ԹԻՒՔ 20:1 - Գրաբար Աստվածաշունչ (1895)

¹ Եւ եկին որդիքն Իսրայելի ամենայն ժողովրդեամբն յանապատն Սինայի, յառաջնում ամսեանն. եւ բանակեցաւ ժողովուրդն ի Կադէս. եւ վախճանեցաւ անդ Մարիամ, եւ անդ թաղեցաւ։

ԹԻՒՔ 20:1 Iomraidhean Croise

ԾՆՈՒՆԴՔ 14:7

Եւ դարձան եկին յաղբեւրն դատաստանի, այն ինքն է Կադէս, եւ կոտորեցին զամենայն իշխանս Ամաղեկայ, եւ զԱմովրհացին զբնակեալն յԱսասանթամար։

ԳԻՐՔ ՍԱՂՄՈՍԱՑ 29:8

Տէր, ի կամս քո ետուր գեղոյ իմոյ զօրութիւն, դարձուցեր զերեսս քո յինէն՝ եւ ես եղէ խռովեալ։

ԵԼՔ 15:20

Եւ առ Մարիամ մարգարէ քոյրն Ահարոնի զթմբուկն ի ձեռն իւր, եւ ելին ամենայն կանայք զհետ նորա թմբկօք եւ պարուք։

ԵԼՔ 2:4

Եւ դիտէր քոյրն նորա ի հեռաստանէ՝ տեսանել թէ զինչ անցք անցանիցեն ընդ նա։

ԵԼՔ 2:7

Եւ ասէ քոյրն նորա ցդուստրն փարաւոնի. Կամի՞ս զի կոչեցից քեզ կին մի դայեակ ի Հեբրայեցւոց անտի, եւ սնուցանիցէ քեզ զմանուկդ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:19

Եւ ընդ հարաւ, առ հարաւով ի Թեմանայ եւ յարմաւաստանէ մինչեւ ի ջուրն Մարիբովթ Կադէս՝՝ որ ձգի ի ծովն մեծ. այս բաժին հարաւային, եւ առ հարաւով։

ՄԱՐԳԱՐԷՈՒԹԻՒՆ ՄԻՔԻԱՅ 6:4

Փոխանակ զի հանի զքեզ յերկրէն Եգիպտացւոց, եւ ի տանէ ծառայութեան փրկեցի զքեզ, եւ առաքեցի առաջի քո զՄովսէս եւ զԱհարոն եւ զՄարիամ։

ԹԻՒՔ 12:1

Եւ բամբասեցին Մարիամ եւ Ահարոն զՄովսէս վասն կնոջն Եթէովպացւոյ զոր ա՛ռ Մովսէս. զի կին Եթէովպացի առ.

ԹԻՒՔ 12:10

Եւ ամպն վերացաւ ի խորանէ անտի, եւ ահա Մարիամ բորոտեալ էր իբրեւ զձիւն. եւ հայեցաւ Ահարոն ընդ Մարիամ, եւ ահա բորոտեալ էր։

ԹԻՒՔ 12:15

Եւ զատուցաւ Մարիամ արտաքոյ բանակին զեւթն օր. եւ ժողովուրդն ոչ չուեաց, մինչեւ սրբեցաւ Մարիամ։

ԹԻՒՔ 13:21

եւ զի՞նչ իցէ երկիրն, պարա՞րտ իցէ եթէ տկար. եթէ իցէ՞ ի նմա ծառատունկ եթէ ոչ։ Եւ ժրասջիք, առջիք ի պտղոյ երկրին։ Եւ աւուրք գարնայնոյ էին աւուրքն՝՝ խայծուածոյ խաղողոյ։

ԹԻՒՔ 13:26

Եւ դարձան անդրէն որդիքն Իսրայելի՝՝ լրտեսեալ զերկիրն յետ աւուրց քառասնից.

ԹԻՒՔ 20:16

Եւ բողոքեցաք առ Տէր, եւ լուաւ Տէր ձայնի մերում. եւ առաքեալ հրեշտակ՝ եհան զմեզ յԵգիպտոսէ. եւ արդ եմք մեք ի Կադէս քաղաքի, ի կողմն մի սահմանաց քոց.

ԹԻՒՔ 20:22

Եւ չուեցին ի Կադեսայ, եւ եկին որդիքն Իսրայելի ամենայն ժողովրդեամբն ի Հովր լեառն։

ԹԻՒՔ 20:28

Եւ մերկացոյց յԱհարոնէ զհանդերձս նորա, եւ զգեցոյց զնոսա Եղիազարու որդւոյ նորա. եւ մեռաւ Ահարոն ի գլուխ լերինն. եւ իջին Մովսէս եւ Եղիազար ի լեռնէ անտի։

ԹԻՒՔ 26:59

Եւ անուն կնոջ նորա Յովքաբեթ՝ դուստր Ղեւեայ, որ ծնաւ զսոսա Ղեւեայ յԵգիպտոս. եւ ծնաւ Ամրամայ զԱհարոն, եւ զՄովսէս, եւ զՄարիամ քոյր նոցա։

ԹԻՒՔ 27:14

Վասն զի անցէք զբանիւ իմով յանապատին ի Սին ի հակառակել ժողովրդեանն առ ի սուրբ առնելոյ զիս եւ ոչ արարէք զիս սուրբ՝՝ ի վերայ ջրոցն յանդիման նոցա. այն է Ջուր հակառակութեան յանապատին ի Սին։

ԹԻՒՔ 33:36

Չուեցին ի Գեսիոնգաբերայ, եւ բանակեցան յանապատին ի Սին. չուեցին ի Սինն անապատէ, եւ բանակեցան յանապատին Փառանու,՝՝ այն է Կադէս։

ԵՐԿՐՈՐԴՈՒՄՆ ՕՐԻՆԱՑ 1:46

Եւ նստայք ի Կադէս աւուրս բազումս, որչափ աւուրս երբեմն նստայք անդր։

ԵՐԿՐՈՐԴՈՒՄՆ ՕՐԻՆԱՑ 2:14

Եւ աւուրք որչափ անկան մեզ ի գնալն մեզ ի Կադեսբառնեայ մինչեւ անցաք ընդ ձորն Զարեդ, երեսուն եւ ութ ամ. մինչեւ անկաւ ամենայն ազգ արանց պատերազմողաց ի բանակէ անտի, որպէս երդուաւ նոցա Աստուած։

ԵՐԿՐՈՐԴՈՒՄՆ ՕՐԻՆԱՑ 32:51

փոխանակ զի հեստեցէք բանին իմոյ ի մէջ որդւոցն Իսրայելի ի վերայ ջուրցն Հակառակութեան ի Կադէս, յանապատին ի Սին. զի ոչ սրբեցէք զիս ի մէջ որդւոցն Իսրայելի։

ԴԱՏԱՒՈՐՔ 11:16

այլ գնաց Իսրայէլ ընդ անապատն մինչեւ ցծովն Կարմիր, եւ եկն մինչեւ ցԿադէս.