ԹԻՒՔ 28:2 - Գրաբար Աստվածաշունչ (1895)

² Պատուիրեա որդւոցն Իսրայելի, եւ ասասցես ցնոսա. Զպատարագս իմ եւ զդահամունս իմ եւ զընծայս իմ ի հոտ անուշից՝ զգուշասջիք մատուցանել ի տօնս իմ՝՝։

ԹԻՒՔ 28:2 Iomraidhean Croise

ԾՆՈՒՆԴՔ 8:21

Եւ հոտոտեցաւ Տէր Աստուած ի հոտ անուշից։ Եւ ասէ Տէր Աստուած՝ ածեալ զմտաւ. Ոչ եւս յաւելից անիծանել զերկիր վասն գործոց մարդկան, զի միտք մարդոյ հաստատեալ են ի խնամս չարի ի մանկութենէ իւրմէ. արդ ոչ եւս յաւելից հարկանել զամենայն մարմին կենդանի որպէս արարի։

ՄՆԱՑՈՐԴԱՑ ԱՌԱՋԻՆ 23:31

եւ ի վերայ ամենայն մատուցելոց ողջակիզաց Տեառն, ի շաբաթսն եւ յամսամուտս եւ ի տօնս, ըստ թուոյն, ըստ իրաւանցն, ի վերայ նոցին յամենայն ժամ Տեառն։

ՄՆԱՑՈՐԴԱՑ ԵՐԿՐՈՐԴ 23:18

Եւ ա՛ռ Յովիդայէ քահանայ զգործ տանն ի ձեռն քահանայից Ղեւտացւոց. եւ կանգնեաց զհանապազորդեան պաշտօնեայս՝ զքահանայս եւ զՂեւտացիս զորս զատոյց Դաւիթ՝ ի տունն Տեառն, եւ մատոյց՝՝ ողջակէզս Տեառն, որպէս եւ գրեալ է յօրէնսն Մովսիսի, ուրախութեամբ եւ երգովք ի ձեռն Դաւթի։

ՄՆԱՑՈՐԴԱՑ ԵՐԿՐՈՐԴ 31:3

Եւ մասն թագաւորին յընչից իւրոց յողջակէզսն առաւօտու եւ երեկորին, եւ յողջակէզսն շաբաթուցն եւ ամսամտիցն եւ ի տօնսն գրեալս յօրէնս Տեառն։

ԵԶՐ 3:2

Եւ յարեաւ Յեսու Յովսեդեկեանց եւ եղբարք նորա քահանայք, եւ Զորաբաբէլ որդի Սաղաթիելի եւ եղբարք նորա վեց, եւ շինեցին սեղան զոհից Տեառն Աստուծոյ Իսրայելի՝ մատուցանել ի վերայ նորա ողջակէզս, ըստ գրելոցն յօրէնսն Մովսիսի առնն Աստուծոյ։

ԵԶՐ 3:3

Եւ պատրաստեցին զզոհարանն ըստ կազմութեան իւրում. վասն զի կասկածէին յազգաց երկրին. եւ մատուցին ի վերայ նորա ողջակէզս վաղվաղակի Տեառն Աստուծոյ իւրեանց՝՝, մի՝ ընդ առաւօտս, եւ մի՝ ընդ երեկոյս։

ԳԻՐՔ ՆԷԵՄԵԱՅ 10:34

Եւ վիճակս արկցուք վասն ժառանգութեան փայտիցն, որ երթայ քահանայիցն եւ Ղեւտացւոցն, եւ ժողովուրդն բերցէ ի տուն Աստուծոյ մերոյ, ի տունս՝՝ հարցն մերոց ըստ ժամանակս ժամանակս ամ ըստ ամէ, զորս արժան է այրել ի վերայ սեղանոյ զոհից Տեառն Աստուծոյ մերոյ, որպէս եւ գրեալ է յօրէնսն Մովսիսի։

ԳԻՐՔ ՍԱՂՄՈՍԱՑ 81:3

Դատ արարէք որբոյն եւ այրւոյ, իրաւունս արարէք տնանկին եւ խոնարհի։

ԵԼՔ 23:15

Զտօն բաղարջակերացն պահեսջիք. զեւթն օր բաղարջ կերիջիք, որպէս պատուիրեցի ձեզ ըստ ժամանակի ամսոյն կանխոց. զի ի նմա ելէք դուք յերկրէն Եգիպտացւոց. ոչ երեւեսցիս առաջի իմ դատարկաձեռն։

ԵԼՔ 29:18

Եւ հանցես բովանդակ զխոյն ի վերայ սեղանոյն յողջակէզ Տեառն ի հոտ անուշից. զոհ Տեառն է։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:19

եւ զհացն իմ զոր ետու քեզ՝ եւ զնաշիհն եւ զեւղ եւ զմեղր զոր ջամբեցի քեզ՝ եդիր առաջի երեսաց նոցա ի հոտ անուշից. եւ եղեւ յետ այնորիկ՝՝, ասէ Ադոնայի Տէր,

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:41

Ի հոտ անուշից ընկալայց, հանել զձեզ ի ժողովրդոց, եւ ընդունել զձեզ յաշխարհաց ուր ցրուեալն էիք ի նոսա. եւ սուրբ եղէց ի ձեզ յանդիման ժողովրդոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:17

