ԹԻՒՔ 18:20 - Գրաբար Աստվածաշունչ (1895)

²⁰ Եւ խօսեցաւ Տէր ընդ Ահարոնի եւ ասէ. Յերկրի նոցա մի՛ ժառանգեսցես, եւ բաժին քո ընդ նոսա մի՛ լիցի, զի ես եմ բաժին քո եւ ժառանգութիւն ի մէջ որդւոցն Իսրայելի։

ԹԻՒՔ 18:20 Iomraidhean Croise

ԾՆՈՒՆԴՔ 15:1

Յետ բանիցս այսոցիկ եղեւ բան Տեառն առ Աբրամ ի տեսլեան, եւ ասէ. Մի՛ երկնչիր, Աբրամ, ես վերակացու եղէց քեզ, եւ վարձք քո բազում եղիցին յոյժ։

ԳԻՐՔ ՍԱՂՄՈՍԱՑ 142:5

Յիշեցի զաւուրսն զառաջինս, խորհեցայ յամենայն ի գործս քո. յարարածս ձեռաց քոց խորհեցայ։

ԳԻՐՔ ՍԱՂՄՈՍԱՑ 16:5

Հաստատեա զշաւիղս իմ ի ճանապարհի քում, զի մի՛ գայթակղեսցին գնացք իմ։

ՈՂԲՔ 3:24

Ասաց անձն իմ. Բայ, բաժին իմ է Տէր, վասն այնորիկ ակն կալայց նմա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:28

Եւ ոչ՝՝ եղիցի նոցա ժառանգութիւն, զի ես եմ նոցա ժառանգութիւն. եւ կալուածք մի՛ տացին նոցա ի մէջ որդւոցն Իսրայելի, զի ես եմ նոցա ժառանգութիւն։

ԹԻՒՔ 18:7

Եւ դու եւ որդիք քո ընդ քեզ պահեսջիք զքահանայութիւն ձեր ըստ ամենայն պայմանի սեղանոյն, եւ զներքին կողմն վարագուրին, եւ պաշտեսջիք զպաշտօն քահանայութեան ձերոյ. եւ այլազգին որ մերձենայցէ՝ մեռցի։

ԹԻՒՔ 26:62

Եւ եղեն ի հանդիսէն իւրեանց քսան եւ երեք հազարք, ամենայն արու յամսօրէից եւ ի վեր. քանզի ոչ անցին ի հանդիսի ի մէջ որդւոցն Իսրայելի, զի ոչ էր նոցա տուեալ վիճակ ի մէջ որդւոցն Իսրայելի։

ԵՐԿՐՈՐԴՈՒՄՆ ՕՐԻՆԱՑ 10:9

Վասն այնորիկ ոչ գոյ Ղեւտացւոցն բաժին եւ ժառանգութիւն ի մէջ եղբարց իւրեանց, զի Տէր ինքնին է մասն եւ ժառանգութիւն նոցա, որպէս եւ ասաց նոցա։

ԵՐԿՐՈՐԴՈՒՄՆ ՕՐԻՆԱՑ 12:12

եւ ուրախ լինիջիք առաջի Տեառն Աստուծոյ մերոյ, դուք եւ ուստերք ձեր եւ դստերք ձեր եւ ծառայք ձեր եւ աղախնայք ձեր, եւ Ղեւտացին որ ի դրունս ձեր, զի ոչ գոյ նորա բաժին եւ ոչ ժառանգութիւն ընդ ձեզ։

ԵՐԿՐՈՐԴՈՒՄՆ ՕՐԻՆԱՑ 14:27

եւ Ղեւտացին որ ի քաղաքս քո, մի՛ թողուցուս զնա, զի ոչ գոյ նորա բաժին եւ ոչ ժառանգութիւն ընդ քեզ։

ԵՐԿՐՈՐԴՈՒՄՆ ՕՐԻՆԱՑ 14:29

եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:14

Բայց ցեղին Ղեւեայ ոչ տուաւ բաժին եւ ժառանգութիւն. զի Տէր Աստուած Իսրայելի է նոցա ժառանգութիւն որպէս ասաց նոցա Տէր։ Եւ այս են բաժինք զոր բաժանեաց Մովսէս որդւոցն Իսրայելի, յՌաբովթ Մովաբ յայնկոյս Յորդանանու յանդիման Երեքոյի։՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:33

Եւ ցեղին Ղեւեայ ոչ ետ Մովսէս ժառանգութիւն. զի Տէր Աստուած Իսրայելի ինքնին է ժառանգութիւն նոցա, որպէս խօսեցաւ ընդ նոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:3

Քանզի ետ Մովսէս ժառանգութիւն երկուց ցեղիցն եւ կիսոյ ցեղին յայնկոյս Յորդանանու, եւ Ղեւտացւոցն ոչ ետ ժառանգութիւն ի մէջ նոցա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:7

Զի ոչ գոյ ընդ ձեզ բաժին որդւոցն Ղեւեայ, զի քահանայութիւն Տեառն է բաժին նորա. եւ Գադ եւ Ռուբէն եւ կէս ցեղին Մանասէի առին զժառանգութիւն իւրեանց յայնկոյս Յորդանանու յարեւելս, զոր ետ նոցա Մովսէս ծառայ Տեառն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:3

Եւ լուայ ձայն յերկնից որ ասէր. Ահաւասիկ խորանն Աստուծոյ ի մէջ մարդկան, եւ բնակեսցէ ընդ նոսա. եւ նոքա ժողովուրդ նմա. եւ սա Աստուած նոցա։