ԹԻՒՔ 4:15 - Գրաբար Աստվածաշունչ (1895)

¹⁵ Եւ կատարեսցեն Ահարոն եւ որդիք նորա ծածկել զսրբութիւնսն, եւ զամենայն կահ սրբութեանն ի չուել բանակին. եւ ապա մտցեն որդիքն Կահաթու բառնալ. եւ մի՛ մերձեսցին ի սրբութիւնսն՝ զի մի՛ մեռանիցին. զայն բառնայցեն որդիքն Կահաթու ի խորանէ անտի վկայութեան։

ԹԻՒՔ 4:15 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:24

Եւ ահա Սադովկ եւ ամենայն Ղեւտացիք ընդ նմա, բարձին զտապանակ ուխտին Տեառն ի Բեթարայ՝՝, եւ կացուցին զտապանակն Աստուծոյ. եւ ել ի Բեթարայ մինչեւ կատարեաց ամենայն ժողովուրդն անցանել ի քաղաքէ անտի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:13

Եւ էին ընդ նմա որ բառնային զտապանակն եւթն դաս պարուց, եւ սպանդ զուարակի եւ գառանց։

ԹԱԳԱՒՈՐՈՒԹԵԱՆՑ ԵՐՐՈՐԴ 8:3

Եւ ելին ամենայն ծերք Իսրայելի, եւ բարձին քահանայքն զտապանակն։

ՄՆԱՑՈՐԴԱՑ ԱՌԱՋԻՆ 15:15

Եւ առին որդիք Ղեւտացւոցն զտապանակն Աստուծոյ, որպէս եւ պատուիրեաց Մովսէս բանիւ Աստուծոյ ըստ գրոց, բառնալեօքն ի վերայ ուսոց իւրեանց։

ՄՆԱՑՈՐԴԱՑ ԱՌԱՋԻՆ 15:2

Յայնժամ ասաց Դաւիթ. Ոչ այլ ումեք է բառնալ զտապանակն Աստուծոյ, բայց միայն Ղեւտացւոցն. վասն զի զնոսա ընտրեաց Տէր բառնալ զտապանակն իւր, եւ պաշտել առաջի նորա մինչեւ յաւիտեանս։

ՄՆԱՑՈՐԴԱՑ ԱՌԱՋԻՆ 23:26

Եւ Ղեւտացիքն ոչ բառնային ամենեքեան՝՝ զխորանն եւ զամենայն սպաս նորա ի պաշտաման նորին։

ԵԼՔ 19:12

Եւ զատուսցես զժողովուրդն շուրջ՝ եւ ասասցես. Զգոյշ կացէք անձանց յելանելոյ ի լեառնն եւ մերձենալոյ ի նա. զի ամենայն որ մերձեսցի ի լեառնն՝ մահու սատակեսցի։

ԵԼՔ 19:21

Եւ խօսեցաւ Աստուած ընդ Մովսիսի եւ ասէ. Էջ, դիր վկայութիւն ժողովրդեանդ, գուցէ մերձենայցեն հայել առ Աստուած, եւ անկանիցին բազումք ի նոցանէ։

ԵԼՔ 27:7

Եւ արկցես զլծակսն ընդ օղսն, եւ եղիցին լծակքն յերկոցունց կողմանց սեղանոյն՝ առ ի բառնալ զնա։

ՂԵՒՏԱԿԱՆ 16:13

Եւ դիցէ զխունկն ի վերայ հրոյն առաջի Տեառն, եւ ծածկեսցէ ծուխ խնկոյն զքաւութիւնն որ իցէ ի վերայ վկայութեանցն, եւ ոչ մեռանիցի։

ԹԻՒՔ 1:50

եւ կացուսցես զՂեւտացիսն ի վերայ խորանին վկայութեան, եւ ի վերայ ամենայն կահի նորա, եւ ի վերայ ամենայնի որ ինչ է ի նմա. նոքա բարձցեն զխորանն եւ զամենայն զկահ նորա, եւ նոքա պաշտեսցեն ի նմա, եւ շուրջ զխորանաւն բանակեսցին։