Եւ ի ձեռն առաջնորդին՝՝ եղիցին ողջակէզքն եւ զոհքն եւ սպանդքն՝ ի տօնս եւ յամսագլուխս եւ ի շաբաթս յամենայն տօնս տանդ Իսրայելի նա մատուսցէ զվասն մեղացն եւ զզոհսն եւ զողջակէզսն եւ զվասն փրկութեանն՝ քաւել զտունդ՝՝ Իսրայելի։

ՂԵՒՏԱԿԱՆ 1:13

Եւ զփորոտին եւ զոտսն լուասցեն ջրով. եւ մատուսցէ քահանայն զամենայն, եւ դիցէ ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:17

Եւ ջախջախեսցէ զայն ի թեւոցն, եւ ի բաց մի՛ զատուսցէ. եւ դիցէ զայն քահանայն ի սեղանն ի վերայ փայտին եւ հրոյ. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 1:9

Եւ զփորոտին եւ զոտսն լուասցեն ջրով. եւ դիցեն քահանայքն՝՝ զամենայն ի վերայ սեղանոյն. զի ողջակէզ զոհի է ի հոտ անուշից Տեառն։

ՂԵՒՏԱԿԱՆ 21:6

զի սուրբ լինիցին Աստուծոյ իւրեանց, եւ մի՛ գարշեցուսցեն զանուն Աստուծոյ իւրեանց, զի զզոհսն Տեառն, պատարագ Աստուծոյ իւրեանց, նոքա մատուցանեն. եւ եղիցին սուրբք։

ՂԵՒՏԱԿԱՆ 21:8

Եւ սրբեսցէ զանձն, զի զպատարագն Տեառն Աստուծոյ ձերոյ՝՝ նա մատուցանէ. սուրբ եղիցի. զի սուրբ եմ ես Տէր՝ որ սրբեմ զնոսա։

ՂԵՒՏԱԿԱՆ 3:11

հանցէ քահանայն ի սեղանն հոտ անուշից պտուղ Տեառն։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:12

Եւ դուք պղծեցէք զնա՝ յասելն ձեր թէ՝ Սեղան Տեառն պիղծ է, եւ կերակուրն որ դնի ի վերայ նորա՝ արհամարհեալ։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:7

Զի մատուցանէք ի սեղան իմ հաց պղծութեան, եւ ասացէք. Ի՞ւ պղծեցաք զնոսա. յասելն ձեր թէ՝ Սեղան Տեառն արհամարհեալ է, եւ զոր ինչ դնին ի վերայ՝ արհամարհէք։՝՝

ԹԻՒՔ 15:24

եւ եղիցի եթէ յաչաց ժողովրդեանն վրիպիցի ակամայ ինչ, արասցէ ժողովուրդն զուարակ մի յանդւոյ անարատ յողջակէզ ի հոտ անուշից Տեառն. եւ զոհ ըստ նմին եւ նուէր ըստ նմին պայմանի, եւ նոխազ մի յայծեաց վասն մեղաց։

ԹԻՒՔ 15:3

եւ առնիցէք ողջակէզ Տեառն՝ եւ ողջընծայ ի զոհ, մեծացուցանել՝՝ զուխտն կամ զկամաւն, կամ ի տօնս ձեր առնել հոտ անուշից Տեառն, եթէ յարջառոյ եւ եթէ ի հօտից,

ԹԻՒՔ 15:7

եւ գինի ի նուէր զերկրորդ դորակին մատուցանիցէք ի հոտ անուշից Տեառն։

ԹԻՒՔ 28:1

Եւ խօսեցաւ Տէր ընդ Մովսիսի եւ ասէ.

ԹԻՒՔ 29:39

Զայս առնիցէք ի տօնս ձեր Տեառն. թող զուխտսն ձեր եւ զողջակէզսն ձեր եւ զկամայականսն ձեր եւ զզոհսն ձեր եւ զնուէրսն ձեր եւ զփրկութիւնսն ձեր։

ԹԻՒՔ 9:13

Եւ մարդ ոք որ սուրբ իցէ, եւ ի հեռաւոր ճանապարհի ոչ իցէ, եւ հեղգասցի առնել զզատիկն, սատակեսցի անձն այն ի ժողովրդենէ իւրմէ, զի զպատարագն Տեառն ոչ մատոյց ի ժամանակի իւրում. զմեղս իւր ընկալցի մարդն այն։

ԹԻՒՔ 9:7

եւ ասեն ցնոսա արքն այնոքիկ. Մեք անսուրբք եմք յոգի մարդոյ. արդ մի՛՝՝ յայտնեսցուք ի մատուցանելոյ պատարագ Տեառն ի ժամանակի իւրում ի մէջ որդւոցն Իսրայելի։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 2:15

զի հոտ անոյշ եմք Քրիստոսի առ Աստուած ի մէջ փրկելոցն եւ ի մէջ կորուսելոցն.

ԱՌ ԵՓԵՍԱՑԻՍ ԹՈՒՂԹ 5:2

եւ գնացէք սիրով, որպէս եւ Քրիստոս սիրեաց զմեզ, եւ մատնեաց զանձն իւր վասն մեր պատարագ եւ զենումն Աստուծոյ ի հոտ անուշից։

ԱՌ ՓԻԼԻՊԵՑԻՍ ԹՈՒՂԹ 4:18

Այլ իմ առեալ զամենայն եւ առաւելեալ եմ. ընկալայ, եւ լի եմ ի ձեռն Եպափրոդիտեայ, որ է ի ձէնջ հոտ անուշից, պատարագ ընդունելի՝ հաճոյ Աստուծոյ։