ԹԻՒՔ 14:2 - Գրաբար Աստվածաշունչ (1895)

² Եւ տրտնջեաց ժողովուրդն՝՝ զՄովսիսէ եւ զԱհարոնէ, ամենայն որդիքն Իսրայելի. եւ ասէ ցնոսա ամենայն ժողովուրդն. Լաւ էր եթէ մեռեալ էաք յերկրին Եգիպտացւոց. կամ թէ աստէն յանապատի աստ իսկ մեռանէաք։

ԹԻՒՔ 14:2 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 19:4

Եւ ինքն գնաց յանապատ աւուր միոյ ճանապարհ, եւ չոգաւ եւ նստաւ ընդ բեւեկնեաւ. եւ խնդրեաց մահ անձին իւրոյ, եւ ասէ. Շատ է արդ, Տէր, ա՛ռ զոգի իմ յինէն, Տէր՝՝. զի ոչ եմ ես լաւ քան զհարս իմ։

ԳԻՐՔ ՅՈԲԱՅ 3:11

Իսկ ընդէ՞ր յորովայնի ոչ վախճանեցայ, այլ ելի յարգանդէ եւ ոչ անդէն վաղվաղակի կորեայ։

ԳԻՐՔ ՍԱՂՄՈՍԱՑ 106:24

Նոքա տեսին զգործս Տեառն, եւ զսքանչելիս նորա ի խորս անդնդոց։

ԳԻՐՔ ՍԱՂՄՈՍԱՑ 106:25

Ասաց՝ եւ յարեաւ հողմ եւ մրրիկ, եւ բարձրացան ալիք նորա։

ԵԼՔ 14:11

Եւ ասեն ցՄովսէս. Իբրեւ թէ ո՞չ գոյին գերեզմանք յերկրին Եգիպտացւոց, հաներ զմեզ սպանանել յանապատի աստ. զի՞նչ գործեցեր զայս ընդ մեզ, զի հաներ զմեզ յԵգիպտոսէ։

ԵԼՔ 15:24

Եւ տրտնջեաց ժողովուրդն զՄովսիսէ եւ ասեն. Զի՞նչ արբցուք։

ԵԼՔ 17:3

Եւ ծարաւեաց անդ ժողովուրդն ի ջրոյ. եւ տրտնջեաց ժողովուրդն զՄովսիսէ, եւ ասեն. Ընդէ՞ր հաներ զմեզ յԵգիպտոսէ, կոտորել զմեզ եւ զորդիս մեր եւ զխաշինս մեր ի ծարաւոյ։

ՄԱՐԳԱՐԷՈՒԹԻՒՆ ՅՈՎՆԱՆՈՒ 4:3

Եւ արդ, Տէր Տէր, առ զոգի իմ յինէն, զի լաւ է ինձ մեռանել՝ քան թէ իցեմ կենդանի։

ՄԱՐԳԱՐԷՈՒԹԻՒՆ ՅՈՎՆԱՆՈՒ 4:8

Եւ եղեւ ի ծագել արեւուն հրամայեաց Աստուած հողմոյ խորշակի տապախառնի, եւ անկաւ արեւն զգլխովն Յովնանու, եւ կայր ի տարակուսի եւ քաղէին ոգիք նորա. եւ ասէր. Լաւ էր ինձ մեռանել քան զայս կեանս իմ։

ԹԻՒՔ 11:1

Եւ ժողովուրդն տրտնջէր չարաչար առաջի Տեառն. եւ լուաւ Տէր եւ բարկացաւ սրտմտութեամբ, եւ բորբոքեցաւ ի նոսա հուր ի Տեառնէ, եւ եկեր զմասն ինչ բանակին։

ԹԻՒՔ 11:15

Եթէ այդպէս առնիցես ընդ իս, սպան իսկ զիս, եթէ հաճոյ իցէ քեզ, եթէ գտի շնորհս եւ ողորմութիւն առ ի քէն, զի մի՛ տեսից զչարչարանս իմ։

ԹԻՒՔ 11:5

զի յիշեցաք զձուկնն զոր ուտէաք յԵգիպտոս ձրի, եւ զսեխն եւ զմեղրապոպ եւ զպրասն եւ զսոխն եւ զխստոր.

