ԳԻՐՔ ՆԷԵՄԵԱՅ 8:3 - Գրաբար Աստվածաշունչ (1895)

³ Եւ սկսաւ կարդալ զնա յառաւօտէ յորժամ ծագէր արեգակն՝՝ մինչեւ ցօր հասարակ՝ առաջի արանց եւ կանանց. եւ իմանային ամենեքեան՝ եւ դնէին ունկն ամենայն ժողովուրդն ի լսել ամենայն գրելոց օրինացն։

ԳԻՐՔ ՆԷԵՄԵԱՅ 8:3 Iomraidhean Croise

ԳԻՐՔ ՆԷԵՄԵԱՅ 10:29

Եւ որ միանգամ անցցէ զօրինօք քովք, երդմամբ հաստատեմք այսօր առաջի քո, եղիցի նա ի նզովս եւ յանէծս, որ ոչ պահեսցէ զօրէնս քո որ տուաւ ի ձեռն Մովսիսի ծառայի քո. այլ ամենայն կամօք մերովք պահեսցուք, եւ արասցուք՝՝ զամենայն պատուիրանս Տեառն Աստուծոյ եւ զդատաստանս նորա եւ զհրամանս։

ԳԻՐՔ ՆԷԵՄԵԱՅ 13:1

Յաւուր յայնմիկ կարդային զգիրս Մովսիսի ի լսելիս ժողովրդեանն. եւ գտաւ ի նմա գրեալ այսպէս, եթէ՝ Մի՛ մտցէ Ամոնացի եւ Մովաբացի յեկեղեցի Աստուծոյ յաւիտեանս ժամանակաց,

ԳԻՐՔ ՆԷԵՄԵԱՅ 8:1

Եւ ժողովեցան ամենայն ժողովուրդքն իբրեւ զայր մի ի հրապարակն առաջի դրան ջուրցն, եւ ասացին ցԵզրա գրիչ օրինացն Տեառն՝՝, զի բերցէ զօրէնսն Մովսիսի զոր հրամայեալ է Տեառն Աստուծոյ Իսրայելի։

ԳԻՐՔ ՆԷԵՄԵԱՅ 8:18

Եւ կարդայր զգիրս օրինացն օր ըստ օրէ, յօրէն յառաջնմէ մինչեւ յօրն եւթներորդ. եւ արարին զտօնն զեւթն օր, եւ յաւուրն ութերորդի եղեւ կատարումն ըստ օրինացն։

ԳԻՐՔ ՆԷԵՄԵԱՅ 8:4

Եւ կայր Եզրա քահանայ եւ՝՝ գրիչ ի վերայ բեմի փայտեղինի. եւ կային առ նմա Մատաթիաս եւ Սամեաս եւ Անանիաս եւ Ուրիաս եւ Քեղկիա եւ Մասիա՝ ընդ աջմէ նորա. եւ ընդ ահեկէ նորա՝ Փադիաս եւ Միսայէլ եւ Մեղքիաս եւ Ասամ եւ Սարդանա եւ Զաքարիա եւ Մոսողամ։

ԳԻՐՔ ՆԷԵՄԵԱՅ 8:5

Եւ յորժամ եբաց Եզրա զգիրսն առաջի ամենայն ժողովրդեանն, վասն զի նա էր վերակացու ամենայն ժողովրդեանն՝՝, եւ եղեւ ի բանալ նորա զգիրսն՝ կայր ժողովուրդն առաջի նորա՝՝։

ԱՒԵՏԱՐԱՆ ԸՍՏ ՄԱՐԿՈՍԻ 12:37

Արդ եթէ ինքն իսկ Դաւիթ զնա Տէր կոչէ, զիա՞րդ իցէ որդի նորա։ Եւ բազում ժողովուրդ լսէր նմա քաղցրութեամբ։

