ԹԻՒՔ 15:24 - Գրաբար Աստվածաշունչ (1895)

²⁴ եւ եղիցի եթէ յաչաց ժողովրդեանն վրիպիցի ակամայ ինչ, արասցէ ժողովուրդն զուարակ մի յանդւոյ անարատ յողջակէզ ի հոտ անուշից Տեառն. եւ զոհ ըստ նմին եւ նուէր ըստ նմին պայմանի, եւ նոխազ մի յայծեաց վասն մեղաց։

ԹԻՒՔ 15:24 Iomraidhean Croise

ԵԶՐ 6:17

Եւ մատուցանէին ի նաւակատիս տանն Տեառն զուարակս հարեւր, խոյս երկերիւր, գառինս չորեքհարեւր, եւ ամիկս յայծեաց վասն մեղաց ամենայն Իսրայելի՝ երկոտասան, ըստ թուոյ ցեղիցն Իսրայելի։

ԵԶՐ 8:35

Որք եկեալ էին ի գերութենէն որդիք պանդխտութեան, մատուցին ողջակէզս Տեառն Աստուծոյ Իսրայելի, զուարակս երկոտասան վասն ամենայն Իսրայելի, խոյս իննսուն եւ վեց, գառինս եւթանասուն եւ եւթն, ամիկս վասն մեղաց երկոտասան. զայս ամենայն ողջակէզս մատուցին Տեառն Աստուծոյ։

ՂԵՒՏԱԿԱՆ 23:19

Եւ առնիցէք նոխազ մի՛ յայծեաց վասն մեղաց, եւ երկուս գառինս տարեւորս ի զոհ խաղաղականաց ընդ պանից առաջնոց արմտեացն՝՝։

ՂԵՒՏԱԿԱՆ 4:2

Խօսեաց դու ընդ որդիսդ Իսրայելի եւ ասասցես. Անձն եթէ մեղիցէ առաջի Տեառն՝՝ ակամայ յամենայն հրամանաց Տեառն յորոց չէ արժան առնել եւ առնիցէ ինչ ի նոցանէ։

ՂԵՒՏԱԿԱՆ 4:22

Եւ եթէ իշխանն մեղիցէ, եւ արասցէ մի ինչ ի պատուիրանաց Տեառն Աստուծոյ որ ոչ առնիցի, եւ յանցանիցէ ակամայ,

ՂԵՒՏԱԿԱՆ 4:23

եւ յայտնեսցի նմա մեղքն զոր մեղաւ, մատուսցէ զպատարագն իւր նոխազ յայծեաց՝ արու անարատ.

ՂԵՒՏԱԿԱՆ 5:15

Անձն որ թէ վրիպեսցի եւ մեղիցէ ակամայ ի սրբութեանց անտի Տեառն՝ մատուսցէ վասն յանցանացն իւրոց Տեառն խոյ անարատ յօդեաց՝ գնոց արծաթոյ ի յիսուն սկեղէ՝՝ ըստ սրբութեան սկեղն, վասն որոյ յանցուցեալն իցէ։

ՂԵՒՏԱԿԱՆ 5:18

ածցէ խոյ անարատ ի խաշանց գնոց արծաթոյ՝՝ վասն յանցութեանն՝ առ քահանայն. եւ քաւեսցէ վասն նորա քահանայն վասն անգիտութեանն զոր անգիտացաւ եւ ինքն ոչ գիտէր, եւ թողցի նմա.

ԹԻՒՔ 15:23

որպէս հրաման ետ ձեզ Տէր ի ձեռն Մովսիսի, յօրէ յորմէ հրաման ետ ձեզ Տէր եւ յառ յապա ժամանակս յազգս ձեր.

ԹԻՒՔ 15:26

եւ թողցի ամենայն ժողովրդեան որդւոցն Իսրայելի, եւ եկին յեցելոյ ի ձեզ. զի ամենայն ժողովրդեանն է ակամայն։

ԹԻՒՔ 28:15

Եւ նոխազ մի յայծեաց Տեառն վասն մեղաց իւրեանց ի վերայ հանապազորդ ողջակիզին առնիցի, եւ նուէրն նորա։