ԹԻՒՔ 27:5 - Գրաբար Աստվածաշունչ (1895)

⁵ Եւ մատոյց Մովսէս զդատաստան նոցա առաջի Տեառն։

ԹԻՒՔ 27:5 Iomraidhean Croise

ԳԻՐՔ ՅՈԲԱՅ 23:4

Եւ ասացից առաջի նորա զիրաւունս, լցից զբերան իմ յանդիմանութեամբ։

ԵԼՔ 25:22

Եւ յայտնեցայց քեզ անտի, եւ խօսեցայց ընդ քեզ ի վերուստ ի քաւութենէ անտի, ի միջոյ երկուց քերոբէիցն՝ որ իցեն ի վերայ տապանակին վկայութեան, ըստ ամենայնի զոր պատուիրեցի քեզ առ որդիսն Իսրայելի։

ԹԻՒՔ 15:34

Եւ ետուն զնա ի պահ, զի ոչ ընտրեցին՝՝ թէ զի՛նչ առնիցեն նմա։

ԹԻՒՔ 27:21

Եւ կացցէ առաջի Եղիազարու քահանայի, եւ հարցցեն ի նմանէ զիրաւունս յայտնութեանց՝՝ առաջի Տեառն. ըստ բանի բերանոյ նորա ելանիցեն, եւ ըստ բանի բերանոյ նորա մտանիցեն, ինքն եւ որդիքն Իսրայելի միաբան եւ ամենայն ժողովուրդն։

ԹԻՒՔ 27:4

Եւ արդ մի՛՝՝ ջնջեսցի անուն հօր մերոյ ի միջոյ ցեղի իւրոյ, վասն զի ոչ գոյր նորա որդի. տուք մեզ ժառանգութիւն ի մէջ եղբարց հօր մերոյ։

ԹԻՒՔ 27:6

Եւ խօսեցաւ Տէր ընդ Մովսիսի եւ ասէ.

ԹԻՒՔ 36:2

եւ ասեն. Տեառնդ մերում հրաման ետ Տէր տալ զերկիրն ժառանգութեան վիճակ որդւոցն Իսրայելի. եւ տեառնդ հրաման ետ Տէր տալ ժառանգութիւն դստերացն Սաղպաադու եղբօր մերում.՝՝

ԹԻՒՔ 9:8

Ասէ ցնոսա Մովսէս. Կացէք այդր, եւ լուայց թէ զինչ տացէ հրաման Տէր վասն ձեր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 17:4

Կացին առաջի Եղիազարու քահանայի, եւ առաջի Յեսուայ որդւոյ Նաւեայ եւ առաջի իշխանացն, եւ ասեն. Աստուած պատուիրեաց ի ձեռն Մովսիսի տալ մեզ ժառանգութիւն ի մէջ եղբարց մերոց։ Եւ տուաւ նոցա ժառանգութիւն հրամանաւ Տեառն ի մէջ եղբարց հօր իւրեանց։