ԹԻՒՔ 21:13 - Գրաբար Աստվածաշունչ (1895)

¹³ Եւ անտի չուեալ բանակեցան յայնկոյս Առնովնայ յանապատին՝ առ ելիւք սահմանացն Ամովրհացւոց. քանզի Առնովն սահման է Մովաբացւոց, ընդ Մովաբացին եւ ընդ Ամովրհացին։

ԹԻՒՔ 21:13 Iomraidhean Croise

ՄԱՐԳԱՐԷՈՒԹԻՒՆ ԵՍԱՅԵԱՅ 16:2

Եւ եղիցիս իբրեւ հաւու թռուցելոյ ձագ մնացեալ, դուստր Մովաբացւոց։

ՄԱՐԳԱՐԷՈՒԹԻՒՆ ԵՐԵՄԵԱՅ 48:20

Յամօթ եղեւ Մովաբ, զի խորտակեցաւ. ճչեա եւ աղաղակեա եւ գոյժ տուր յԱռնովն թէ՝ Կորեաւ Մովաբ։

ԹԻՒՔ 21:14

Վասն այնորիկ ասի ի գրի, Պատերազմ Տեառն. ԶԶովոբ հրձիգ արար եւ զձորն Առնովնայ,

ԹԻՒՔ 22:36

Եւ լուեալ Բաղակայ եթէ գայ Բաղաամ, ել նմա ընդ առաջ ի քաղաքն Մովաբու որ է ի սահմանս Առնոնայ յեզեր միում սահմանացն։

ԵՐԿՐՈՐԴՈՒՄՆ ՕՐԻՆԱՑ 2:13

Եւ արդ արիք չուեցէք եւ անցէք ընդ ձորն Զարեդ։

ԵՐԿՐՈՐԴՈՒՄՆ ՕՐԻՆԱՑ 2:18

Դու անցանես այսօր առ սահմանօք Մովաբու ի Սէիր,

ԵՐԿՐՈՐԴՈՒՄՆ ՕՐԻՆԱՑ 2:24

Արդ արիք չուեցէք եւ անցէք ընդ ձորն Առնովնայ. ահա մատնեցի ի ձեռս քո զՍեհոն արքայ Եսեբոնայ զԱմովրհացի. եւ զերկիր նորա սկսիր ժառանգել, եւ գրգռել ընդ նմա պատերազմ։

ԴԱՏԱՒՈՐՔ 11:18

Եւ շրջեցաւ ընդ անապատն, եւ պատեցաւ զերկրաւն Եդոմայ եւ զերկրաւն Մովաբայ. եւ եկն առ արեւելիւք երկրին Մովաբու, եւ բանակեցաւ յայնկոյս Առնոնայ, եւ ոչ մտին ի սահմանս Մովաբու. քանզի Առնովն էր սահման Մովաբու։