ԹԻՒՔ 21:25 - Գրաբար Աստվածաշունչ (1895)

²⁵ Եւ ա՛ռ Իսրայէլ զամենայն քաղաքսն զայնոսիկ. եւ բնակեցաւ Իսրայէլ յամենայն քաղաքս Ամովրհացւոց, յԵսեբոն եւ յամենայն արուարձանեայս նորա.

ԹԻՒՔ 21:25 Iomraidhean Croise

Երգ Երգոց 7:4

պարանոց քո՝ իբրեւ աշտարակ փղոսկրեայ. աչք քո՝ իբրեւ զծովակն Եսեբոնի ի դրունս դստերաց բազմաց՝՝. ռնգունք քո իբրեւ զաշտարակն Լիբանանու, որ դիտէ հանդէպ Դամասկոսի։

ՄԱՐԳԱՐԷՈՒԹԻՒՆ ԵՍԱՅԵԱՅ 15:4

Զի գուժեաց Եսեբոն, եւ Եղէաղէ. մինչեւ Յասսա լսելի եղեն ձայնք նոցա. վասն այսորիկ երկար Մովաբացւոյն գոչէ, եւ անձն իւր ծանիցէ.

ՄԱՐԳԱՐԷՈՒԹԻՒՆ ԵՐԵՄԵԱՅ 48:2

Եւ ոչ եւս իցեն պարծանք Մովաբու յԵսեբոն. խորհեցան ի վերայ նորա չարիս. Եկայք հարցուք զնա յազգէ, եւ լռելով լռեսցէ՝՝, զկնի քո շրջեսցի հուր։

ՄԱՐԳԱՐԷՈՒԹԻՒՆ ԵՐԵՄԵԱՅ 48:34

Յաղաղակէն յԵսեբոնայ մինչեւ յԵղեաղէ եւ մինչեւ ցՅասսա, քաղաքք նոցա,՝՝ ետուն զձայնս իւրեանց, ի Սեգովրայ մինչեւ յՈրովնայիմ, եւ գոյժ ի Սաղեսայ՝՝. զի եւ ջուրն Նեմերիմայ ի տապ խորշակի եղիցի։

ՄԱՐԳԱՐԷՈՒԹԻՒՆ ԵՐԵՄԵԱՅ 48:45

Եւ յարկսն Եսեբոնայ հասին փախուցեալք յորոգայթէն. զի հուր ել յԵսեբոնայ, եւ բոց ի քաղաքէն Սեհոնայ, եւ եկեր զիշխանս Մովաբայ, եւ քննեաց զորդիսն Ամոնայ՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:46

եւ քոյր ձեր երէց՝ Շամրին, ինքն եւ դստերք իւր որ բնակեալ է ի ձախմէ քումմէ. եւ քոյր քո կրտսեր՝ որ բնակեալ է ընդ աջմէ քումմէ՝ Սոդոմ եւ դստերք իւր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:49

Բայց այս էր անօրէնութիւն Սոդոմայ քեռ քո. ամբարտաւանութիւն, ի լիութեան հացի եւ յղփութեան գինւոյ՝ փափկանայր ինքն եւ դստերք իւր. այնու առաւել էր ինքն եւ դստերք իւր՝՝, եւ ձեռն յաղքատն եւ ի տնանկն ոչ կարկառէին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:53

Եւ դարձուցից զդարձուածս նոցա, զդարձուածս՝՝ Սոդոմայ եւ զդստերաց իւրոց, եւ դարձուցից զդարձուածս՝՝ Շամրնի եւ զդստերաց նորա, եւ դարձուցից զդարձուածս քո՝՝ ի միջի նոցա.

ՄԱՐԳԱՐԷՈՒԹԻՒՆ ԱՄՈՎՍԱՅ 2:10

Եւ ես հանի զձեզ յերկրէն Եգիպտացւոց, եւ շրջեցուցի զձեզ յանապատ ամս քառասուն՝ ժառանգեցուցանել զերկիրն Ամովրհացւոց։

ԹԻՒՔ 21:26

քանզի Եսեբոն էր քաղաք Սեհոնի արքայի Ամովրհացւոց. եւ նա նախ ետ պատերազմ ընդ արքային Մովաբու, եւ առ զամենայն երկիրն նորա յԱրոյերայ՝՝ մինչեւ ցԱռնոն։

ԹԻՒՔ 21:31

Եւ բնակեաց Իսրայէլ յամենայն քաղաքս՝՝ Ամովրհացւոց։

ԹԻՒՔ 32:3

Ատարովթ եւ Դեբոն եւ Յազեր եւ Նեմբրա եւ Եսեբոն եւ Եղէաղէ եւ Սեբամա եւ Նաբաւ եւ Բէան,

ԵՐԿՐՈՐԴՈՒՄՆ ՕՐԻՆԱՑ 2:12

Եւ ի Սէիր նախ բնակեալ էր Քոռեցին. եւ որդիքն Եսաւայ կորուսին զնոսա, եւ սատակեցին զնոսա յերեսաց իւրեանց, եւ բնակեցան փոխանակ նոցա. զոր օրինակ արար Իսրայէլ զերկիր ժառանգութեան իւրոյ զոր ետ նոցա Տէր։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:8

Եւ ած զձեզ յերկիրն Ամովրհացւոց բնակելոց յայնկոյս Յորդանանու, եւ ետուն ընդ ձեզ պատերազմ. եւ մատնեաց զնոսա Տէր՝՝ ի ձեռս ձեր, եւ ժառանգեցէք զերկիրն նոցա, եւ սատակեցէք զնոսա յերեսաց ձերոց։

ԴԱՏԱՒՈՐՔ 11:26

ի բնակելն Իսրայելի յԵսեբոն եւ ի դստերս նորա, եւ յԱրոյէր եւ ի դստերս նորա, եւ յամենայն քաղաքս որ առ եզերբ Յորդանանու ամս երեք հարեւր. զի՞ է զի ոչ թափեցին զնոսա ի ժամանակին յայնմիկ։