ԹԻՒՔ 22:31 - Գրաբար Աստվածաշունչ (1895)

³¹ Եւ եբաց Աստուած զաչս Բաղաամու, եւ ետես զհրեշտակն Տեառն ընկիճեալ նմա ի ճանապարհին, եւ սուսեր մերկ ի ձեռին իւրում. եւ անկեալ ի վերայ երեսաց իւրոց երկիր եպագ նմա։

ԹԻՒՔ 22:31 Iomraidhean Croise

ԾՆՈՒՆԴՔ 21:19

Եւ եբաց Աստուած զաչս նորա, եւ ետես ջրհոր ջրոյ կենդանւոյ. եւ չոգաւ ելից զտիկն ջրով եւ արբոյց մանկանն։

ՄՆԱՑՈՐԴԱՑ ԱՌԱՋԻՆ 21:16

Ամբարձ Դաւիթ զաչս իւր եւ ետես զհրեշտակն Տեառն, զի կայր ի մէջ երկնի եւ երկրի, եւ սուրն իւր ձգեալ ի ձեռին իւրում, եւ կարկառեալ ի վերայ Երուսաղեմի. եւ անկան Դաւիթ եւ ծերքն զգեցեալ քուրձս ի վերայ երեսաց իւրեանց։

ԳԻՐՔ ՍԱՂՄՈՍԱՑ 9:20

Արի, Տէր, եւ մի՛ զօրասցի մարդ. դատեսցին հեթանոսք առաջի քո։

ԵԼՔ 34:8

Եւ երագեաց Մովսէս, խոնարհ երկիր՝՝ եպագ եւ ասէ.

ԹԻՒՔ 22:30

Եւ ասէ էշն ցԲաղաամ. Ո՞չ ես այն էշ եմ քո յորում հեծանէիր ի մանկութենէ քումմէ մինչեւ ցայսօր ժամանակի. միթէ յուլանալով յուլացայ՞ ինչ երբեք առնել քեզ այսպէս։ Եւ նա ասէ. Ոչ։

ԹԻՒՔ 24:16

որ լուաւ զպատգամս Աստուծոյ, եւ հմուտ է գիտութեան Բարձրելոյ, եւ զտեսիլ Աստուծոյ ետես ի քուն աչօք իւրովք բացօք.

ԹԻՒՔ 24:4

որ զտեսիլ Աստուծոյ՝՝ ետես ի քուն աչօք իւրովք բացօք.

ԱՒԵՏԱՐԱՆ ԸՍՏ ՂՈՒԿԱՍՈՒ 24:16

Եւ նոցա աչք կալեալ էին առ ի չճանաչելոյ զնա։

ԱՒԵՏԱՐԱՆ ԸՍՏ ՂՈՒԿԱՍՈՒ 24:31

Եւ նոցա բացան աչք եւ ծանեան զնա, եւ նա եղեւ ի նոցանէ աներեւոյթ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 18:6

Իբրեւ ասաց թէ՝ Ես եմ, յետս յետս չոգան եւ զարկան զգետնի։

ԳՈՐԾՔ ԱՌԱՔԵԼՈՑ 26:18

բանալ զաչս նոցա, դարձուցանել ի խաւարէ ի լոյս, եւ յիշխանութենէ Սատանայի՝ յԱստուած. առնուլ նոցա զթողութիւն մեղաց, եւ վիճակ ընդ սուրբս հաւատովքն որ յիս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:13

Եւ եղեւ մինչ էր Յեսու յԵրիքով, ամբարձեալ զաչս իւր ետես զի կայր առաջի նորա այր, եւ սուսեր մերկ ի ձեռին նորա. եւ մատուցեալ Յեսուայ ասէ ցնա. Մե՞ր ես թէ ի թշնամեաց մերոց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 5:14

Եւ նա ասէ ցնա. Ես զօրավար եմ զօրու Տեառն, եւ այժմ եկի։