ԹԻՒՔ 29:12 - Գրաբար Աստվածաշունչ (1895)

¹² Եւ յաւուրն հնգետասաներորդի նորին եւթներորդի ամսոյ՝ կոչեցեալ սուրբ եղիցի ձեզ. զամենայն գործ սպասաւորութեան մի՛ գործիցէք, եւ տօնեսջիք զնա տօն Տեառն զեւթն օր։

ԹԻՒՔ 29:12 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 12:32

Եւ արար Յերոբովամ տօն յամսեանն ութերորդի յաւուր հնգետասաներորդի նորին ամսոյ ըստ տօնին որ յերկրին Յուդայ, եւ ել ի սեղանն զոր՝՝ արար ի Բեթէլ զոհել երնջոցն զոր արար եւ կացոյց ի Բեթէլ քուրմս բարձանցն զոր արար.

ԵԶՐ 3:4

Եւ արարին զտօն տաղաւարահարացն ըստ գրելոցն, եւ ողջակէզս օր ըստ օրէ ի մի թուեալ որպէս եւ պատուիրեալ էր նոցա։

ԳԻՐՔ ՆԷԵՄԵԱՅ 8:14

Եւ գտին գրեալ յօրէնսն զի էր հրամայեալ Տեառն Աստուծոյ Մովսիսի, որպէս արժան է որդւոցն Իսրայելի բնակել ի տաղաւարս ի տօնի եւթներորդ ամսոյն,

ԳԻՐՔ ՆԷԵՄԵԱՅ 8:18

Եւ կարդայր զգիրս օրինացն օր ըստ օրէ, յօրէն յառաջնմէ մինչեւ յօրն եւթներորդ. եւ արարին զտօնն զեւթն օր, եւ յաւուրն ութերորդի եղեւ կատարումն ըստ օրինացն։

ԵԼՔ 23:16

Եւ զտօն ամարայնոյ, առաջնոյ արմտեաց քոց, արասցես զգործոց քոց,՝՝ որ ինչ վարեալ իցէ յանդի քում, եւ զտօն կատարածի ելից՝՝ տարւոյն՝ ի ժողովել գործոց քոց յանդէ։

ԵԼՔ 34:22

Եւ տօն եւթներորդաց արասցես ինձ ի սկզբան հնձոց ցորենոյ, եւ զտօն արմտեաց ամփոփելոյ՝ յընդմիջել տարւոյն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:25

Եւ յամսեանն երրորդի՝ որ օր հինգետասան իցէ ամսոյն, արասցեն տօն ըստ օրինակի եւթանց աւուրց, որպէս վասն մեղացն եւ վասն ողջակիզացն, եւ ըստ նաշհոյն եւ ըստ ձիթոյն։՝՝

ՂԵՒՏԱԿԱՆ 23:7

Եւ օրն առաջին անուանեալ՝՝ սուրբ եղիցի ձեզ. զամենայն գործ սպասաւորութեան մի՛ առնիցէք։

ԹԻՒՔ 29:1

Եւ յամսեանն եւթներորդի որ օր մի իցէ ամսոյն, կոչեցեալ սուրբ եղիցի ձեզ. զամենայն գործ սպասաւորութեան մի՛ գործիցէք. օր նշանակելոյ եղիցի ձեզ։

ԹԻՒՔ 29:13

Եւ մատուսջիք ողջակէզս ընծայս՝՝ ի հոտ անուշից Տեառն, յաւուրն առաջնում՝՝ զուարակս յանդւոյ երեքտասան, խոյս երկուս, գառինս տարեւորս չորեքտասան, անարատք լինիցին.

ԹԻՒՔ 29:35

Եւ յաւուրն ութերորդի՝ ելք լիցին ձեզ. զամենայն գործ սպասաւորութեան մի՛ գործիցէք ի նմա։

ԱՒԵՏԱՐԱՆ ԸՍՏ ՅՈՎՀԱՆՆՈՒ 1:14

Եւ Բանն մարմին եղեւ եւ բնակեաց ի մեզ, եւ տեսաք զփառս նորա, զփառս իբրեւ զմիածնի առ ի Հօրէ, լի շնորհօք եւ ճշմարտութեամբ։