ԹԻՒՔ 3:7 - Գրաբար Աստվածաշունչ (1895)

⁷ Եւ պահեսցեն զպահպանութիւնս նորա եւ զպահպանութիւնս որդւոցն Իսրայելի առաջի խորանին վկայութեան՝ գործել զգործ խորանին։

ԹԻՒՔ 3:7 Iomraidhean Croise

ՄՆԱՑՈՐԴԱՑ ԱՌԱՋԻՆ 26:20

Եւ Ղեւտացիքն եղբարբք իւրեանց հանդերձ՝՝ ի վերայ գանձին տանն Տեառն, եւ ի վերայ գանձին սրբոյն սրբոց։

ՄՆԱՑՈՐԴԱՑ ԱՌԱՋԻՆ 26:22

եւ՝՝ Զեթամ, եւ Յովէլ՝ եղբայր նորա ի վերայ գանձին տան Տեառն։

ՄՆԱՑՈՐԴԱՑ ԱՌԱՋԻՆ 26:26

Եւ ինքն Սաղոմովթ եւ եղբարք իւր ի վերայ ամենայն գանձուն սրբոյն սրբոց, զոր նուիրեաց Դաւիթ եւ իշխանք տոհմիցն՝ հարիւրապետք եւ հազարապետք եւ իշխանք զօրութեանցն,

ՂԵՒՏԱԿԱՆ 8:35

Եւ առ դրան խորանին վկայութեան նստիցիք զեւթն օր, զցայգ եւ զցերեկ, եւ պահեսջիք զպահպանութիւնս Տեառն զի մի՛ մեռանիցիք. զի այնպէս պատուիրեաց ինձ Տէր։

ԹԻՒՔ 1:50

եւ կացուսցես զՂեւտացիսն ի վերայ խորանին վկայութեան, եւ ի վերայ ամենայն կահի նորա, եւ ի վերայ ամենայնի որ ինչ է ի նմա. նոքա բարձցեն զխորանն եւ զամենայն զկահ նորա, եւ նոքա պաշտեսցեն ի նմա, եւ շուրջ զխորանաւն բանակեսցին։

ԹԻՒՔ 1:53

Բայց Ղեւտացիքն բանակեսցին շուրջ զխորանաւն վկայութեան յանդիման Տեառն՝՝, եւ ոչ լինիցին մեղք ի մէջ որդւոցն Իսրայելի. եւ պահեսցեն Ղեւտացիքն զպահպանութիւն խորանին վկայութեան։

ԹԻՒՔ 3:32

Եւ իշխան ի վերայ իշխանացն Ղեւտացւոցն՝ Եղիազար որդի Ահարոնի քահանայի կացցէ, պահել զպահպանութիւնս սրբութեանցն։

ԹԻՒՔ 3:8

Եւ պահեսցեն զամենայն սպաս խորանին վկայութեան եւ զպահպանութիւնս որդւոցն Իսրայելի եւ զամենայն գործ խորանին։

ԹԻՒՔ 31:30

Եւ ի կիսոյ որդւոցն Իսրայելի առցես մի ի յիսնէ, ի մարդոյ եւ յանասնոյ, յարջառոյ եւ յոչխարէ եւ յիշոյ եւ յամենայն անասնոյ, եւ տացես զայն Ղեւտացւոցն որ պահիցեն զպահպանութիւնս խորանին Տեառն։

ԹԻՒՔ 8:11

Եւ զատուսցէ Ահարոն զՂեւտացիսն ի հատուցումն առաջի Տեառն յորդւոցն Իսրայելի, եւ եղիցին գործել զգործ խորանին առաջի Տեառն։

ԹԻՒՔ 8:15

Եւ ապա մտցեն Ղեւտացիքն գործել զգործ խորանին վկայութեան. եւ սրբեսցես զնոսա, եւ տացես զնոսա հատուցումն առաջի Տեառն՝՝.