ԹԻՒՔ 1:51

Եւ ի չուել խորանին՝ իջուսցեն զնա Ղեւտացիքն, եւ ի բանակել խորանին՝ կանգնեսցեն զնա Ղեւտացիքն. եւ այլազգի որ մերձեսցի ի նա՝ մեռցի։

ԹԻՒՔ 10:21

Եւ չուեսցեն որդիքն Կահաթու բարձեալ զսրբութիւնսն. եւ կանգնեսցեն զխորանն մինչեւ այլքն հասանիցեն՝՝։

ԹԻՒՔ 18:3

Եւ պահեսցեն զպահպանութիւնս քո, եւ զպահպանութիւնս խորանին վկայութեան. բայց ի սպասն իմ ի սուրբ եւ ի սեղանն մի՛ մերձեսցին, զի մի՛ մեռանիցին, ե՛ւ նոքա ե՛ւ դուք։

ԹԻՒՔ 3:38

Եւ որ բանակիցին յանդիման խորանին վկայութեան յարեւելից կողմանէ՝ Մովսէս եւ Ահարոն իցեն, եւ որդիք նորա պահեսցեն զպահպանութիւնս սրբութեանցն ի պահպանութիւնս որդւոցն Իսրայելի, եւ այլազգի որ մերձենայցէ՝ մեռցի։

ԹԻՒՔ 4:14

եւ դիցեն ի վերայ նորա զսպասն որովք պաշտիցեն ի վերայ նորա, եւ զբուրուառս եւ զմսահանս եւ զտաշտսն, եւ զծածկիչսն եւ՝՝ զամենայն սպաս սեղանոյն, եւ արկցեն ի վերայ նորա նուարտան մաշկեղէն կապուտակ. եւ անցուսցեն ընդ նա զլծակսն։ Եւ առցեն հանդերձ ծիրանի եւ ծածկեսցեն զաւազանն եւ զխարիսխս նորա, եւ արկցեն զնովաւ մաշկ կապուտակ, եւ դիցեն ի վերայ լծակացն։՝՝

ԹԻՒՔ 4:19

զայս ինչ արասջիք նոցա եւ կեցցեն եւ մի՛ մեռանիցին ի մերձանալ նոցա ի սրբութիւն սրբութեանցն. Ահարոն եւ որդիք նորա մտցեն ի ներքս, եւ կարգեսցեն զնոսա իւրաքանչիւր ըստ կարգի եւ ըստ բեռին իւրում։

ԹԻՒՔ 4:20

Եւ մի՛ մտանիցեն վայրապար տեսանել զսրբութիւն սրբութեանցն՝՝ զի մի՛ մեռանիցին։

ԹԻՒՔ 7:9

Եւ ցորդիսն Կահաթու ոչինչ ետ. զի զսպասաւորութիւն սրբութեան սրբութեանցն ունէին, եւ յուսս իւրեանց բառնային։

ԵՐԿՐՈՐԴՈՒՄՆ ՕՐԻՆԱՑ 31:9

Եւ գրեաց Մովսէս զամենայն բանս օրինացս այսոցիկ ի մատենի՝՝, եւ ետ զայն ցքահանայսն, ցորդիսն Ղեւեայ, որ բառնային զտապանակ ուխտին Տեառն, եւ ցծերս որդւոցն՝՝ Իսրայելի,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 4:10

Եւ կացին անդ քահանայքն որ բարձեալ ունէին զտապանակ ուխտին Տեառն ի մէջ Յորդանանու՝ մինչեւ վախճանեաց Յեսու զամենայն զոր պատուիրեաց Տէր Յեսուայ պատմել ժողովրդեանն ըստ ամենայնի զոր պատուիրեաց Մովսէս Յեսուայ. եւ փութացաւ ժողովուրդն եւ անց։

ԹԱԳԱՒՈՐՈՒԹԵԱՆՑ ԱՌԱՋԻՆ 6:19

Եւ ոչ հաճեցան որդիքն Յեքոնեայ ընդ արս Բեթսամիւսացւոցն, զի տեսին զտապանակն Տեառն. եւ՝՝ եհար ի նոցանէ յիսուն հազար եւ եւթանասուն այր. եւ սուգ առ ժողովուրդն, զի եհար Տէր ի ժողովրդեանն հարուածս մեծամեծս յոյժ։