ԹԻՒՔ 3:13 - Գրաբար Աստվածաշունչ (1895)

¹³ Զի իմ է ամենայն անդրանիկ. յաւուր յորում հարի զամենայն անդրանիկ յերկրին Եգիպտացւոց, սրբեցի ինձ զամենայն անդրանիկս Իսրայելի ի մարդոյ մինչեւ յանասուն. իմ լիցին. զի ես եմ Տէր։

ԹԻՒՔ 3:13 Iomraidhean Croise

ԳԻՐՔ ՆԷԵՄԵԱՅ 10:36

Եւ զդիդրաքմայս անդրանկաց՝՝ որդւոց մերոց, եւ զանդրանիկս անասնոց մերոց՝ որպէս եւ գրեալ է յօրէնսն Մովսիսի՝ եւ զանդրանիկս առջառոց մերոց եւ հօտից բերցուք ի տուն Աստուծոյ մերոյ, քահանայից մերոց Ղեւտացւոց որք կան ի սպասու տան Տեառն.

ԵԼՔ 13:12

եւ զատուսցես Տեառն զամենայն արու որ բանայ զարգանդ, եւ զամենայն որ բանայ զարգանդ յանդէոց եւ յանասնոց քոց որ լինիցի քեզ. արուքն սուրբ Տեառն լինիցին։

ԵԼՔ 13:15

Յորժամ խստացաւ փարաւոն չարձակել զմեզ, կոտորեաց Տէր զամենայն անդրանիկս յերկրին Եգիպտացւոց, յանդրանկէ մարդոյ մինչեւ ցանդրանիկս անասնոյ. վասն այնորիկ ես մատուցանեմ Տեառն զամենայն արու որ բանայ զարգանդ, եւ զամենայն անդրանիկս որդւոց իմոց փրկեցից։

ԵԼՔ 13:2

Սրբեա դու ինձ զամենայն անդրանիկ նախծին որ բանայ զամենայն արգանդ ի մէջ որդւոցդ Իսրայելի, ի մարդոյ մինչեւ յանասուն, քանզի իմ է։

ԵԼՔ 22:29

Զպտուղ կալոյ քո եւ զհնձանի մի՛ հատանիցես. զանդրանիկս որդւոց քոց ինձ տացես։

ԵԼՔ 34:19

Ամենայն արու որ բանայ զարգանդ՝ ինձ լիցի, եւ ամենայն արուք անասնոյ քո, անդրանիկն արջառոյ եւ անդրանիկն ոչխարի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:30

Պտուղ ամենայնի եւ անդրանիկք ամենեցուն եւ երախայրիք յամենայն պտղոց ձերոց՝ քահանայիցն եղիցի. եւ զառաջին մուտ արդեանց ձերոց տաջիք քահանային՝ դնել օրհնութիւն ի վերայ տանց ձերոց։

ՂԵՒՏԱԿԱՆ 27:26

Եւ ամենայն անդրանիկ որ ծնանիցի ի խաշանց քոց՝ Տեառն լիցի, եւ մի՛ ոք սրբեսցէ զայն, եթէ արջառ իցէ, եւ եթէ ոչխար՝ Տեառն լիցի։

ԹԻՒՔ 18:15

Եւ ամենայն որ բանայ զարգանդ՝ յամենայն մարմնոյ, զոր մատուցանիցեն Տեառն ի մարդոյ մինչեւ յանասուն՝ քեզ լիցի. այլ փրկելով փրկեսցես զանդրանիկս մարդկան, եւ զանդրանիկս անասնոց անսրբոց փրկեսցես։

ԹԻՒՔ 18:6

Եւ ես առի զեղբարս ձեր զՂեւտացիս ի միջոյ որդւոցն Իսրայելի՝ փոխանակս տուեալ Տեառն, պաշտել զպաշտօն խորանին վկայութեան։

ԹԻՒՔ 3:41

Եւ առցես զՂեւտացիսն ինձ, զի ես եմ Տէր, փոխանակ ամենայն անդրանկաց որդւոցն Իսրայելի. եւ զանասուն Ղեւտացւոցն՝ փոխանակ անասնոց անդրանկաց որդւոցն Իսրայելի։

ԹԻՒՔ 33:4

եւ Եգիպտացիքն թաղէին զամենայն մեռեալսն ի նոցանէ, զորս կոտորեաց Տէր, զամենայն անդրանիկս յերկրին Եգիպտացւոց՝՝, եւ ի դիս նոցա արար վրէժխնդրութիւն Տէր։

ԱՒԵՏԱՐԱՆ ԸՍՏ ՂՈՒԿԱՍՈՒ 2:23

որպէս եւ գրեալ է յօրէնս Տեառն, թէ՝ Ամենայն արու որ բանայ զարգանդ՝ սուրբ Տեառն կոչեսցի։

ԱՌ ԵԲՐԱՅԵՑԻՍ ԹՈՒՂԹ 12:23

եւ յեկեղեցիս անդրանկաց գրելոց յերկինս, եւ առ դատաւորն ամենեցուն Աստուած, եւ յոգիս արդարոց կատարելոց,