ԱՌ ՓԻԼԻՊԵՑԻՍ ԹՈՒՂԹ 4:11 - Գրաբար Աստվածաշունչ (1895)

¹¹ Իբր ոչ առ կարօտութեան ինչ ասեմ, զի ես ուսայ որովք կարեմ բաւական լինել։

ԱՌ ՓԻԼԻՊԵՑԻՍ ԹՈՒՂԹ 4:11 Iomraidhean Croise

ԾՆՈՒՆԴՔ 28:20

Եւ ուխտեաց Յակոբ ուխտ եւ ասէ. Եթէ եղիցի Տէր Աստուած ընդ իս, եւ ապրեցուսցէ զիս ի ճանապարհիս յայսմիկ զոր ես երթամ, եւ տացէ ինձ հաց ուտելոյ եւ հանդերձ զգենլոյ,

ԵԼՔ 2:21

Եւ բնակեցաւ Մովսէս առ առնն, եւ ետ զՍեպփովրա դուստր իւր Մովսիսի կնութեան։

ԱՒԵՏԱՐԱՆ ԸՍՏ ՂՈՒԿԱՍՈՒ 3:14

Հարցանէին զնա եւ զինուորքն եւ ասէին. Եւ մեք զի՞նչ գործեսցուք։ Ասէ ցնոսա. Մի՛ զոք խուիցէք եւ մի՛ զոք զրպարտիցէք, շատ լիցին ձեզ թոշակքն ձեր։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 11:27

ի ջանս եւ ի վաստակս, ի տքնութիւնս՝ բազում անգամ, ի քաղց եւ ի ծարաւ, ի պահս՝ բազում անգամ, ի ցուրտ եւ ի մերկութեան։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 6:10

իբրեւ տրտմեալք եւ հանապազ ուրախ եմք. իբրեւ տնանկք եւ զբազումս մեծացուցանեմք. իբրեւ ոչինչ ունիցիմք, եւ զամենայն ինչ ունիմք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 8:9

Քանզի գիտէք զշնորհսն Տեառն մերոյ Յիսուսի Քրիստոսի, զի վասն ձեր աղքատացաւ որ մեծատունն էր, զի դուք նորա աղքատութեամբն մեծասջիք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 9:8

Այլ կարող է Աստուած զամենայն շնորհս առաւելուլ ի ձեզ, զի յամենայնի յամենայն ժամ զամենայն բաւականութիւն ընկալեալ՝ առաւելուցուք յամենայն գործս բարութեան,

ԱՌ ՓԻԼԻՊԵՑԻՍ ԹՈՒՂԹ 3:8

Այլ եւ համարիմ իսկ զամենայն վնաս վասն առաւել գիտութեանն Յիսուսի Քրիստոսի Տեառն մերոյ. վասն որոյ յամենայնէ զրկեցայ, եւ համարիմ կղկղանս, զի զՔրիստոս շահեցայց,

ԱՌ ԵԲՐԱՅԵՑԻՍ ԹՈՒՂԹ 10:34

Քանզի եւ ընդ կապեալս՝՝ չարչարեցարուք, եւ զյափշտակութիւն ընչից ձերոց խնդութեամբ ընկալարուք, քանզի գիտէիք թէ լաւագոյն եւս ստացուածս ունիք անձանց յերկինս, ուր կանն եւ մնան։