ԹԻՒՔ 22:36 - Գրաբար Աստվածաշունչ (1895)

³⁶ Եւ լուեալ Բաղակայ եթէ գայ Բաղաամ, ել նմա ընդ առաջ ի քաղաքն Մովաբու որ է ի սահմանս Առնոնայ յեզեր միում սահմանացն։

ԹԻՒՔ 22:36 Iomraidhean Croise

ԾՆՈՒՆԴՔ 14:17

Եւ ել արքայ Սոդոմացւոց ընդ առաջ նորա՝ յետ դառնալոյ նորա ի կոտորածէ Քոդողագոմորայ, եւ թագաւորացն որ ընդ նմա էին ի ձորն Շաւէ, այն ինքն է դաշտ թագաւորաց։

ԾՆՈՒՆԴՔ 18:2

Ամբարձեալ զաչս իւր եւ ետես, եւ ահա արք երեք կային ի վերոյ քան զնա. եւ իբրեւ ետես, ընթացաւ ընդ առաջ նոցա ի դրանէ խորանին իւրոյ, եւ երկիր եպագ ի վերայ երկրի

ԾՆՈՒՆԴՔ 46:29

Կազմեաց Յովսէփ զկառս իւր, եւ ել ընդ առաջ Իսրայելի հօր իւրոյ զՔաջաց քաղաքաւն՝՝. եւ իբրեւ յանդիման եղեւ նմա, անկաւ ի վերայ պարանոցի նորա, եւ ելաց ի լալիւն մեծ։

ԵԼՔ 18:7

Ել Մովսէս ընդ առաջ աներոյն իւրոյ, եւ երկիր եպագ նմա եւ համբուրեաց զնա. եւ ողջոյն ետուն միմեանց ի խաղաղութիւն, եւ տարաւ զնոսա ի խորանն։

ՄԱՐԳԱՐԷՈՒԹԻՒՆ ԵՍԱՅԵԱՅ 16:2

Եւ եղիցիս իբրեւ հաւու թռուցելոյ ձագ մնացեալ, դուստր Մովաբացւոց։

ՄԱՐԳԱՐԷՈՒԹԻՒՆ ԵՐԵՄԵԱՅ 48:20

Յամօթ եղեւ Մովաբ, զի խորտակեցաւ. ճչեա եւ աղաղակեա եւ գոյժ տուր յԱռնովն թէ՝ Կորեաւ Մովաբ։

ԹԻՒՔ 22:35

Եւ ասէ հրեշտակն Աստուծոյ ցԲաղաամ. Երթ դու ընդ արսդ ընդ այդոսիկ, բայց բանի զոր ես ասացից քեզ, այնմ զգոյշ լինիջիր խօսելոյ։ Եւ գնաց Բաղաամ ընդ իշխանսն Բաղակայ։

ԹԻՒՔ 22:37

Եւ ասէ Բաղակ ցԲաղաամ. Ո՞չ առաքեցի առ քեզ կոչել զքեզ. ընդէ՞ր ոչ գայիր առ իս. որպէս թէ ո՞չ էի արդեւք կարող պատուել զքեզ։

ԳՈՐԾՔ ԱՌԱՔԵԼՈՑ 28:15

Եւ անտի լուեալ եղբարց զմէնջ՝ ելին ընդ առաջ մեր մինչեւ յՈրգոստայն Ապփեայ եւ Երիցն Կրպակաց. զորս տեսեալ Պաւղոսի գոհացաւ զԱստուծոյ եւ քաջալերեցաւ։

ԵՐԿՐՈՐԴՈՒՄՆ ՕՐԻՆԱՑ 2:24

Արդ արիք չուեցէք եւ անցէք ընդ ձորն Առնովնայ. ահա մատնեցի ի ձեռս քո զՍեհոն արքայ Եսեբոնայ զԱմովրհացի. եւ զերկիր նորա սկսիր ժառանգել, եւ գրգռել ընդ նմա պատերազմ։

ԵՐԿՐՈՐԴՈՒՄՆ ՕՐԻՆԱՑ 3:8

Եւ առաք ի ժամանակին յայնմիկ զերկիրն ի ձեռաց երկուց թագաւորացն Ամովրհացւոց, որ էին յայնկոյս Յորդանանու, յԱռնովնայ մինչեւ ցՀերմոն։

ԴԱՏԱՒՈՐՔ 11:18

Եւ շրջեցաւ ընդ անապատն, եւ պատեցաւ զերկրաւն Եդոմայ եւ զերկրաւն Մովաբայ. եւ եկն առ արեւելիւք երկրին Մովաբու, եւ բանակեցաւ յայնկոյս Առնոնայ, եւ ոչ մտին ի սահմանս Մովաբու. քանզի Առնովն էր սահման Մովաբու։

ԹԱԳԱՒՈՐՈՒԹԵԱՆՑ ԱՌԱՋԻՆ 13:10

Եւ եղեւ իբրեւ կատարեաց մատուցանել զողջակէզսն, եկն Սամուէլ. եւ ել Սաւուղ ընդ առաջ նորա օրհնել զնա։