ԹԻՒՔ 6:12 - Գրաբար Աստվածաշունչ (1895)

¹² զի յայնմ աւուր սրբեաց՝՝ Տեառն զաւուրս ուխտին իւրոյ, եւ ածցէ գառն մի տարեւոր վասն յանցանացն. եւ աւուրքն առաջինք անհամարք լինիցին, զի պղծեցաւ գլուխ ուխտի՝՝ նորա։

ԹԻՒՔ 6:12 Iomraidhean Croise

ԵԼՔ 12:5

Ոչխար՝՝ կատարեալ՝ արու, տարեւոր, անարատ լիցի ձեզ. յօդեաց եւ յայծեաց առնուցուք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:24

Եւ ի դառնալ արդարոյն յարդարութենէ իւրմէ, եւ առնել զանիրաւութիւն, ըստ ամենայն անօրէնութեանց՝ զոր առնիցէ անօրէնն. ամենայն արդարութիւնք նորա զոր արար՝ մի՛ յիշեսցին. ի յանցանսն իւր յոր անկաւ, եւ ի մեղս իւր զոր մեղաւ՝ ի նոսին մեռցի։

ՂԵՒՏԱԿԱՆ 14:24

Եւ առեալ քահանային զգառնն զվասն յանցանաց, եւ զճաշակն իւղոյ, եւ դիցէ նուէր՝՝ առաջի Տեառն։

ՂԵՒՏԱԿԱՆ 5:6

մատուսցէ վասն յանցանացն զոր յանցեաւ Տեառն, եւ՝՝ վասն մեղացն զոր մեղաւ, էգ յօդեաց որոջ, կամ ալոջ մի յայծեաց վասն մեղացն. եւ քաւեսցէ վասն նորա քահանայն ի մեղաց անտի, եւ թողցին նմա մեղքն։՝՝

ՂԵՒՏԱԿԱՆ 5:7

Ապա թէ չիցէ ձեռնհաս լինել բաւական ոչխարաւ, մատուսցէ վասն մեղացն զոր մեղաւ երկուս տատրակս կամ երկուս ձագս աղաւնեաց, մին վասն մեղացն, եւ մին յողջակէզ։

ԹԻՒՔ 6:11

Եւ արասցէ քահանայն զմին վասն մեղաց, եւ զմին յողջակէզ. եւ քաւեսցէ վասն նորա քահանայն ընդ մեղացն զոր մեղաւ յոգի, եւ սրբեսցէ զգլուխ իւր յաւուր յայնմիկ.

ԹԻՒՔ 6:13

Եւ այս օրէն իցէ ուխտաւորին յաւուր յորում կատարիցէ զաւուրս ուխտին իւրոյ, ածցի ի դուռն խորանին վկայութեան.

Մատթեոսի Աւետարան 24:13

Բայց որ համբերեացն ի սպառ՝ նա կեցցէ։

Մատթեոսի Աւետարան 3:15

Պատասխանի ետ Յիսուս եւ ասէ ցնա. Թոյլ տուր այժմ, զի այսպէս վայել է մեզ լնուլ զամենայն արդարութիւնս։ Եւ ապա թոյլ ետ նմա։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:10

Որ ոք զամենայն օրէնսն պահիցէ, եւ միով իւիք ինչ գթիցէ, եղեւ ամենայն օրինացն պարտապան։

ՅՈՎՀԱՆՆՈՒ ԵՐԿՐՈՐԴ՝՝ 1:8

Զգոյշ լինիջիք անձանց զի մի՛ կորուսանիցէք՝ զոր վաստակեցէքն, այլ զի առնուցուք՝՝ բովանդակ զվարձսն։