ԹԻՒՔ 3:10 - Գրաբար Աստվածաշունչ (1895)

¹⁰ Եւ զԱհարոն եւ զորդիս նորա կացուսցես ի վերայ խորանին վկայութեան՝՝, եւ պահեսցեն զքահանայութիւնն իւրեանց եւ զամենայն ինչ զսեղանոյն, եւ որ ինչ ի ներքոյ քան զվարագոյրն ից՝՝. եւ այլազգի որ մերձենայցէ՝ մեռցի։

ԹԻՒՔ 3:10 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:7

Եւ բարկացաւ Տէր Ոզայ, եւ եհար զնա անդ Աստուած վասն յանդգնութեանն, եւ մեռաւ անդէն առ տապանակին Տեառն առաջի՝՝ Աստուծոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 12:31

Եւ արար տունս ի վերայ բարձանց. եւ արար քուրմս զմասն ինչ ժողովրդեանն որ ոչ էին ի տանց՝՝ Ղեւեայ։

ՄՆԱՑՈՐԴԱՑ ԱՌԱՋԻՆ 6:32

եւ էին պաշտօնեայք առաջի խորանին տանն վկայութեան նուագարանօք, մինչեւ շինեաց Սողոմոն զտունն Տեառն յԵրուսաղէմ. եւ կացին ի կարգին իւրեանց ի պաշտամանն իւրեանց։

ԳԻՐՔ ՆԷԵՄԵԱՅ 6:11

Եւ ասեմ ես. Ո՞վ է այն այր՝ յորմէ ես փախեայց՝՝, եւ կամ ո՞ ոք իբրեւ զիս այր որ մտցէ ի տուն Տեառն, եւ կարասցէ ապրել։

ԵԼՔ 29:9

Եւ ածցես նոցա կամարս, Ահարոնի եւ որդւոց նորա, եւ ածցես նոցա ապարօշս. եւ եղիցի նոցա այն ինձ ի քահանայութիւն՝՝ յաւիտենական, եւ կատարեսցես զձեռս Ահարոնի եւ զձեռս որդւոց նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:8

Եւ ոչ պահեցէք զպահպանութիւնս սրբութեանց իմոց, եւ կարգեցէք զնոսա պահել զպահպանութիւնս սրբութեան սրբութեանց իմոց։

ՂԵՒՏԱԿԱՆ 22:10

Եւ ամենայն օտարազգի մի՛ կերիցէ զսրբութիւնսն, պանդուխտ քահանային եւ վարձկանն մի՛ կերիցեն ի սրբութեանցն։

ԹԻՒՔ 1:51

Եւ ի չուել խորանին՝ իջուսցեն զնա Ղեւտացիքն, եւ ի բանակել խորանին՝ կանգնեսցեն զնա Ղեւտացիքն. եւ այլազգի որ մերձեսցի ի նա՝ մեռցի։

ԹԻՒՔ 16:10

եւ մերձեցոյց զքեզ առ ինքն, եւ զամենայն եղբարս քո զորդիսն Ղեւեայ ընդ քեզ, եւ քահանայանա՞լ եւս խնդրէք։

ԹԻՒՔ 16:35

Եւ ել հուր ի Տեառնէ եւ եկեր զերկերիւր եւ զյիսուն այրն՝ որ մատուցանէին զխունկսն։

ԹԻՒՔ 16:40

ի յիշատակ որդւոցն Իսրայելի, զի մի՛ մերձենայցէ այլազգի ոք որ չիցէ ի զաւակէ Ահարոնի՝ դնել խունկս առաջի Տեառն, զի մի՛ լինիցի իբրեւ զԿորխ եւ զխուժան նորա. որպէս խօսեցաւ Տէր ի ձեռն Մովսիսի։

ԹԻՒՔ 18:3

Եւ պահեսցեն զպահպանութիւնս քո, եւ զպահպանութիւնս խորանին վկայութեան. բայց ի սպասն իմ ի սուրբ եւ ի սեղանն մի՛ մերձեսցին, զի մի՛ մեռանիցին, ե՛ւ նոքա ե՛ւ դուք։

ԹԻՒՔ 18:7

Եւ դու եւ որդիք քո ընդ քեզ պահեսջիք զքահանայութիւն ձեր ըստ ամենայն պայմանի սեղանոյն, եւ զներքին կողմն վարագուրին, եւ պաշտեսջիք զպաշտօն քահանայութեան ձերոյ. եւ այլազգին որ մերձենայցէ՝ մեռցի։

ԹԻՒՔ 3:11

Եւ խօսեցաւ Տէր ընդ Մովսիսի եւ ասէ.

ԹԻՒՔ 3:38

Եւ որ բանակիցին յանդիման խորանին վկայութեան յարեւելից կողմանէ՝ Մովսէս եւ Ահարոն իցեն, եւ որդիք նորա պահեսցեն զպահպանութիւնս սրբութեանցն ի պահպանութիւնս որդւոցն Իսրայելի, եւ այլազգի որ մերձենայցէ՝ մեռցի։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 12:7

եթէ պաշտօն՝ ըստ պաշտամանն, եթէ որ ուսուցանէն՝ ըստ վարդապետութեանն,

ԱՌ ԵՓԵՍԱՑԻՍ ԹՈՒՂԹ 2:19

ապա այսուհետեւ ոչ էք օտարք եւ պանդուխտք, այլ քաղաքակիցք սրբոց եւ ընտանիք Աստուծոյ,

ԵՐԿՐՈՐԴՈՒՄՆ ՕՐԻՆԱՑ 18:5

Զի զնա ընտրեաց Տէր յամենայն ցեղիցն քոց կալ առաջի Տեառն Աստուծոյ քո, պաշտել եւ օրհնել յանուն նորա՝՝, նա եւ որդիք իւր զամենայն աւուրս։

ԱՌ ԵԲՐԱՅԵՑԻՍ ԹՈՒՂԹ 8:4

Զի եթէ էր յերկրի, թերեւս չէր իսկ քահանայ. զի գոյին որ՝՝ մատուցանէին ըստ օրինացն պատարագ.

ԴԱՏԱՒՈՐՔ 17:5

Եւ տուն Միքայի՝ նմա տուն Աստուածոյ. եւ արար եփուդ եւ թերափ. եւ ելից զձեռս միոյ յորդւոց իւրոց, եւ եղեւ նմա ի քահանայ։

ԹԱԳԱՒՈՐՈՒԹԵԱՆՑ ԱՌԱՋԻՆ 6:19

Եւ ոչ հաճեցան որդիքն Յեքոնեայ ընդ արս Բեթսամիւսացւոցն, զի տեսին զտապանակն Տեառն. եւ՝՝ եհար ի նոցանէ յիսուն հազար եւ եւթանասուն այր. եւ սուգ առ ժողովուրդն, զի եհար Տէր ի ժողովրդեանն հարուածս մեծամեծս յոյժ։