ԹԻՒՔ 1:4 - Գրաբար Աստվածաշունչ (1895)

⁴ Եւ ընդ ձեզ լինիցին իւրաքանչիւր ըստ ցեղի, իւրաքանչիւր իշխան, ըստ տանց նահապետաց լինիցին։

ԹԻՒՔ 1:4 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 8:1

Յայնժամ եկեղեցացոյց արքայ Սողոմոն զամենայն ծերս Իսրայելի, հանդերձ ամենայն գլխօք գաւազանացն համբարձելոց՝՝ հարց որդւոցն Իսրայելի առ արքայ Սողոմոն ի Սիոն, հանել զտապանակ ուխտին Տեառն ի քաղաքէ Դաւթի՝ այս է Սիոն։

ԵԼՔ 18:21

Եւ դու տես քեզ յամենայն ժողովրդենէդ արս զօրաւորս, աստուածապաշտս, արս արդարակորովս որ ատիցեն զհպարտութիւն, եւ կացուսցես զնոսա ի վերայ դոցա հազարապետս եւ հարիւրապետս եւ յիսնապետս եւ տասնապետս։

ԵԼՔ 18:25

Եւ ընտրեաց Մովսէս յամենայն Իսրայելէ արս զօրաւորս, եւ արար զնոսա ի վերայ նոցա հազարապետս եւ հարիւրապետս եւ յիսնապետս եւ տասնապետս։

ԹԻՒՔ 1:16

Սոքա են անուանիք ժողովրդեանն, իշխանք ցեղիցն ըստ նահապետաց՝ հազարապետք Իսրայելի։

ԹԻՒՔ 1:44

Այս է հանդէս զոր արարին Մովսէս եւ Ահարոն եւ իշխանքն Իսրայելի, երկոտասան իշխանք. այր մի ըստ միում ազգի, ըստ ցեղից՝՝ տանց նահապետաց իւրեանց էին։

ԹԻՒՔ 17:3

Եւ զանունն Ահարոնի գրեսցես ի վերայ իւրոյ գաւազանի եւ իցէ գաւազան մի ըստ ցեղից Իսրայելի՝ զոր ի տանց նահապետաց իւրեանց տացեն՝՝.

ԹԻՒՔ 25:14

Եւ անուն առն Իսրայելացւոյ հարելոյ որ հարաւ ընդ կնոջն Մադիանացւոյ՝ Զամբրի որդի Սաղովմայ, իշխան տան ազգի որդւոցն Շմաւոնի։

ԹԻՒՔ 25:4

Եւ ասէ Տէր ցՄովսէս. Ա՛ռ զամենայն իշխանս ժողովրդեանդ, եւ առակեա զդոսա առաջի Տեառն յանդիման արեգական, եւ դարձցի սրտմտութիւն բարկութեան Տեառն յԻսրայելէ։

ԹԻՒՔ 30:1

Եւ խօսեցաւ Մովսէս ընդ իշխանս որդւոցն Իսրայելի եւ ասէ. Այս բան է զոր հրամայեաց Տէր.

ԹԻՒՔ 4:34

Եւ արարին հանդէս Մովսէս եւ Ահարոն եւ իշխանքն Իսրայելի որդւոցն Կահաթու ըստ գնդից իւրեանց եւ ըստ տանց նահապետաց իւրեանց՝

ԹԻՒՔ 7:2

եւ մատուցին իշխանքն Իսրայելի երկոտասան իշխանք տանց նահապետաց նոցա. նոքա էին իշխանք ցեղիցն, եւ նոքա կային ի վերայ ոստիկանութեանն։

ԵՐԿՐՈՐԴՈՒՄՆ ՕՐԻՆԱՑ 1:15

Եւ առի ի ձէնջ զցեղապետսն, արս իմաստունս եւ հանճարեղս եւ խորհրդականս, եւ կացուցի զնոսա ի վերայ ձեր առաջնորդս. հազարապետս եւ հարիւրապետս եւ յիսնապետս եւ տասնապետս եւ ատենադպիրս դատաւորացն ձերոց։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:14

եւ տասն այր յիշխանացն ընդ նմա, մի մի իշխան ի նահապետացն՝ յամենայն ցեղիցն Իսրայելի. իշխանք տանց նահապետաց էին հազարապետք Իսրայելի.