ԹԻՒՔ 27:18 - Գրաբար Աստվածաշունչ (1895)

¹⁸ Եւ խօսեցաւ Տէր ընդ Մովսիսի եւ ասէ. Առ դու քեզ զՅեսու որդի Նաւեայ, զայր յորում գոյ Հոգի, եւ դիցես զձեռս քո ի վերայ նորա.

ԹԻՒՔ 27:18 Iomraidhean Croise

ԾՆՈՒՆԴՔ 41:38

Եւ ասէ փարաւոն ցամենայն ծառայս իւր. Միթէ գտանիցե՞մք այր այնպիսի որ ունիցի զոգի Աստուծոյ յանձին իւրում։

ՄՆԱՑՈՐԴԱՑ ԱՌԱՋԻՆ 7:27

Նուն որդի նորա, Յեսու որդի նորա։

ԵԼՔ 17:9

Եւ ասէ Մովսէս ցՅեսու. Ընտրեա դու քեզ արս զօրաւորս՝՝, եւ ելեալ տացես պատերազմ ընդ Ամաղեկայ առ վաղիւ. եւ ահա ես եկեալ՝՝ կայցեմ ի վերայ գլխոյ բլրոյն, եւ գաւազանն Աստուծոյ ի ձեռին իմում։

ԹԻՒՔ 11:17

եւ իջից անդր եւ խօսեցայց ընդ քեզ. եւ առից ի Հոգւոյդ որ ի քեզ է եւ արկից զնոքօք. եւ բարձցեն ընդ քեզ զյանդգնութիւն ժողովրդեանդ այդորիկ, եւ ոչ կրեսցես զդոսա դու միայն։

ԹԻՒՔ 13:16

ցեղին Գադայ, Գուդիէլ որդի Մակքեայ։

ԹԻՒՔ 13:8

ցեղին Իսաքարայ, Գաղամ որդի Յովսեփայ.

ԹԻՒՔ 27:23

Եւ եդ զձեռս իւր ի վերայ նորա, եւ արար զնա յանձն՝ որպէս պատուիրեաց Տէր՝՝ Մովսիսի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 3:34

Զի զոր Աստուածն առաքեաց՝ զբանս Աստուծոյ խօսի. զի ոչ եթէ չափով տայ Աստուած զՀոգին։

ԳՈՐԾՔ ԱՌԱՔԵԼՈՑ 13:3

Յայնժամ պահեալ եւ աղօթս արարեալ եդին զձեռս ի վերայ նոցա եւ արձակեցին։

ԳՈՐԾՔ ԱՌԱՔԵԼՈՑ 19:6

Եւ ի դնել ի վերայ նոցա Պաւղոսի զձեռն՝ եկն Հոգին Սուրբ ի վերայ նոցա, խօսէին լեզուս եւ մարգարէանային։

ԳՈՐԾՔ ԱՌԱՔԵԼՈՑ 6:3

Ընտրեցէք, եղբարք, վկայեալս ի ձէնջ արս եւթն, զորս կացուսցուք ի վերայ պիտոյիցս այսոցիկ.

ԳՈՐԾՔ ԱՌԱՔԵԼՈՑ 6:6

զորս կացուցին առաջի առաքելոցն, եւ աղօթս արարեալ՝ եդին ի վերայ նոցա զձեռս։

ԵՐԿՐՈՐԴՈՒՄՆ ՕՐԻՆԱՑ 1:37

Եւ ինձ բարկացաւ Տէր վասն ձեր եւ ասէ. Եւ դու մի՛ մտցես անդր։

ԵՐԿՐՈՐԴՈՒՄՆ ՕՐԻՆԱՑ 3:21

Եւ Յեսուայ պատուիրեցի ի ժամանակին յայնմիկ եւ ասեմ. Աչք ձեր իսկ տեսին զամենայն զոր արար Տէր Աստուած քո ընդ երկուս թագաւորսն ընդ այնոսիկ. նոյնպէս արասցէ Տէր ընդ ամենայն թագաւորութիւնս յորոց վերայ դիմեսցես դու.

