ԹԻՒՔ 3:6 - Գրաբար Աստվածաշունչ (1895)

⁶ Ա՛ռ զազգն Ղեւեայ, եւ կացուսցես զնոսա առաջի Ահարոնի քահանայի, եւ պաշտեսցեն զնա։

ԹԻՒՔ 3:6 Iomraidhean Croise

ՄՆԱՑՈՐԴԱՑ ԱՌԱՋԻՆ 15:2

Յայնժամ ասաց Դաւիթ. Ոչ այլ ումեք է բառնալ զտապանակն Աստուծոյ, բայց միայն Ղեւտացւոցն. վասն զի զնոսա ընտրեաց Տէր բառնալ զտապանակն իւր, եւ պաշտել առաջի նորա մինչեւ յաւիտեանս։

ՄՆԱՑՈՐԴԱՑ ԱՌԱՋԻՆ 23:28

Քանզի կացոյց զնոսա ի ձեռն որդւոցն Ահարոնի պաշտել ի տանն Տեառն, ի սրահսն եւ ի սենեակսն եւ ի սրբութիւնսն, եւ ի վերայ ամենայն սրբութեանցն, եւ ի պաշտամունսն տանն Աստուծոյ,

ՄՆԱՑՈՐԴԱՑ ԱՌԱՋԻՆ 23:32

Եւ պահէին զպահպանութիւնս խորանին վկայութեան, եւ զպահպանութիւնս որդւոցն Ահարոնի եղբարցն իւրեանց պաշտել ի տանն Տեառն։

ՄՆԱՑՈՐԴԱՑ ԱՌԱՋԻՆ 6:33

Եւ սոքա են որ կացին եւ որդիք իւրեանց. Էման՝ թոռն Սամուելի, ի Կորխայ Կահաթացի։՝՝ Յորդւոցն Կահաթու՝ Էման սաղմոսանուագ, որդի Յովելի, որդւոյ Սամուելի,

ՄՆԱՑՈՐԴԱՑ ԵՐԿՐՈՐԴ 29:11

Արդ մի՛ ինչ նուազէք առնել յայսմ հետէ՝՝. վասն զի զձեզ ընտրեաց Տէր կալ եւ պաշտել առաջի իւր, եւ լինել նմա սպասաւոր, եւ ծխել խունկս։

ԵԶՐ 6:18

Եւ կացուցին զքահանայսն ըստ տեղեաց իւրեանց, եւ զՂեւտացիսն ըստ վիճակի բաժանմանն իւրեանց ի սպասաւորութիւն Տեառն Աստուծոյ յԵրուսաղէմ, երկու հազար եւ երկերիւր,՝՝ որպէս եւ գրեալ է ի գիրս Մովսիսի։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:4

Եւ ծանիջիք եթէ ես առաքեցի առ ձեզ զպատուէրդ զայդ՝ լինել ուխտի իմոյ առ Ղեւտացիսն, ասէ Տէր ամենակալ։

ԹԻՒՔ 18:21

Եւ որդւոցն Ղեւեայ ահա ետու զամենայն տասանորդս Իսրայելի ի ժառանգութիւն, փոխանակ պաշտաման նոցա զոր նոքայն պաշտիցեն ի խորանին վկայութեան։

ԹԻՒՔ 2:17

Եւ խաղասցէ խորանն վկայութեան եւ բանակ Ղեւտացւոցն ի մէջ բանակացն. որպէս բանակեսցին՝ նոյնպէս չուեսցեն, իւրաքանչիւր զհետ միմեանց ըստ պետութեան՝՝։

ԹԻՒՔ 2:33

Բայց Ղեւտացիքն ոչ անցին ընդ նոսա՝՝ ի հանդիսի, որպէս պատուիրեաց Տէր Մովսիսի։

ԹԻՒՔ 3:5

Եւ խօսեցաւ Տէր ընդ Մովսիսի եւ ասէ.

ԵՐԿՐՈՐԴՈՒՄՆ ՕՐԻՆԱՑ 10:8

Յայնմ ժամանակի զատոյց Տէր զցեղն Ղեւեայ բառնալ զտապանակ ուխտին Տեառն, կալ առաջի Տեառն պաշտել եւ աղօթս մատուցանել՝՝ յանուն նորա մինչեւ ցայսօր։