ԹԻՒՔ 22:18 - Գրաբար Աստվածաշունչ (1895)

¹⁸ Պատասխանի ետ Բաղաամ եւ ասէ ցիշխանսն Բաղակայ. Եթէ տացէ ինձ Բաղակ լի տամբ իւրով արծաթ եւ ոսկի, ոչ կարացից անցանել զբանիւ Տեառն Աստուծոյ՝ առնել զնա փոքր կամ մեծ մտօք իմովք՝՝։

ԹԻՒՔ 22:18 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 13:8

Եւ ասէ այրն Աստուծոյ ցարքայ. Եթէ տացես ինձ զկէս տան քո, ոչ մտից ընդ քեզ, եւ ոչ կերայց հաց, եւ ոչ արբից ջուր ի տեղւոջս յայսմիկ.

ԹԱԳԱՒՈՐՈՒԹԵԱՆՑ ԵՐՐՈՐԴ 22:14

Եւ ասէ Միքիա. Կենդանի է Տէր, եթէ ոչ զոր ինչ ասասցէ ցիս Տէր, զայն խօսեցայց։

ՄՆԱՑՈՐԴԱՑ ԵՐԿՐՈՐԴ 18:13

Եւ ասէ Միքիաս. Կենդանի է Տէր զի զոր ինչ ասասցէ Աստուած ցիս՝ զայն խօսեցայց։

ԳԻՐՔ ՅՈԲԱՅ 3:15

կամ ընդ իշխանս որոց բազում էր ոսկի, որք լցին զտունս իւրեանց արծաթով.

ԹԻՒՔ 22:19

Եւ արդ ագերուք դուք աստ զգիշերս զայս, եւ գիտացից զինչ յաւելցէ Տէր խօսել ընդ իս։

ԹԻՒՔ 22:38

Եւ ասէ Բաղաամ ցԲաղակ. Ահաւասիկ եկի առ քեզ. արդ կարո՞ղ իցեմ խօսել բան ինչ, բայց եթէ զոր արկանիցէ Աստուած ի բերան իմ զայն խօսեցայց։

ԹԻՒՔ 22:8

Եւ ասէ ցնոսա. Ագարուք աստ զայս գիշեր, եւ արարից ձեզ պատասխանի իրացդ ինչ զոր Տէր խօսեսցի ընդ իս։ Եւ ագան իշխանքն Մովաբու առ Բաղաամու։

ԹԻՒՔ 23:26

Պատասխանի ետ Բաղաամ եւ ասէ ցԲաղակ. Ո՞չ խօսեցայ ընդ քեզ բանս եւ ասեմ, թէ՝ Զոր ինչ խօսեսցի ընդ իս Աստուած՝ զայն արարից։

ԹԻՒՔ 24:12

Եւ ասէ Բաղաամ ցԲաղակ. Ո՞չ եւ ընդ հրեշտակսն քո զոր առաքեցեր առ իս՝ խօսեցայ եւ ասացի.

ԹԻՒՔ 24:13

Եթէ տացէ ինձ Բաղակ լի տամբ իւրով արծաթ եւ ոսկի, ոչ կարիցեմ անցանել զբանիւ Տեառն, առնել զայն չար կամ բարի յանձնէ իմմէ. այլ զոր ինչ ասիցէ Աստուած՝ զայն խօսեցայց։

ԳՈՐԾՔ ԱՌԱՔԵԼՈՑ 8:20

Եւ Պետրոս ասէ ցնա. Արծաթ քո ընդ քեզ լիցի ի կորուստ, զի զպարգեւսն Աստուծոյ համարեցար ընչիւք ստանալ։

ԱՌ ՏԻՏՈՍ ԹՈՒՂԹ 1:16

Խոստանան գիտել զԱստուած, եւ գործովք իւրեանց ուրանան. պիղծք եւ անհաւանք եւ յամենայն գործս բարեաց անպիտանք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:10

եւ ոչ կամեցաւ Տէր Աստուած քո կորուսանել՝՝, եւ օրհնելով օրհնեաց զձեզ, եւ ապրեցոյց զձեզ ի ձեռաց նոցա, եւ մատնեաց զնոսա ի ձեռս ձեր՝՝։