ԹԻՒՔ 15:39 - Գրաբար Աստվածաշունչ (1895)

³⁹ եւ լինիցի այն ձեզ ի ծոպսն, եւ տեսանիցէք զայն եւ յիշիցէք զամենայն զպատուիրանս Տեառն առնել զնոսա. եւ ոչ խոտորիցիք զկնի մտաց եւ աչաց ձերոց, որով դուքն պոռնկիք զկնի նոցա.

ԹԻՒՔ 15:39 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 12:33

եւ ել ի սեղանն զոր արար ի Բեթէլ, որ օր հնգետասան էր ամսոյն ութերորդի ի տօնին զոր ստեղծ ի սրտէ իւրմէ, եւ արար տօնս որդւոցն Իսրայելի, ել ի սեղանն զոհել։

ԳԻՐՔ ՅՈԲԱՅ 31:7

Եթէ թիւրեցաւ ոտն իմ ի ճանապարհէ, եթէ չոգաւ սիրտ իմ զկնի ական իմոյ, եթէ հպեցայ ձեռօք իմովք ի կաշառս,

ԳԻՐՔ ՍԱՂՄՈՍԱՑ 106:39

Նուազեցան նոքա եւ չարչարեցան, ի նեղութենէ չարեաց եւ ի վշտաց։

ԵԼՔ 13:9

Եւ եղիցի քեզ նշան ի վերայ ձեռին քո, եւ յիշատակ առաջի աչաց քոց, զի լինիցին օրէնք Տեառն ի բերանի քում. զի հզօր ձեռամբ եհան զքեզ Տէր յԵգիպտոսէ։

ԱՌԱԿՔ ՍՈՂՈՄՈՆԻ 28:26

Որ յուսացեալ է ի յանդգնութիւն սրտի՝՝ նա անզգամ է, իսկ որ գնայ իմաստութեամբ՝ ապրեսցի։

ԱՌԱԿՔ ՍՈՂՈՄՈՆԻ 3:1

Որդեակ, զօրէնս իմ մի՛ մոռանար, եւ զբանս իմ պահեսցես ի սրտի քում,

ԺՈՂՈՎՕՂ 11:9

Ուրախ լեր, երիտասարդ, ի մանկութեան քում, եւ զուարճացուսցէ զքեզ սիրտ քո յաւուրս մանկութեան քո. եւ գնա դու ի ճանապարհս սրտի քո ամբիծ, եւ ի տեսիլ աչաց քոց. եւ գիտասցես թէ վասն այսր ամենայնի ածցէ զքեզ Աստուած ի դատաստան։

ՄԱՐԳԱՐԷՈՒԹԻՒՆ ԵՐԵՄԵԱՅ 9:14

եւ գնացին զհետ հաճոյից սրտից իւրեանց չարաց, եւ զհետ կռոցն՝՝ զոր ցուցին նոցա հարքն նոցա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 6:9

Եւ յիշեսցեն զիս ապրեալքն ձեր ի մէջ ազգաց ուր գերեցան ի նոսա. զի երդուայ ես՝՝ սրտի նոցա շնացելոյ եւ ապստամբելոյ յինէն, եւ աչաց նոցա պոռնկացելոց զհետ գնացիցն իւրեանց, եւ կոծեսցին յերեսս իւրեանց, վասն չարեացն զոր արարին յամենայն գարշելիսն իւրեանց եւ յամենայն ի գնացս իւրեանց՝՝։

ՄԱՐԳԱՐԷՈՒԹԻՒՆ ՈՎՍԵԱՅ 2:2

Դատեցարուք ընդ մօր ձերում, դատեցարուք, զի այն ոչ է իմ կին, եւ ես ոչ եմ այր նորա. եւ բարձից զպոռնկութիւն նորա յերեսաց իմոց, եւ զշնութիւն նորա՝՝ ի միջոյ ստեանց իւրոց։

ԵՐԿՐՈՐԴՈՒՄՆ ՕՐԻՆԱՑ 29:19

եւ եղիցի եթէ լուիցէ զպատգամս նզովիցս այսոցիկ, եւ խոկասցի ի սրտի իւրում եւ ասիցէ. Քաւութիւնք եղիցին՝՝ ինձ, եթէ ես ըստ մոլորութեան սրտի իմոյ գնայցեմ. զի մի՛ կորուսանիցէ մեղաւորն զանմեղն՝՝.

ԵՐԿՐՈՐԴՈՒՄՆ ՕՐԻՆԱՑ 4:23

Զգոյշ լերուք գուցէ մոռանայցէք զուխտն Տեառն Աստուծոյ մերոյ զոր ուխտեաց ընդ ձեզ, եւ առնիցէք ձեզ դրօշեալ, նմանութիւն յամենայնէ յորոց պատուիրեաց քեզ Տէր Աստուած քո։

ԵՐԿՐՈՐԴՈՒՄՆ ՕՐԻՆԱՑ 6:12

զգոյշ լինիջիր անձին քում, գուցէ մոռանայցես զՏէր Աստուած քո՝՝ որ եհան զքեզ յերկրէն Եգիպտացւոց ի տանէ ծառայութեան։

ԵՐԿՐՈՐԴՈՒՄՆ ՕՐԻՆԱՑ 8:11

Հայեաց յանձն քո, գուցէ մոռանայցես զՏէր Աստուած քո՝ չպահել զպատուիրանս նորա եւ զդատաստանս եւ զիրաւունս նորա զոր ես քեզ պատուիրեմ։

ԵՐԿՐՈՐԴՈՒՄՆ ՕՐԻՆԱՑ 8:14

հպարտանայցես ի սրտի քում, եւ մոռասցիս զՏէր Աստուած քո որ եհան զքեզ յերկրէն Եգիպտացւոց ի տանէ ծառայութեան,

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 4:4

Շնացողք, ո՞չ գիտէք զի սէր աշխարհիս թշնամութիւն է առ Աստուած. զի որ ոք կամիցի սիրել զաշխարհ, թշնամի առնէ զանձն Աստուծոյ։