ԹԻՒՔ 20:20 - Գրաբար Աստվածաշունչ (1895)

²⁰ Եւ նա ասէ. Ոչ անցցես ընդ իս։ Եւ ել Եդովմ ընդդէմ նոցա ծանր ամբոխիւ եւ հզօր ձեռամբ։

ԹԻՒՔ 20:20 Iomraidhean Croise

ԾՆՈՒՆԴՔ 27:41

Եւ պահէր Եսաւ ոխս Յակոբայ վասն օրհնութեանն զոր օրհնեաց զնա հայր իւր. եւ ասէր Եսաւ ի մտի իւրում. Մերձեսցին աւուրք կարեաց հօր իմոյ, զի սպանից զՅակոբ զեղբայր իմ։

ԾՆՈՒՆԴՔ 32:6

Եւ դարձեալ հրեշտակացն առ Յակոբ՝ ասեն. Չոգաք առ Եսաւ եղբայր քո, եւ գայ ընդ առաջ քո, եւ չորեք հարեւր այր ընդ նմա։

ԳԻՐՔ ՍԱՂՄՈՍԱՑ 120:7

Տէր պահեսցէ զքեզ յամենայն չարէ, պահեսցէ Տէր զանձն քո։

ՄԱՐԳԱՐԷՈՒԹԻՒՆ ԱՄՈՎՍԱՅ 1:11

Այսպէս ասէ Տէր. Ի վերայ երից ամպարշտութեանցն Եդովմայ, եւ ի վերայ չորիցն՝ ոչ դարձայց ի նոցանէ. փոխանակ զի հալածեաց սրով զեղբայր իւր, եւ ապականեաց զեղբայր յերկրի. եւ յափշտակեաց ի վկայութիւն զսոսկումն իւր, եւ զյանդգնութիւն իւր պահեաց ի հակառակութիւն՝՝։

ԹԻՒՔ 20:18

Եւ ասէ ցնա Եդովմ. Մի՛ անցցես ընդ իս, ապա թէ ոչ՝ պատերազմաւ ելից ընդդէմ քո։

ԹԻՒՔ 20:21

Եւ ոչ կամեցաւ Եդովմ տալ անց Իսրայելի ընդ սահմանս իւր. եւ խոյս ետ Իսրայէլ ի նմանէ։

ԴԱՏԱՒՈՐՔ 11:17

եւ առաքեաց Իսրայէլ հրեշտակս առ արքայ Եդոմայ եւ ասէ. Թող անցից ընդ երկիր քո։ Եւ ոչ անսաց արքայն Եդոմայ. եւ առաքեաց առ արքայն Մովաբու. եւ ոչ կամեցաւ. եւ նստաւ Իսրայէլ ի Կադէս։

ԴԱՏԱՒՈՐՔ 11:20

Եւ ոչ կամեցաւ Սեհոն զԻսրայէլ անցանել ընդ սահմանս իւր։ Եւ ժողովեաց Սեհոն զամենայն ժողովուրդ իւր, եւ բանակեցաւ յԱսսա. եւ ետ պատերազմ ընդ Իսրայելի։