ԹԻՒՔ 3:47 - Գրաբար Աստվածաշունչ (1895)

⁴⁷ առցես հինգ սիկղ ըստ գլուխ, ըստ սրբութեան երկդրամենին առցես. քսան դանգ առ սիկղ։

ԹԻՒՔ 3:47 Iomraidhean Croise

ԵԼՔ 30:13

Եւ այս ինչ է զոր տացեն որք անցանիցեն ի հանդիսի անդ. զկէս երկդրամենին որ իցէ ըստ սրբութեան երկդրամենին. քսան դանգ է երկդրամեանն. եւ կէս երկդրամենին եղիցի հաս Տեառն։

ԵԼՔ 38:24

Ամենայն ոսկւոյն որ գործեցաւ ի գործն, ըստ ամենայն գործոյ սրբութեանցն, եղեւ կշիռ ոսկւոյ նուիրացն քսան եւ ինն տաղանդ, եւ եւթն հարեւր եւ երեսուն սկիղ՝ ըստ սրբութեան սկեղն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:12

Եւ կշիռն՝՝ քսան դանգ, եւ քսան սիկղ եւ քսան եւ հինգ սիկղ, եւ ի քսան եւ ի հինգ սկեղէ՝՝ եղիցի ձեզ մնաս մի։

ՂԵՒՏԱԿԱՆ 27:25

Եւ ամենայն գինք եղիցին ըստ սրբութեան կշռոցն. քսան դանգ լիցի երկդրամեանն։

ՂԵՒՏԱԿԱՆ 27:3

եղիցին գինք արուի, ի քսանամենից մինչեւ ցվաթսնամեանս, եղիցին գինք նորա յիսուն երկդրամեան արծաթոյ ըստ սրբութեան սկեղն.

ՂԵՒՏԱԿԱՆ 27:6

Եւ յամսօրէէն մինչեւ ցհինգեմեանն՝ եղիցի արուին հինգ երկդրամեան արծաթոյ, եւ իգին երեք երկդրամեանք արծաթոյ։

ԹԻՒՔ 18:16

Եւ փրկանք նորա յամսօրէից եւ ի վեր՝՝, եւ գին նորա հինգ սիկղ ըստ սրբութեան սկեղն, որ է քսան դանգ։

ԹԻՒՔ 3:48

Եւ տացես զարծաթն Ահարոնի եւ որդւոց նորա փրկանս ընդ աւելորդացն ի նոցանէ։

ԹԻՒՔ 3:50

յանդրանկաց որդւոցն Իսրայելի. եւ առ զարծաթն հազար եւ երեք հարեւր եւ վաթսուն եւ հինգ սիկղ ըստ սրբութեան սկեղն։

ԹԻՒՔ 7:13

Մատոյց զընծայսն իւր. կոնք մի արծաթի՝ ի հարեւր եւ յերեսուն կշռորդէ, տաշտ մի արծաթի՝ յեւթանասուն սկեղէ ըստ սրբութեան սկեղն, երկոքին լի նաշհով զանգելով ընդ իւղոյ ի զոհ,