ԹԻՒՔ 15:29 - Գրաբար Աստվածաշունչ (1895)

²⁹ Բնակին որդւոցն Իսրայելի եւ եկին յեցելոյ ի նոսա՝ օրէն մի եւ նոյն կացցէ որ ինչ առնիցէ ոք ակամայ։

ԹԻՒՔ 15:29 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 8:41

Եւ օտարոտին որ ոչ իցէ ի ժողովրդենէ քումմէ Իսրայելէ, եւ նա եկեալ իցէ յերկրէ հեռաստանէ,

ԵԼՔ 12:49

Օրէն՝ մի եւ նոյն կացցէ բնակին եւ եկին որ գայցէ մերձենալ ի ձեզ։

ՂԵՒՏԱԿԱՆ 16:29

Եւ եղիցի ձեզ այն օրէն յաւիտենական, յամսեանն եւթներորդի ի տասն ամսոյն, լլկեսջիք զանձինս ձեր, եւ զամենայն գործ մի՛ գործիցէք. բնակն եւ պանդուխտն որ յեցեալ իցէ ի ձեզ։

ՂԵՒՏԱԿԱՆ 17:15

Եւ ամենայն անձն որ ուտիցէ զմեռելոտի կամ զգազանաբեկ, ի բնակաց կամ ի պանդխտաց, ողողեսցէ զհանդերձս իւր, եւ լուասցէ զմարմին իւր, եւ պիղծ լիցի մինչեւ ցերեկոյ, եւ ապա սուրբ լիցի.

ՂԵՒՏԱԿԱՆ 4:2

Խօսեաց դու ընդ որդիսդ Իսրայելի եւ ասասցես. Անձն եթէ մեղիցէ առաջի Տեառն՝՝ ակամայ յամենայն հրամանաց Տեառն յորոց չէ արժան առնել եւ առնիցէ ինչ ի նոցանէ։

ԹԻՒՔ 15:15

Օրէն՝՝ մի եւ նոյն կացցէ ձեր եւ եկացն որ յարիցին ի ձեզ. օրէն յաւիտեանական յազգս ձեր. որպէս եւ դուքն իցէք, եւ եկն լինիցի առաջի Տեառն։

ԹԻՒՔ 15:28

եւ քաւեսցէ քահանայն ի վերայ անձին ակամայացելոյ եւ մեղուցելոյ առաջի Տեառն ակամայ, քաւել վասն նորա։

ԹԻՒՔ 15:30

Եւ անձն որ առնիցէ ձեռամբ հպարտութեան ի բնակաց կամ յեկաց, բարկացոյց նա զՏէր, սատակեսցի անձն այն ի ժողովրդենէ իւրմէ։

ԹԻՒՔ 9:14

Եւ եթէ յարեսցի ի ձեզ եկ ոք յերկրին ձերում, եւ առնիցէ զզատիկն Տեառն, ըստ օրինակի զատկին եւ ըստ պայմանի իւրում արասցէ զնա. օրէն՝ մի եւ նոյն կացցէ ձեզ, եկին եւ բնակի երկրին։

ԱՒԵՏԱՐԱՆ ԸՍՏ ՂՈՒԿԱՍՈՒ 12:48

Եւ որ ոչն գիտիցէ եւ արժանի գանի ինչ գործիցէ, արբցէ գան սակաւ. ամենայն որում շատ տուաւ, շատ խնդրեսցի ի նմանէ, եւ որում բազում աւանդեցաւ, առաւել եւս պահանջեսցեն ի նմանէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:33

Եւ ամենայն Իսրայէլ, եւ ծերք նոցա եւ դատաւորք նոցա եւ դպիրք նոցա, երթային աստի անտի հանդէպ տապանակին, եւ քահանայքն Ղեւտացիք բարձին զտապանակ ուխտին Տեառն, եւ եկն եւ բնակ. եւ էին կէսք ի նոցանէ մերձ ի լեառն Գարիզին, եւ կէսք ի նոցանէ մերձ ի լեառն Գեբաղ, որպէս պատուիրեաց Մովսէս ծառայ Տեառն՝ օրհնել նախ զժողովուրդն։