ԹԻՒՔ 14:1

Եւ ձայն բարձին ամենայն ժողովուրդն, եւ ելաց ազգն զգիշերն զայն ողջոյն։

ԹԻՒՔ 14:22

զի ամենայն արք՝ որ տեսին զփառսն իմ եւ զնշանս զոր արարի ես յԵգիպտոս եւ յանապատիս յայսմիկ, եւ փորձեցին զիս այս տասն անգամ, եւ ոչ լուան ձայնի իմում,

ԹԻՒՔ 16:13

միթէ փո՞քր իցէ այն զի հաներ զմեզ յերկրէն որ բղխէր զկաթն եւ զմեղր, սպանանել զմեզ յանապատի աստ. եւ արդ սաստե՞ս եւս մեզ. եւ դո՞ւ ես իշխան։

ԹԻՒՔ 16:41

Եւ տրտնջեցին որդիքն Իսրայելի ի վաղիւ անդր զՄովսիսէ եւ զԱհարոնէ, եւ ասեն. Դուք կոտորեցէք զժողովուրդն Տեառն։

ԹԻՒՔ 17:6

Եւ խօսեցաւ Մովսէս ընդ որդիսն Իսրայելի. եւ ետուն ցնա ամենայն իշխանքն նոցա զգաւազանս իւրեանց գաւազան միոյ իշխանի ըստ տանց նահապետաց իւրեանց. երկոտասան գաւազան, եւ գաւազանն Ահարոնի ի մէջ գաւազանացն նոցա։

ԹԻՒՔ 20:2

Եւ ոչ գոյր անդ ջուր ըմպելոյ ժողովրդեանն. եւ կուտեցան ի վերայ Մովսիսի եւ Ահարոնի։

ԹԻՒՔ 20:3

Եւ բամբասեաց ժողովուրդն զՄովսէս եւ ասեն. Լաւ էր թէ մեռեալ էաք ի կորստեան եղբարց մերոց առաջի Տեառն.

ԹԻՒՔ 20:4

եւ ընդէ՞ր ածէք զժողովուրդս Տեառն յայս անապատ՝ կոտորել զմեզ եւ զանասուն մեր։

ԹԻՒՔ 21:5

Եւ բամբասեաց ժողովուրդն զԱստուած եւ զՄովսէս եւ ասեն. Ընդէ՞ր հաներ զմեզ յԵգիպտոսէ կոտորել զմեզ յանապատիս յայսմիկ. զի ոչ գոյ հաց եւ ոչ ջուր. եւ անձինք մեր տաղտկացեալ են ի սնոտի հացէս։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:10

Եւ մի՛ տրտնջեսցուք, որպէս ոմանք ի նոցանէ տրտնջեցին, եւ կորեան ի սատակչէ անտի։

ԵՐԿՐՈՐԴՈՒՄՆ ՕՐԻՆԱՑ 1:27

եւ տրտնջեցէք ի վրանս ձեր եւ ասացէք. Առ ատելութեան Տեառն եհան զմեզ յերկրէն Եգիպտացւոց՝ մատնել զմեզ ի ձեռս Ամովրհացւոց, սատակել զմեզ։

ԵՐԿՐՈՐԴՈՒՄՆ ՕՐԻՆԱՑ 9:23

Եւ յորժամ առաքեաց զձեզ Տէր ի Կադեսբառնեայ, ասէ. Ելէք ժառանգեցէք զերկիրն զոր տալոց եմ ձեզ, հեստեցէք բանին Տեառն Աստուծոյ ձերոյ, եւ ոչ հաւատացէք նմա, եւ ոչ լուարուք ձայնի Տեառն.

ԱՌ ԵԲՐԱՅԵՑԻՍ ԹՈՒՂԹ 3:16

Քանզի ոմանք լուան եւ դառնացուցին, այլ ոչ ամենեքեան որ՝՝ ելեալ էին յԵգիպտոսէ ի ձեռն Մովսիսի։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:16

Սոքա են տրտնջողք եւ շոգմոգք, երթեալ ըստ իւրեանց անձանց ցանկութեանց, եւ բերանք նոցա զամբարտաւանս բարբառին, առնուն ակն երեսաց վասն օգտի։