ԹԻՒՔ 8:12 - Գրաբար Աստվածաշունչ (1895)

¹² Եւ Ղեւտացիքն դիցեն զձեռս իւրեանց ի վերայ գլխոյ զուարակացն. եւ արասցես զմին վասն մեղաց, եւ զմին յողջակէզ Տեառն քաւել վասն նոցա։

ԹԻՒՔ 8:12 Iomraidhean Croise

ԵԼՔ 29:10

Եւ մատուսցես զզուարակն առ դրան խորանին վկայութեան, եւ դիցեն Ահարոն եւ որդիք նորա զձեռս իւրեանց ի վերայ գլխոյ զուարակին առաջի Տեառն՝՝ առ դրան խորանին վկայութեան։

ՂԵՒՏԱԿԱՆ 1:4

Եւ դիցէ զձեռն իւր ի վերայ գլխոյ ընծային՝ յընդունելութիւն նմա առ ի քաւելոյ վասն անձին իւրոյ։

ՂԵՒՏԱԿԱՆ 14:22

եւ երկուս տատրակս կամ երկուս ձագս աղաւնեաց, որչափ ինչ եգիտ ձեռն նորա, եւ եղիցի մին վասն մեղաց, եւ մին յողջակէզ։

ՂԵՒՏԱԿԱՆ 16:11

Եւ մատուսցէ Ահարոն զզուարակն զվասն մեղաց զիւրն, եւ քաւեսցէ վասն իւր եւ վասն տան իւրոյ, եւ սպանցէ զզուարակն զվասն մեղացն զիւր։

ՂԵՒՏԱԿԱՆ 16:21

եւ դիցէ Ահարոն զձեռս իւր ի վերայ գլխոյ նոխազին կենդանւոյ, եւ խոստովան լիցի ի վերայ նորա զամենայն անօրէնութիւնս որդւոցն Իսրայելի, եւ զամենայն անիրաւութիւնս նոցա եւ զամենայն զմեղս նոցա. եւ դիցէ զնոսա ի վերայ գլխոյ նոխազին կենդանւոյ. եւ արձակեսցէ ի ձեռն առն պատրաստելոյ՝ յանապատ։

ՂԵՒՏԱԿԱՆ 16:6

Եւ մատուսցէ Ահարոն զզուարակն վասն մեղաց իւրոց, եւ քաւեսցէ վասն իւր եւ վասն տան իւրոյ։

ՂԵՒՏԱԿԱՆ 4:15

Եւ դիցեն ծերք ժողովրդեանն զձեռս իւրեանց ի վերայ գլխոյ զուարակին առաջի Տեառն. եւ սպանցեն զզուարակն առաջի Տեառն։

ՂԵՒՏԱԿԱՆ 4:20

Եւ արասցէ զուարակին զոր օրինակ արար զուարակին մեղաց, նոյնպէս արասցէ եւ նմա. եւ քաւեսցէ վասն նոցա քահանայն, եւ թողցին նոցա մեղքն։

ՂԵՒՏԱԿԱՆ 4:35

Եւ զամենայն զճարպ նորա կորզեսցէ՝ զոր օրինակ կորզիցի ճարպ ոչխարին փրկութեան. եւ դիցէ զայն քահանայն ի վերայ սեղանոյն յողջակէզ Տեառն. եւ քաւեսցէ վասն նորա քահանայն ի մեղաց անտի զոր մեղաւ, եւ թողցի նմա։

ՂԵՒՏԱԿԱՆ 4:4

եւ ածցէ զզուարակն ի դուռն խորանին վկայութեան առաջի Տեառն, եւ դիցէ զձեռս իւր ի վերայ գլխոյ զուարակին առաջի Տեառն, եւ սպանցեն՝՝ զզուարակն առաջի Տեառն։

ՂԵՒՏԱԿԱՆ 5:7

Ապա թէ չիցէ ձեռնհաս լինել բաւական ոչխարաւ, մատուսցէ վասն մեղացն զոր մեղաւ երկուս տատրակս կամ երկուս ձագս աղաւնեաց, մին վասն մեղացն, եւ մին յողջակէզ։

ՂԵՒՏԱԿԱՆ 8:14

Եւ մատոյց Մովսէս զզուարակն զվասն մեղացն. եւ եդին Ահարոն եւ որդիք նորա զձեռս իւրեանց ի վերայ գլխոյ զուարակին մեղաց։

ՂԵՒՏԱԿԱՆ 8:15

Եւ սպան զնա, եւ ա՛ռ Մովսէս յարենէ անտի, եւ եդ ի վերայ եղջերաց սեղանոյն շուրջանակի մատամբ իւրով, եւ սրբեաց զսեղանն. եւ զարիւնն եհեղ առ յատակաւ սեղանոյն, եւ սրբեաց զնա առնել քաւութիւն ի վերայ նորա։

ՂԵՒՏԱԿԱՆ 8:18

Եւ մատոյց Մովսէս զխոյն որ յողջակէզ. եւ եդին Ահարոն եւ որդիք նորա զձեռս իւրեանց ի վերայ գլխոյ խոյին։

ՂԵՒՏԱԿԱՆ 8:34

Որպէս եւ արարն յաւուրն յայնմիկ, որպէս պատուիրեաց Տէր առնել, առ ի քաւելոյ վասն ձեր։

ՂԵՒՏԱԿԱՆ 9:7

Եւ ասէ Մովսէս ցԱհարոն. Մատիր առ սեղանն, եւ արա զվասն մեղացն քո եւ զողջակէզն քո, եւ քաւեա վասն քո եւ տան քո՝՝. եւ արա զպատարագս ժողովրդեան քո, եւ քաւեա վասն նոցա, որպէս պատուիրեաց Տէր Մովսիսի։

ԹԻՒՔ 6:14

եւ մատուսցէ զպատարագն իւր Տեառն, գառն մի տարեւոր անարատ յողջակէզ, եւ որոջ մի տարեւոր անարատ վասն մեղաց, եւ խոյ մի անարատ ի փրկութիւն,

ԹԻՒՔ 6:16

Եւ մատուսցէ քահանայն առաջի Տեառն, եւ արասցէ զվասն մեղացն նորա եւ զողջակէզն նորա։

ԹԻՒՔ 8:13

Եւ կացուսցես զՂեւտացիսն առաջի Տեառն եւ՝՝ առաջի Ահարոնի եւ առաջի որդւոց նորա, եւ տացես զնոսա հատուցումն առաջի Տեառն։

ԹԻՒՔ 8:8

Եւ առցեն զուարակ մի յանդւոյ, եւ ըստ նմին զոհ, նաշիհ զանգեալ իւղով, եւ առցես որթ տարեւոր՝՝ յանդւոյ վասն մեղաց։

ԱՌ ԵԲՐԱՅԵՑԻՍ ԹՈՒՂԹ 9:22

Եւ գրեթէ ամենայն ինչ արեամբն սրբէր ըստ օրինացն, եւ առանց հեղման արեան չլինէր թողութիւն։