ԹԻՒՔ 1:3 - Գրաբար Աստվածաշունչ (1895)

³ ի քսանամենից եւ ի վեր, ամենայն որ ելանիցէ ի զօրսդ Իսրայելի, հանդէս առնել նոցա հանդերձ զօրութեամբ իւրեանց դու եւ Ահարոն. առնիցէք նոցա հանդէս։՝՝

ԹԻՒՔ 1:3 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:9

Եւ ետ Յովաբ զհամար հանդիսի ժողովրդեանն արքայի. եւ եղեւ Իսրայելի ութ հարեւր հազար արանց զօրու սուսերամերկաց, եւ այր Յուդայ հինգ հարեւր հազար արանց մարտկաց։

ՄՆԱՑՈՐԴԱՑ ԱՌԱՋԻՆ 5:18

Որդիք Ռուբենի եւ Գադայ եւ կիսոյ ցեղին Մանասէի՝ յորդւոցն զօրութեան, արք որ առնուին վահանս եւ սուսերս, եւ լարէին աղեղունս, եւ ուսեալ էին պատերազմ, քառասուն եւ չորք հազարք եւ եւթն հարեւր եւ վաթսուն, որք ելանէին ի մարտ,

ՄՆԱՑՈՐԴԱՑ ԵՐԿՐՈՐԴ 25:5

Եւ ժողովեաց Ամասիաս զտունն Յուդայ՝՝, եւ կացոյց նոցա ըստ տանց տոհմիցն իւրեանց հազարապետս եւ հարիւրապետս յամենայն Յուդա եւ յԵրուսաղէմ. եւ թուեաց զնոսա ի քսանամենից եւ ի վեր, եւ եգիտ զնոսա երեքհարեւր հազար զօրաւորս, որք ելանէին ի պատերազմ ունելով նիզակ եւ ասպար։

ԵԼՔ 12:17

Եւ պահեսջիք զպատուիրանս իմ զայս՝՝. զի յաւուր յայսմիկ հանից զզօրութիւն ձեր յերկրէս Եգիպտացւոց. եւ առնիցէք զօրս զայս յազգս ձեր օրէն յաւիտենական։

ԵԼՔ 30:14

Ամենայն որ անցանիցէ ի հանդիսի անդ ի քսանամենից եւ ի վեր՝ տացեն հաս Տեառն։

ԵԼՔ 38:26

Դրամ մի առ գլուխ, կէս սկեղ ըստ սրբութեան սկեղն, ամենայն որ անցանէր ի հանդիսի անդ ի քսանամենից եւ ի վեր, վեց հարեւր հազար եւ երեք հազարք եւ հինգ հարեւր եւ յիսուն։

ԹԻՒՔ 14:29

յանապատիս յայսմիկ անկցին ոսկերք ձեր. եւ ամենայն հանդէս ձեր, եւ մտեալքն ի ձէնջ ի համար՝ ի քսանամենից եւ ի վեր՝ որ տրտնջեցին զինէն,

ԹԻՒՔ 26:2

Կալ զհամար ամենայն ժողովրդեան որդւոցդ Իսրայելի ի քսանամենից եւ ի վեր ըստ տանց նահապետաց իւրեանց, ամենայն որ ելանիցէ յԻսրայելէ տալ պատերազմ։

ԹԻՒՔ 3:15

Հանդէս արա որդւոցն Ղեւեայ ըստ տանց նահապետաց իւրեանց, ըստ գունդս իւրեանց,՝՝ ըստ ազգս իւրեանց, ամենայն արուի՝ յամսօրէից եւ ի վեր առնիցէք հանդէս։

ԹԻՒՔ 32:11

Մի՛ տեսցեն արք որ ելին յԵգիպտոսէ, ի քսանամենից եւ ի վեր, որ գիտիցեն զչար եւ զբարի,՝՝ զերկիրն զոր երդուայ տալ Աբրահամու եւ Իսահակայ եւ Յակոբայ, զի ոչ եկին զհետ իմ.

ԹԻՒՔ 33:1

Եւ այս են բանակետղք որդւոցն Իսրայելի՝ յորմէ հետէ ելին յերկրէն Եգիպտացւոց հանդերձ զօրուն իւրեանց ի ձեռն Մովսիսի եւ Ահարոնի։

ԹԻՒՔ 4:3

ի քսան եւ ի հինգամենից՝՝ եւ ի վեր մինչեւ ցյիսնամեանս. ամենայն որ մտանիցէ ի սպաս գործել զամենայն գործ ի խորանին վկայութեան։

ԵՐԿՐՈՐԴՈՒՄՆ ՕՐԻՆԱՑ 24:5

Եւ եթէ առնուցու ոք կին նորոգ, մի՛ մտցէ ի պատերազմ, եւ մի՛ անկցին ի վերայ նորա եւ մի ինչ իրք. այլ անպարտ լիցի ի տան իւրում, եւ ուրախ արասցէ զկին իւր զոր առ։

ԵՐԿՐՈՐԴՈՒՄՆ ՕՐԻՆԱՑ 3:18

Եւ պատուիրեցի ձեզ ի ժամանակին յայնմիկ եւ ասեմ. Տէր Աստուած մեր ետ ձեզ զերկիրս զայս ի վիճակ. վառեցարուք անցէք առաջի եղբարց ձերոց, որդւոցն Իսրայելի, ամենայն զօրաւոր.