ԹԻՒՔ 3:9 - Գրաբար Աստվածաշունչ (1895)

⁹ Եւ տացես զՂեւտացիսն Ահարոնի եղբօր քում՝՝ եւ որդւոց նորա քահանայից. հատուցումն տուեալ իցեն նոքա յորդւոցն Իսրայելի։

ԹԻՒՔ 3:9 Iomraidhean Croise

ՄՆԱՑՈՐԴԱՑ ԱՌԱՋԻՆ 15:2

Յայնժամ ասաց Դաւիթ. Ոչ այլ ումեք է բառնալ զտապանակն Աստուծոյ, բայց միայն Ղեւտացւոցն. վասն զի զնոսա ընտրեաց Տէր բառնալ զտապանակն իւր, եւ պաշտել առաջի նորա մինչեւ յաւիտեանս։

ՄՆԱՑՈՐԴԱՑ ԱՌԱՋԻՆ 6:33

Եւ սոքա են որ կացին եւ որդիք իւրեանց. Էման՝ թոռն Սամուելի, ի Կորխայ Կահաթացի։՝՝ Յորդւոցն Կահաթու՝ Էման սաղմոսանուագ, որդի Յովելի, որդւոյ Սամուելի,

ԵԶՐ 2:43

Եւ Նաթանայ՝ որդիք Սուաղայ, որդիք Ասուփայ, որդիք Տաբովթ,

ԵԶՐ 6:18

Եւ կացուցին զքահանայսն ըստ տեղեաց իւրեանց, եւ զՂեւտացիսն ըստ վիճակի բաժանմանն իւրեանց ի սպասաւորութիւն Տեառն Աստուծոյ յԵրուսաղէմ, երկու հազար եւ երկերիւր,՝՝ որպէս եւ գրեալ է ի գիրս Մովսիսի։

ԵԶՐ 8:20

եւ ի Նաթանայ՝՝ զոր ետ Դաւիթ եւ իշխանքն ի ծառայութիւն Ղեւտացւոցն եւ ի Նաթանայիմ՝՝ երկերիւր եւ քսան. ամենեքեան ժողովեցան ըստ անուան իւրեանց։

ԹԻՒՔ 16:9

միթէ փո՞քր ինչ իցէ ձեզ այդ, զի զատոյց զձեզ Աստուած Իսրայելի ի ժողովրդենէ իւրմէ, եւ մերձեցոյց զձեզ առ ինքն՝ պաշտել զպաշտօն խորանին Տեառն, եւ կալ առաջի ժողովրդեանն պաշտել զնա.

ԹԻՒՔ 18:2

Եւ զեղբարս քո զցեղն Ղեւեայ, զգունդ հօր քո, մատուսցես առ քեզ, եւ յաւելցին ի քեզ, եւ պաշտեսցեն զքեզ. եւ դու եւ որդիք քո ընդ քեզ, յանդիման խորանին վկայութեան։

ԹԻՒՔ 3:8

Եւ պահեսցեն զամենայն սպաս խորանին վկայութեան եւ զպահպանութիւնս որդւոցն Իսրայելի եւ զամենայն գործ խորանին։

ԹԻՒՔ 8:14

Եւ զատուսցես զՂեւտացիսն ի միջոյ որդւոցն Իսրայելի, եւ եղիցին ինձ։

ԹԻՒՔ 8:16

զի հատուցումն հատուցեալ են նոքա ինձ ի միջոյ որդւոցն Իսրայելի. փոխանակ ամենայն անդրանկաց որ բանան զամենայն արգանդ յորդւոցն Իսրայելի՝ առի զնոսա ինձ։

ԹԻՒՔ 8:18

Եւ առի զՂեւտացիսն փոխանակ ամենայն անդրանկաց որդւոցն Իսրայելի։

ԹԻՒՔ 8:19

Եւ ետու զՂեւտացիսն հատուցումն տուեալս Ահարոնի եւ որդւոց նորա ի միջոյ որդւոցն Իսրայելի, գործել զգործ որդւոցն Իսրայելի ի խորանին վկայութեան, եւ քաւել վասն որդւոցն Իսրայելի մերձենալով ի սրբութիւնսն։

ԱՌ ԵՓԵՍԱՑԻՍ ԹՈՒՂԹ 4:11

Եւ նա ետ զոմանս առաքեալս, զոմանս մարգարէս, զոմանս աւետարանիչս, զոմանս հովիւս եւ վարդապետս.

ԱՌ ԵՓԵՍԱՑԻՍ ԹՈՒՂԹ 4:8

Վասն որոյ եւ ասէ. Ել ի բարձունս, գերեաց զգերութիւն եւ ետ պարգեւս մարդկան։