ԵՐԿՐՈՐԴՈՒՄՆ ՕՐԻՆԱՑ 3:28

Եւ պատուիրեա Յեսուայ եւ զօրացուսցես զնա, եւ մխիթարեսցես զնա. զի նա անցցէ առաջի ժողովրդեանդ իմոյ այդորիկ, եւ նա ժառանգեցուսցէ դոցա զերկիրն զոր տեսեր։

ԵՐԿՐՈՐԴՈՒՄՆ ՕՐԻՆԱՑ 31:14

Եւ ասէ Տէր ցՄովսէս. Ահա մերձեցան աւուրք մահուան քո. կոչեա զՅեսու եւ կացէք առաջի դրան խորանին վկայութեան՝՝, եւ հրաման տաց նմա։ Եւ գնացին Մովսէս եւ Յեսու ի խորանն վկայութեան՝՝, եւ կացին առ դրան խորանին վկայութեան՝՝։

ԵՐԿՐՈՐԴՈՒՄՆ ՕՐԻՆԱՑ 31:23

Եւ պատուիրեաց Մովսէս Յեսուայ որդւոյ Նաւեայ եւ ասէ. Քաջ լեր եւ զօրացիր. զի դու տանելոց ես զորդիսն Իսրայելի յերկիրն զոր խոստացաւ տալ նոցա Տէր, եւ նա եղիցի՝՝ ընդ քեզ։

ԵՐԿՐՈՐԴՈՒՄՆ ՕՐԻՆԱՑ 31:3

Տէր Աստուած քո երթայ առաջի երեսաց քոց, նա սատակեսցէ զազգսն զայնոսիկ յերեսաց քոց, եւ ժառանգեսցես զնոսա. եւ Յեսու երթայ առաջի երեսաց քոց որպէս խօսեցաւ Տէր։

ԵՐԿՐՈՐԴՈՒՄՆ ՕՐԻՆԱՑ 34:9

Եւ Յեսու որդի Նաւեայ լցաւ հոգւով իմաստութեամբ, զի եդ Մովսէս զձեռն իւր ի վերայ նորա. եւ հնազանդեցան նմա որդիքն Իսրայելի, եւ արարին որպէս պատուիրեաց Տէր Մովսիսի։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 4:14

Մի՛ անփոյթ առներ զշնորհացդ որ ի քեզ են, որ տուաւ քեզ մարգարէութեամբ ի ձեռնադրութենէ երիցութեան։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:22

Ձեռս վաղվաղակի յուրուք վերայ մի՛ դնիցես, եւ մի՛ կցորդ լինիցիս մեղաց օտարաց. զանձն քո սուրբ պահեսջիր։

ԱՌ ԵԲՐԱՅԵՑԻՍ ԹՈՒՂԹ 6:2

եւ մկրտութեանցն վարդապետութեան, եւ ձեռնադրութեան ձեռաց, եւ յարութեան մեռելոց, եւ դատաստանին յաւիտենից։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:17

Եւ ըստ ամենայնի որպէս լսէաք Մովսիսի, նոյնպէս լուիցուք եւ քեզ. բայց միայն Տէր Աստուած մեր եղիցի ընդ քեզ, որպէս էր ընդ Մովսիսի։

ԴԱՏԱՒՈՐՔ 11:29

Եւ եղեւ ի վերայ Յեփթայեայ Հոգի Տեառն, եւ անց ընդ Գաղաադ եւ ընդ Մանասէ, եւ անց ընդ դիտանոցն Գաղաադու, եւ ի դիտանոցէն Գաղաադու յայնկոյս որդւոցն Ամոնայ։

ԴԱՏԱՒՈՐՔ 3:10

Եւ եղեւ ի նմա Հոգի Տեառն, եւ դատեաց զԻսրայէլ. եւ ել ի պատերազմ ընդ Քուսարսաթեմայ՝՝. եւ մատնեաց Տէր ի ձեռս նորա զՔուսարսաթեմ արքայ Ասորւոց. եւ սաստկացաւ ձեռն նորա ի վերայ Քուսարսաթեմայ։

ԹԱԳԱՒՈՐՈՒԹԵԱՆՑ ԱՌԱՋԻՆ 16:18

Պատասխանի ետ մի ոմն ի մանկտւոյ նորա եւ ասէ. Ահա տեսի զորդի Յեսսեայ զԲեթղեհեմացի, եւ գիտէ սաղմոս, եւ այր իմաստուն եւ այր պատերազմօղ, եւ այր հանճարեղ եւ ճարտարաբան, եւ այր գեղեցիկ տեսլեամբ, եւ Տէր ընդ նմա։