ԹԻՒՔ 4:24 - Գրաբար Աստվածաշունչ (1895)

²⁴ Այս իցէ սպասաւորութիւն գնդին Գերսոնի՝ ի մտանել ի հարկ եւ ի բառնալ.

ԹԻՒՔ 4:24 Iomraidhean Croise

ԹԻՒՔ 10:17

Եւ իջուցանէին զխորանն, եւ չուէին. որդիքն Գերսոնի եւ որդիքն Մերարեայ բառնային զխորանն։

ԹԻՒՔ 3:25

Եւ պահպանութիւն որդւոցն Գերսոնի ի խորանին վկայութեան՝ խորանն եւ արտախուրակք եւ նուարտանք խորանին վկայութեան,

ԹԻՒՔ 3:26

եւ առագաստք սրահին, եւ վարագոյր դրան խորանին, եւ այլ եւս աւելորդ՝՝ ամենայն գործոյն նորա։

ԹԻՒՔ 4:15

Եւ կատարեսցեն Ահարոն եւ որդիք նորա ծածկել զսրբութիւնսն, եւ զամենայն կահ սրբութեանն ի չուել բանակին. եւ ապա մտցեն որդիքն Կահաթու բառնալ. եւ մի՛ մերձեսցին ի սրբութիւնսն՝ զի մի՛ մեռանիցին. զայն բառնայցեն որդիքն Կահաթու ի խորանէ անտի վկայութեան։

ԹԻՒՔ 4:19

զայս ինչ արասջիք նոցա եւ կեցցեն եւ մի՛ մեռանիցին ի մերձանալ նոցա ի սրբութիւն սրբութեանցն. Ահարոն եւ որդիք նորա մտցեն ի ներքս, եւ կարգեսցեն զնոսա իւրաքանչիւր ըստ կարգի եւ ըստ բեռին իւրում։

ԹԻՒՔ 4:23

ի քսան եւ ի հինգամենից՝՝ եւ ի վեր մինչեւ ցյիսնամեանս, եւ արասցես նոցա հանդէս, ամենայն որ մտանիցէ ի սպաս գործել զգործ խորանին վկայութեան։

ԹԻՒՔ 4:25

եւ բարձցէ զվերնափեղկս՝՝ խորանին եւ զխորանն վկայութեան եւ զարտախուրակս նորա, եւ զնուարտանն կապուտակեայս որ ի նմա ի վերուստ կողմանէ, եւ զվարագոյր խորանին վկայութեան,

ԹԻՒՔ 4:27

Եւ արասցեն ըստ բերանոյ Ահարոնի եւ որդւոց նորա. եղիցի սպասաւորութիւն որդւոցն Գերսոնի ըստ ամենայն սպասաւորութեան իւրեանց եւ ըստ ամենայն գործոց իւրեանց. եւ արասջիք նոցա հանդէս յանուանէ, եւ՝՝ ամենայնի որ ինչ բառնայցի ի նոցանէ։

ԹԻՒՔ 4:47

ի քսան եւ ի հինգամենից՝՝ եւ ի վեր մինչեւ ցյիսնամեանս, ամենայն որ մտանէր ի գործ սրբութեանցն եւ ի գործ կրելեաց խորանին վկայութեան,

ԹԻՒՔ 4:49

Արար նոցա հանդէս Տէր՝՝ ի ձեռն Մովսիսի, այր ըստ առնէ ի վերայ գործոյ իւրեանց, ի վերայ բեռանցն զոր ինքեանք բառնային. եւ անցին ի հանդիսի՝ որպէս հրամայեաց Տէր Մովսիսի։

ԹԻՒՔ 7:7

Սայլս երկուս եւ եզինս չորս ետ ցորդիսն Գերսոնի ըստ սպասաւորութեան իւրեանց.