ԹԻՒՔ 5:21 - Գրաբար Աստվածաշունչ (1895)

²¹ եւ երդմնեցուսցէ քահանայն զկինն երդմամբ նզովիս այսորիկ, եւ ասասցէ քահանայն ցկինն. Տացէ զքեզ Տէր ի նզովս եւ յերդումն ի մէջ ժողովրդեան քո, ի տալ Տեառն զբարձս քո ի քակտումն, եւ զորովայն քո յուռուցումն.

ԹԻՒՔ 5:21 Iomraidhean Croise

ՄՆԱՑՈՐԴԱՑ ԵՐԿՐՈՐԴ 21:15

եւ դու չար հիւանդութեամբ եւ ախտիւ որովայնի հաշեսցիս, մինչեւ ելցէ որովայն քո հիւանդութեամբն հանդերձ՝ աւուրց յաւուրս։

ԳԻՐՔ ՆԷԵՄԵԱՅ 10:29

Եւ որ միանգամ անցցէ զօրինօք քովք, երդմամբ հաստատեմք այսօր առաջի քո, եղիցի նա ի նզովս եւ յանէծս, որ ոչ պահեսցէ զօրէնս քո որ տուաւ ի ձեռն Մովսիսի ծառայի քո. այլ ամենայն կամօք մերովք պահեսցուք, եւ արասցուք՝՝ զամենայն պատուիրանս Տեառն Աստուծոյ եւ զդատաստանս նորա եւ զհրամանս։

ԱՌԱԿՔ ՍՈՂՈՄՈՆԻ 10:7

Յիշատակ արդարոյ գովութեամբ. անուն ամպարշտաց շիջցի։

ՄԱՐԳԱՐԷՈՒԹԻՒՆ ԵՍԱՅԵԱՅ 65:15

Զի թողջիք զանուն ձեր ի յագուրդ ընտրելոց իմոց, եւ զձեզ Տէր սատակեսցէ. եւ ծառայիցն իմոց կոչեսցի անուն նոր՝՝,

ՄԱՐԳԱՐԷՈՒԹԻՒՆ ԵՐԵՄԵԱՅ 29:22

Եւ առցեն ի նոցանէն անէծս ի մէջ ամենայն գերութեանն Յուդայ որ է ի Բաբելոն, եւ ասասցեն. Արասցէ զքեզ Տէր՝ որպէս արար Սեդեկեայ եւ Աքիաբայ, զորս տապակեաց արքայն Բաբելացւոց ի հուր։

ԹԻՒՔ 5:27

Եւ եղիցի եթէ պղծեալ իցէ, եւ ծածկելով ծածկեալ իցէ յառնէն նորա, եւ մտանիցէ ի նա ջուրն յանդիմանութեան նզովեալ, ուռուսցէ զորովայն նորա եւ քակեսցին բարձք նորա, եւ եղիցի կինն ի նզովս ի մէջ ժողովրդեան իւրոյ։

Մատթեոսի Աւետարան 26:74

Յայնժամ սկսաւ նզովել եւ երդնուլ թէ՝ Ոչ գիտեմ զայրն։ Եւ իսկոյն հաւ խօսեցաւ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 6:26

Եւ նզովեաց Յեսու յաւուր յայնմիկ զԵրիքով եւ ասէ. Անիծեալ լիցի մարդն առաջի Տեառն, որ կանգնեսցէ եւ շինեսցէ զքաղաքն զԵրիքով. անդրանկաւ իւրով դնել զհիմունս նորա, եւ կրտսերաւ իւրով կանգնեսցէ զդրունս պարսպի նորա։ Եւ այնպէս արար Ազան Բեթելացի. Աբիրոնաւ անդրանկաւ իւրով եդ զհիմունս նորա, եւ Զերծելով կրտսերով իւրով կանգնեաց զդրունս նորա։՝՝

ԹԱԳԱՒՈՐՈՒԹԵԱՆՑ ԱՌԱՋԻՆ 14:24

Եւ ամենայն ժողովուրդն էր ընդ Սաւուղայ իբրեւ տասն հազար արանց. եւ էր պատերազմ ցրուեալ ընդ ամենայն քաղաքսն ի լերինն Եփրեմի։ Եւ Սաւուղ անգիտացաւ անգիտութիւն յաւուր յայնմիկ, եւ նզովեաց՝՝ զժողովուրդն՝ եւ ասէ. Անիծեալ լիցի մարդն որ կերիցէ հաց մինչեւ ցերեկոյ. եւ խնդրեցից վրէժ ի թշնամեաց իմոց։ Եւ ոչ ճաշակեաց ամենայն ժողովուրդն հաց.