ԹԻՒՔ 5:9 - Գրաբար Աստվածաշունչ (1895)

⁹ Եւ ամենայն պտուղ ըստ ամենայնի որ սրբիցի յորդւոցն Իսրայելի զոր ինչ մատուցանիցեն Տեառն, քահանային եղիցի։

ԹԻՒՔ 5:9 Iomraidhean Croise

ԵԼՔ 29:28

Եւ եղիցի Ահարոնի եւ որդւոց նորա օրէն յաւիտենական առ ի յորդւոցն Իսրայելի. զի այն է նոցա հաս, եւ եղիցի նուէր յորդւոցն Իսրայելի ի զենլեաց փրկութեանց իւրեանց, նուէր՝՝ նոցա Տեառն։

ՂԵՒՏԱԿԱՆ 10:13

Եւ կերիջիք զայն ի սուրբ տեղւոջ, զի օրէն քեզ լինիցի այն, եւ օրէն որդւոց քոց ի պտղոց անտի Տեառն. զի այնպէս հրամայեալ է ինձ։

ՂԵՒՏԱԿԱՆ 10:14

Եւ զերբուծ զնուիրին եւ զերի հասին՝՝ կերիջիք ի սուրբ տեղւոջ դու եւ որդիք քո եւ տուն քո ընդ քեզ. զի օրէն քեզ է այն, եւ օրէն որդւոց քոց տուաւ ի զոհից փրկութեան որդւոցն Իսրայելի։

ՂԵՒՏԱԿԱՆ 10:15

Զերին զհասի եւ զերբուծն նուիրի ի վերայ ընծայից՝՝ ճարպոյն մատուսցեն նուէր նուիրել՝՝ առաջի Տեառն. եւ եղիցի քեզ եւ որդւոց քոց եւ դստերաց քոց ընդ քեզ՝ օրէն յաւիտենական, զոր օրինակ հրամայեաց Տէր Մովսիսի։

ՂԵՒՏԱԿԱՆ 6:26

Քահանայն որ մատուցանիցէ զայն՝ կերիցէ. ի սուրբ տեղւոջ կերիցէ, ի սրահի խորանին վկայութեան։

ՂԵՒՏԱԿԱՆ 7:32

Եւ զերին զաջոյ տայցէք հաս քահանային ի զոհից փրկութեան ձերոյ։

ՂԵՒՏԱԿԱՆ 7:34

Զի զերբուծն վերադրաց եւ զերին նուիրացն առի ես յորդւոցն Իսրայելի ի զոհիցն փրկութեան ձերոյ, եւ ետու զայն՝՝ Ահարոնի քահանայի եւ որդւոց նորա, օրէն յաւիտենական յորդւոցն Իսրայելի։

ԹԻՒՔ 18:19

Զամենայն ինչ հաս՝՝ ի սրբութեանցն զոր հանիցեն Տեառն որդիքն Իսրայելի՝ քեզ ետու եւ որդւոց քոց եւ՝՝ ուստերաց եւ դստերաց քոց ընդ քեզ, օրէն յաւիտենական. քանզի ուխտ աղի է առաջի Տեառն, քեզ եւ զաւակի քում յետ քո՝՝։

ԹԻՒՔ 31:41

Եւ ետ Մովսէս զհասն Տեառն զնուէրն Աստուծոյ՝ Եղիազարու քահանայի, որպէս հրաման ետ Տէր Մովսիսի։

ԹԻՒՔ 5:8

Ապա թէ չիցէ ոք առնն մերձաւորիչ հատուցանել նմա զյանցանաց նորա, եւ ընդ յանցանացն որ ինչ ընծայիցի Տեառն՝ այն քահանային եղիցի, բաց ի խոյէ քաւութեանն որով քաւիցէ վասն իւր։

ԵՐԿՐՈՐԴՈՒՄՆ ՕՐԻՆԱՑ 12:26

Բայց զսրբութիւնսն քո որ լինիցին քեզ, եւ զուխտսն քո զոր ուխտիցես, առեալ եկեսցես ի տեղին զոր ընտրեսցէ Տէր Աստուած քո իւր՝ կոչել զանուն իւր ի վերայ նորա՝՝։