ԹԻՒՔ 11:21 - Գրաբար Աստվածաշունչ (1895)

²¹ Եւ ասէ Մովսէս. Վեցհարեւր հազար հետեւակաց է ժողովուրդն յորոց միջի եմ ես, եւ դու ասես՝ Միս տաց նոցա եւ կերիցեն ամսօրեայ ժամանակ.

ԹԻՒՔ 11:21 Iomraidhean Croise

ԾՆՈՒՆԴՔ 12:2

Եւ արարից զքեզ յազգ մեծ, եւ օրհնեցից զքեզ, եւ մեծացուցից զանուն քո. եւ եղիցես օրհնեալ։

ԵԼՔ 12:37

Եւ չուեցին որդիքն Իսրայելի յՌամեսայ ի Սոկքովթ. վեց հարեւր հազար այր հետեւակ, թող զայլ աղխ։

ԵԼՔ 38:26

Դրամ մի առ գլուխ, կէս սկեղ ըստ սրբութեան սկեղն, ամենայն որ անցանէր ի հանդիսի անդ ի քսանամենից եւ ի վեր, վեց հարեւր հազար եւ երեք հազարք եւ հինգ հարեւր եւ յիսուն։

ԹԻՒՔ 1:46

եւ եղեն ամենայն անցեալքն ի հանդիսի վեց հարեւր հազար, եւ երեք հազար եւ հինգ հարեւր եւ յիսուն։

ԹԻՒՔ 11:13

Եւ արդ ուստի՞ է ինձ միս՝ տալ ամենայն ժողովրդեանս այսմիկ, զի լան զինեւ եւ ասեն. Տուր մեզ միս զի կերիցուք։

ԹԻՒՔ 11:20

այլ զամսօրեայ աւուրս ուտիցէք, մինչեւ ելանիցէ ընդ ռընգունս ձեր, եւ եղիցի ձեզ ի դառնութիւն. զի հեստեցէք Տեառն որ է ի միջի ձերում, եւ լացէք առաջի նորա, եւ ասէիք՝ Ընդէ՞ր էր մեզ ելանել յԵգիպտոսէ։

ԹԻՒՔ 11:22

միթէ արջառ եւ ոչխա՞ր սպանանիցի եւ բաւական լինիցի նոցա, կամ թէ ամենայն ձո՞ւկն ծովու ժողովիցի եւ բաւական լինիցի նոցա։

ԹԻՒՔ 2:32

Այս է հանդէս որդւոցն Իսրայելի ըստ տանց նահապետաց իւրեանց. ամենայն հանդէս բանակացն հանդերձ զօրօք իւրեանց՝ վեց հարեւր հազար եւ երեք հազարք եւ հինգ հարեւր եւ յիսուն։

ԹԻՒՔ 26:51

Այս է հանդէս որդւոցն Իսրայելի, վեց հարեւր հազար եւ հազար մի եւ եւթն հարեւր եւ երեսուն։