂԹ 3:1

Այսուհետեւ, եղբարք իմ, ուրախ լերուք ի Տէր. զնոյն գրել առ ձեզ ինձ ոչ դանդաղելի է, եւ ձեզ կարի զգուշալի։

ԱՌ ԿՈՂՈՍԱՑԻՍ ԹՈՒՂԹ 4:5

Իմաստութեամբ գնասջիք առ արտաքինսն՝ գնոց առեալ զժամանակս։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 4:12

Ոչ կամիմ, եղբարք, եթէ տգէտք իցէք վասն ննջեցելոցն, զի մի՛ տրտմիցիք որպէս եւ այլքն որոց ոչ գոյ յոյս։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 2:2

մանաւանդ վասն թագաւորաց եւ ամենայն իշխանաց, զի խաղաղութեամբ եւ հանդարտութեամբ վարեսցուք զկեանս մեր ամենայն աստուածպաշտութեամբ եւ սրբութեամբ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 3:11

Նոյնպէս եւ կանայք նոցա պարկեշտք. մի՛ չարախօսք, հեզք, հաւատարիմք յամենայնի։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 3:4

զի իւրում տանն իսկ բարւոք վերակացու լիեալ իցէ, որդեակս ունիցի որ ի հնազանդութեան կայցեն ամենայն պարկեշտութեամբ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 4:12

Զի մի՛ ոք զքո մանկութիւնդ արհամարհիցէ. այլ օրինակ լինիջիր հաւատացելոց բանիւք, գնացիւք, սիրով, հաւատովք, սրբութեամբ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:10

եւ ի գործս բարիս վկայեալ. եթէ մանկունս սնուցեալ իցէ, եթէ զհիւրս ընկալեալ իցէ, եթէ զսրբոց զոտս լուացեալ իցէ, եթէ նեղելոց բաւական լիեալ իցէ, եթէ զամենայն գործոց բարեաց զհետ երթեալ իցէ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:2

զպառաւունս՝ իբրեւ զմարս, զմանկամարդս՝ իբրեւ զքորս ամենայն սրբութեամբ։

ԱՌ ՏԻՏՈՍ ԹՈՒՂԹ 1:8

այլ հիւրասէր, բարեսէր, ցած, արդար, սուրբ, ժուժկալ,

ԱՌ ՏԻՏՈՍ ԹՈՒՂԹ 2:14

որ ետ զանձն վասն մեր, զի փրկեսցէ զմեզ յամենայն անօրէնութենէ, եւ սրբեսցէ իւր ժողովուրդ սեպհական, նախանձաւոր գործոց բարութեան։

ԱՌ ՏԻՏՈՍ ԹՈՒՂԹ 2:2

ծերոց զգաստս լինել, պարկեշտս, ցածունս, ողջամիտս ի հաւատս, ի սէր, ի համբերութեան, ի ժուժկալութեան։

ԱՌ ՏԻՏՈՍ ԹՈՒՂԹ 2:7

ամենեցուն զանձն՝՝ օրինակ կացուցանել գործոց բարութեան, վարդապետութեամբ զանեղծութիւն ունել, զսրբութիւն, զպարկեշտութիւն,

ԱՌ ՏԻՏՈՍ ԹՈՒՂԹ 3:14

Ուսցին եւ մերքն եւս բարեաց գործոց վերակացու լինել ի պէտս կարեւորս, զի մի՛ անպտուղք լինիցին։

ԱՌ ԵԲՐԱՅԵՑԻՍ ԹՈՒՂԹ 11:2

Զի նովաւ վկայեցան առաջինքն։

ԱՌ ԵԲՐԱՅԵՑԻՍ ԹՈՒՂԹ 13:18

Աղօթս արարէք վասն մեր, զի հաստատեալ գիտեմք եթէ բարւոք միտս ունիմք, յամենայնի կամիմք բարւոք գնացս ցուցանել։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:27

Կրօնաւորութիւն սուրբ եւ անարատ առ ի յԱստուծոյ եւ ի Հօրէ այս է. Այցելու լինել որբոց եւ այրեաց ի նեղութեան իւրեանց, անարատ պահել զանձն յաշխարհէ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:17

Իսկ վերին իմաստութիւնն նախ զի սուրբ է, եւ ապա խաղաղարար, հեզ, դիւրահաւան, լի ողորմութեամբ եւ պտղովք բարեաց, անխիղճ, առանց կեղծաւորութեան։

ՊԵՏՐՈՍԻ ԱՌԱՋԻՆ՝՝ 1:22

Զանձինս ձեր սրբել հնազանդութեամբ ճշմարտութեան, յեղբայրսիրութեան առանց կեղծաւորութեան, ի սուրբ սրտէ սիրել սերտիւ զմիմեանս։

ՊԵՏՐՈՍԻ ԱՌԱՋԻՆ՝՝ 2:12

զվարս ձեր ի մէջ հեթանոսաց պարկեշտս ցուցանել, զի որով բամբասիցեն զձեզ իբրեւ զչարագործս, ի բարւոք գործոցն ձերոց դիտեալ՝ փառաւոր առնիցեն զԱստուած յաւուրն այցելութեան։

ՊԵՏՐՈՍԻ ԱՌԱՋԻՆ՝՝ 4:8

Նախ քան զամենայն սէր սերտ ունել ընդ միմեանս. զի սէր ծածկէ զբազմութիւն մեղաց։

ԹՈՒՂԹ ՊԵՏՐՈՍԻ ԵՐԿՐՈՐԴ 3:1

Զայս ձեզ, սիրելիք, երկրորդ թուղթ գրեմ, որով զարթուցից ի յիշատակ զհաստատուն միտս ձեր,

ՅՈՎՀԱՆՆՈՒ ԱՌԱՋԻՆ՝՝ 3:18

Որդեակք, մի՛ բանիւք եւ լեզուօք սիրեսցուք, այլ արդեամբ եւ ճշմարտութեամբ։

ՅՈՎՀԱՆՆՈՒ ԱՌԱՋԻՆ՝՝ 3:3

Եւ ամենայն որ ունի զայս յոյս յանձին՝ սրբէ զանձն իւր, որպէս եւ նայն սուրբ է։

ՅՈՎՀԱՆՆՈՒ ԱՌԱՋԻՆ՝՝ 4:1

Սիրելիք, մի՛ ամենայն հոգւոյ հաւատայք, այլ ընտրեցէք զհոգիսն՝ եթէ յԱստուծո՞յ իցեն. զի բազում սուտ մարգարէք ելեալ են յաշխարհ։

ՀՌՈՒԹ 3:11

Եւ արդ, դուստր, մի՛ երկնչիր. զամենայն զոր ինչ ասասցես ցիս արարից քեզ. քանզի գիտէ ամենայն ցեղ ժողովրդեան իմոյ եթէ կին զօրութեան ես դու։