ԹԻՒՔ 6:20 - Գրաբար Աստվածաշունչ (1895)

²⁰ եւ մատուսցէ զայն քահանայն ընծայ՝՝ առաջի Տեառն, եւ եղիցի սուրբ, քահանային եղիցի ի վերայ երբծոյն նուիրի եւ ի վերայ երւոյն հասի. եւ ապա արբցէ ուխտաւորն գինի։

ԹԻՒՔ 6:20 Iomraidhean Croise

ԺՈՂՈՎՕՂ 9:7

Եկ կեր ուրախութեամբ զհաց քո, եւ արբ սրտիւ զուարճացելով զգինի քո. զի արդէն իսկ հաճեցաւ Աստուած ի գործս քո։

ՄԱՐԳԱՐԷՈՒԹԻՒՆ ԵՍԱՅԵԱՅ 25:6

Եւ արասցէ Տէր Սաբաւովթ ամենայն հեթանոսաց ի լերինս յայսմիկ. արբցեն ուրախութիւն, արբցեն գինի. օծցին իւղով ի մրրոյ պարզելոյ, եւ ընկլցին ի լերինս յայսմիկ։

ՄԱՐԳԱՐԷՈՒԹԻՒՆ ԵՍԱՅԵԱՅ 35:10

Դարձցին՝՝ եւ եկեսցեն ի Սիոն ցնծութեամբ, եւ ուրախութիւն յաւիտենից ի վերայ գլխոց նոցա. զի ի վերայ գլխոց նոցա օրհնութիւն եւ՝՝ ցնծութիւն, եւ ուրախութիւն հասցէ նոցա. մերժեցան ցաւք եւ տրտմութիւնք՝՝ եւ հեծութիւնք։

ՂԵՒՏԱԿԱՆ 10:15

Զերին զհասի եւ զերբուծն նուիրի ի վերայ ընծայից՝՝ ճարպոյն մատուսցեն նուէր նուիրել՝՝ առաջի Տեառն. եւ եղիցի քեզ եւ որդւոց քոց եւ դստերաց քոց ընդ քեզ՝ օրէն յաւիտենական, զոր օրինակ հրամայեաց Տէր Մովսիսի։

ՂԵՒՏԱԿԱՆ 23:11

եւ հանցէ զորայն առաջի Տեառն յընդունելութիւն առ ի ձէնջ. եւ ի վաղիւ անդր աւուրն առաջնոյ հանցէ՝՝ զայն քահանայն։

ՂԵՒՏԱԿԱՆ 7:30

Ձեռք նորա մատուսցեն պտուղ Տեառն. զճարպ երբծոյն եւ զլերդաբոյթն մատուսցէ դնել առաջի Տեառն։

ՂԵՒՏԱԿԱՆ 7:31

Եւ հանցէ զայն քահանայն ի սեղանն՝՝. եւ եղիցի երբուծն Ահարոնի եւ որդւոց նորա։

ՂԵՒՏԱԿԱՆ 7:32

Եւ զերին զաջոյ տայցէք հաս քահանային ի զոհից փրկութեան ձերոյ։

ՂԵՒՏԱԿԱՆ 7:34

Զի զերբուծն վերադրաց եւ զերին նուիրացն առի ես յորդւոցն Իսրայելի ի զոհիցն փրկութեան ձերոյ, եւ ետու զայն՝՝ Ահարոնի քահանայի եւ որդւոց նորա, օրէն յաւիտենական յորդւոցն Իսրայելի։

ՂԵՒՏԱԿԱՆ 9:21

Եւ զերբուծսն եւ զերին աջոյ նուիրեաց նուէր՝՝ առաջի Տեառն, որպէս պատուիրեաց Տէր Մովսիսի՝՝։

ՄԱՐԳԱՐԷՈՒԹԻՒՆ ԶԱՔԱՐԵԱՅ 10:7

Եւ եղիցին իբրեւ զպատերազմօղսն Եփրեմի՝՝, եւ խնդասցէ սիրտ նոցա իբրեւ ի գինւոյ. եւ որդիք նոցա տեսցեն եւ ուրախ լիցին, եւ ցնծասցեն սիրտք նոցա ի Տէր։

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:15

Տէր ամենակալ պաշտպանեսցէ նոցա, եւ սպառեսցեն զնոսա, եւ թաղեսցեն զնոսա քարամբք պարսաքարաց. եւ արբցեն զարիւն նոցա իբրեւ զգինի, եւ լցցեն զտաշտս իբրեւ զսեղանն՝՝.

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:17

զի որ ինչ բարին իցէ՝ նորա է, եւ որ ինչ լաւն՝ նորին. ցորեան երիտասարդաց, եւ գինի անուշարար կուսից։՝՝

ԹԻՒՔ 18:18

եւ միսն եղիցի քո, որպէս երբուծ նուիրին եւ երին աջոյ քեզ լիցի։

ԹԻՒՔ 5:25

Եւ առցէ քահանայն ի ձեռանէ կնոջն զզոհ նախանձաւորութեանն, եւ դիցէ զզոհն առաջի Տեառն, եւ մատուսցէ առ սեղանն։

ԹԻՒՔ 6:21

Այս օրէն իցէ ուխտաւորի որ ուխտիցէ ոք Տեառն զպատարագ իւր վասն ուխտից, թող զայն որ ինչ գտանիցէ ձեռն իւր. ըստ կարի ուխտին իւրոյ զոր ուխտիցէ ըստ օրինի սրբութեան Տեառն՝՝։

Մատթեոսի Աւետարան 26:29

Բայց ասեմ ձեզ. Ոչ եւս արբից յայսմ հետէ ի բերոյ որթոյ մինչեւ ցօրն ցայն, յորժամ արբից զդա ընդ ձեզ նոր յարքայութեան Հօր իմոյ։

ԱՒԵՏԱՐԱՆ ԸՍՏ ՄԱՐԿՈՍԻ 14:25

Ամէն ասեմ ձեզ թէ ոչ եւս յաւելից ըմպել ի բերոյ որթոյ մինչեւ ցօրն ցայն, յորժամ արբից զնա նոր յարքայութեան Աստուծոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:30

Իբրեւ ա՛ռ Յիսուս զքացախն հանդերձ լեղւովն՝՝ ասէ. Ամենայն ինչ՝՝ կատարեալ է։ Եւ խոնարհեցուցեալ զգլուխն՝ աւանդեաց զոգին։