ԹԻՒՔ 3:2 - Գրաբար Աստվածաշունչ (1895)

² Եւ այս են անուանք որդւոցն Ահարոնի. անդրանիկ՝ Նաբադ եւ Աբիուդ եւ Եղիազար եւ Իթամար։

ԹԻՒՔ 3:2 Iomraidhean Croise

ՄՆԱՑՈՐԴԱՑ ԱՌԱՋԻՆ 24:1

Եւ զորդիսն Ահարոնի զատոյց՝՝. որդիք Ահարոնի՝ Նադաբ եւ Աբիուդ, եւ Եղիազար եւ Իթամար։

ՄՆԱՑՈՐԴԱՑ ԱՌԱՋԻՆ 24:2

Եւ մեռան Նադաբ եւ Աբիուդ առաջի հօրն իւրեանց. եւ որդիք ոչ գոյին նոցա. եւ քահանայացան Եղիազար եւ Իթամար որդիքն Ահարոնի՝՝։

ՄՆԱՑՈՐԴԱՑ ԱՌԱՋԻՆ 6:3

Եւ որդիք Ամրամայ՝ Ահարոն եւ Մովսէս եւ Մարիամ. եւ որդիք Ահարոնի՝ Նադաբ եւ Աբիուդ, Եղիազար եւ Իթամար։

ԵԼՔ 28:1

Եւ դու մատուսցես առ քեզ զԱհարոն զեղբայր քո, եւ զորդիս նորա ընդ նմա՝ յորդւոցն Իսրայելի, քահանայանալ ինձ. զԱհարոն եւ զՆաբադ եւ զԱբիուդ եւ զԵղիազար եւ զԻթամար զորդիս Ահարոնի։

ԵԼՔ 6:23

Եւ ա՛ռ Ահարոն զԵղիսաբէթ դուստր Ամինադաբայ զքոյր Նաասոնի իւր կնութեան, եւ ծնաւ նմա զՆաբադ եւ զԱբիուդ եւ զԵղիազար եւ զԻթամար։

ՂԵՒՏԱԿԱՆ 10:1

Եւ առեալ երկուց որդւոցն Ահարոնի, Նաբադայ եւ Աբիուդայ, զիւրաքանչիւր բուրուառ՝ եդին ի նոսա հուր, եւ արկին խունկս եւ մատուցին առաջի Տեառն հուր օտար, զոր ոչ հրամայեաց նոցա Տէր։

ՂԵՒՏԱԿԱՆ 10:12

Եւ ասէ Մովսէս ցԱհարոն եւ ցԵղիազար եւ ցԻթամար ցորդիս նորա ցմնացեալս. Առէք զզոհն մնացեալ ի պտղոց անտի Տեառն, եւ կերայք բաղարջ առաջի սեղանոյն. զի սրբութիւն սրբութեանց է։

ԹԻՒՔ 26:60

Եւ ծնան Ահարոնի Նաբադ եւ Աբիուդ, Եղիազար եւ Իթամար։