ԹԻՒՔ 1:46 - Գրաբար Աստվածաշունչ (1895)

⁴⁶ եւ եղեն ամենայն անցեալքն ի հանդիսի վեց հարեւր հազար, եւ երեք հազար եւ հինգ հարեւր եւ յիսուն։

ԹԻՒՔ 1:46 Iomraidhean Croise

ԾՆՈՒՆԴՔ 12:2

Եւ արարից զքեզ յազգ մեծ, եւ օրհնեցից զքեզ, եւ մեծացուցից զանուն քո. եւ եղիցես օրհնեալ։

ԾՆՈՒՆԴՔ 13:16

Եւ արարից զզաւակ քո իբրեւ զաւազ երկրի. եթէ կարիցէ ոք թուել զաւազ երկրի, ապա եւ քո զաւակ ընդ թիւ մտցէ։

ԾՆՈՒՆԴՔ 15:5

Եւ եհան զնա արտաքս եւ ասէ ցնա. Հայեաց ընդ երկինս, եւ թուեա զաստեղս, եթէ կարասցես թուել զնոսա. եւ ասէ ցնա. Այնպէս եղիցի զաւակ քո։

ԾՆՈՒՆԴՔ 17:6

Եւ աճեցուցից զքեզ յոյժ, եւ եդից զքեզ յազգս. եւ թագաւորք ի քէն ելցեն։

ԾՆՈՒՆԴՔ 22:17

Այո, օրհնելով օրհնեցից զքեզ, եւ բազմացուցանելով բազմացուցից զզաւակ քո իբրեւ զաստեղս երկնից բազմութեամբ, եւ իբրեւ զաւազ առ ափն ծովու. եւ ժառանգեսցէ զաւակ քո զքաղաքս հակառակորդաց իւրոց։

ԾՆՈՒՆԴՔ 26:3

Պանդխտեաց յերկրիս յայսմիկ, եւ եղէց ընդ քեզ եւ օրհնեցից զքեզ. զի քեզ եւ զաւակի քում տաց զամենայն զերկիրս զայս, եւ հաստատեցից զերդումն իմ զոր երդուայ Աբրահամու հօր քում։

ԾՆՈՒՆԴՔ 28:14

Եւ եղիցի զաւակ քո իբրեւ զաւազ երկրի, եւ ընդարձակեսցի ի ծովակողմն եւ ընդ արեւելս եւ ընդ հիւսիսի եւ ընդ հարաւ. եւ օրհնեսցին ի քեզ ամենայն ազգք երկրի եւ ի զաւակի քում։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:9

Եւ ետ Յովաբ զհամար հանդիսի ժողովրդեանն արքայի. եւ եղեւ Իսրայելի ութ հարեւր հազար արանց զօրու սուսերամերկաց, եւ այր Յուդայ հինգ հարեւր հազար արանց մարտկաց։

ԹԱԳԱՒՈՐՈՒԹԵԱՆՑ ԵՐՐՈՐԴ 4:20

Յուդա եւ Իսրայէլ բազում էր իբրեւ զաւազ առ եզր ծովու բազմութեամբ. ուտէին եւ ըմպէին եւ ուրախ լինէին։

ՄՆԱՑՈՐԴԱՑ ԱՌԱՋԻՆ 21:5

Եւ ետ Յովաբ զթիւ համարոյ ժողովրդեանն՝ Դաւթի. եւ էր ամենայն Իսրայէլ հազարք հազարաց, եւ հարեւր հազար արանց որ ձգէին սուսերս. եւ Յուդաս չորեք հարեւր յիսուն հազար արանց սուսերաւորաց։

ՄՆԱՑՈՐԴԱՑ ԵՐԿՐՈՐԴ 13:3

Եւ կարգեցաւ Աբիա ի պատերազմին զօրաւոր մարտկօք չորեք հարեւր հազարօք արամբք զօրաւորօք. եւ Յերոբովամ ճակատեցաւ ընդդէմ նորա ի պատերազմին ութ հարեւր հազարօք զօրաւորօք պատերազմողաց զօրութեամբ։

ԵԼՔ 12:37

Եւ չուեցին որդիքն Իսրայելի յՌամեսայ ի Սոկքովթ. վեց հարեւր հազար այր հետեւակ, թող զայլ աղխ։

ԵԼՔ 38:26

Դրամ մի առ գլուխ, կէս սկեղ ըստ սրբութեան սկեղն, ամենայն որ անցանէր ի հանդիսի անդ ի քսանամենից եւ ի վեր, վեց հարեւր հազար եւ երեք հազարք եւ հինգ հարեւր եւ յիսուն։

ԹԻՒՔ 1:45

Եւ եղեւ ամենայն հանդէս որդւոց Իսրայելի հանդերձ զօրու՝՝ իւրեանց ի քսանամենից եւ ի վեր ամենայն որ ելանէր տալ պատերազմ՝՝ ի միջոյ Իսրայելի.

ԹԻՒՔ 11:21

Եւ ասէ Մովսէս. Վեցհարեւր հազար հետեւակաց է ժողովուրդն յորոց միջի եմ ես, եւ դու ասես՝ Միս տաց նոցա եւ կերիցեն ամսօրեայ ժամանակ.

ԹԻՒՔ 14:29

յանապատիս յայսմիկ անկցին ոսկերք ձեր. եւ ամենայն հանդէս ձեր, եւ մտեալքն ի ձէնջ ի համար՝ ի քսանամենից եւ ի վեր՝ որ տրտնջեցին զինէն,

ԹԻՒՔ 2:32

Այս է հանդէս որդւոցն Իսրայելի ըստ տանց նահապետաց իւրեանց. ամենայն հանդէս բանակացն հանդերձ զօրօք իւրեանց՝ վեց հարեւր հազար եւ երեք հազարք եւ հինգ հարեւր եւ յիսուն։

ԹԻՒՔ 23:10

Ո՞ ճշգրտեաց զզաւակն՝՝ Յակոբայ, եւ ո՞ համարեսցի զգունդսն Իսրայելի. մեռցի անձն իմ ընդ անձինս արդարոցն, եւ եղիցի զաւակ իմ իբրեւ զզաւակ նոցա՝՝։

ԹԻՒՔ 26:51

Այս է հանդէս որդւոցն Իսրայելի, վեց հարեւր հազար եւ հազար մի եւ եւթն հարեւր եւ երեսուն։

ԵՐԿՐՈՐԴՈՒՄՆ ՕՐԻՆԱՑ 10:22

Եւթանասուն ոգւովք իջին հարքն քո յԵգիպտոս, եւ արդ ահա արար զքեզ Տէր Աստուած քո իբրեւ զաստեղս երկնից բազմութեամբ։