ԱՒԵՏԱՐԱՆ ԸՍՏ ՂՈՒԿԱՍՈՒ 19:48

եւ ոչ գտանէին թէ զինչ արասցեն, զի ժողովուրդն ամենայն կախեալ կային զնմանէ ի լսել։

ԱՒԵՏԱՐԱՆ ԸՍՏ ՂՈՒԿԱՍՈՒ 8:18

Տեսէք այսուհետեւ զիարդ լսէքդ. զի ոյր գուցէ՝ տացի նմա, եւ ոյր ոչն գուցէ, եւ զոր կարծէն թէ ունիցի՝ բարձցի ի նմանէ։

ԳՈՐԾՔ ԱՌԱՔԵԼՈՑ 13:15

Եւ յետ ընթեռնլոյ զօրէնսն եւ զմարգարէս, առաքեցին առ նոսա ժողովրդապետքն եւ ասեն. Արք եղբարք, եթէ իցեն ի ձեզ բանք մխիթարութեան առ ժողովուրդդ, խօսեցարուք։

ԳՈՐԾՔ ԱՌԱՔԵԼՈՑ 13:27

Բայց որ բնակեալ են յԵրուսաղէմ, եւ իշխանք նոցա անծանօթ եղեն ի նմանէ, եւ ըստ բարբառոյ՝՝ մարգարէիցն, որ զամենայն շաբաթսն ընթեռնուին, դատեալ կատարեցին.

ԳՈՐԾՔ ԱՌԱՔԵԼՈՑ 15:21

Զի Մովսէս յազգացն առաջնոց ըստ քաղաքաց զքարոզիչսն իւր ունի՝ ի ժողովսն ըստ ամենայն շաբաթուց ընթերցեալ։

ԳՈՐԾՔ ԱՌԱՔԵԼՈՑ 16:14

Եւ կին ոմն անուն Լիդիա, ծիրանավաճառ ի Թիւատիր քաղաքէ, երկիւղած յԱստուծոյ, լուաւ, զորոյ Տէր իսկ եբաց զսիրտն անսալ խօսիցն Պաւղոսի։

ԳՈՐԾՔ ԱՌԱՔԵԼՈՑ 17:11

Զի սոքա էին ազնուագոյնք քան որ ի Թեսաղոնիկն էին. որք ընկալան զբանն ամենայն յօժարութեամբ, հանապազ քննէին զԳիրս եթէ իցէ՞ այս այսպէս։

ԳՈՐԾՔ ԱՌԱՔԵԼՈՑ 20:11

Եւ ել եբեկ զհացն եւ ճաշակեաց. եւ բազում եւս խօսեցաւ մինչեւ յառաւօտն, եւ ապա ել գնաց։

ԳՈՐԾՔ ԱՌԱՔԵԼՈՑ 20:7

Եւ յաւուրն շաբաթուց՝՝ մինչդեռ ժողովեալ էաք բեկանել զհացն, Պաւղոս խօսէր ընդ նոսա զի գնալոց էր ի վաղիւ անդր. եւ երկայնեաց զբանն մինչեւ ի մէջ գիշերոյն։

ԳՈՐԾՔ ԱՌԱՔԵԼՈՑ 28:23

Ժամ եդեալ նմա օր մի, եկին ի վանսն առ նա բազումք, որոց պատմէր վկայութեամբ զարքայութիւն Աստուծոյ. եւ հաւանեցուցանէր զնոսա վասն Յիսուսի յօրինացն Մովսիսի եւ ի մարգարէից յայգուէ մինչեւ ցերեկոյ։

ԵՐԿՐՈՐԴՈՒՄՆ ՕՐԻՆԱՑ 31:9

Եւ գրեաց Մովսէս զամենայն բանս օրինացս այսոցիկ ի մատենի՝՝, եւ ետ զայն ցքահանայսն, ցորդիսն Ղեւեայ, որ բառնային զտապանակ ուխտին Տեառն, եւ ցծերս որդւոցն՝՝ Իսրայելի,

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 2:13

Վասն այնորիկ եւ մեք գոհանամք զԱստուծոյ անպակաս, զի առեալ զլուր բանին Աստուծոյ առ ի մէնջ՝ ընկալարուք, ոչ իբրեւ զբան մարդկան, այլ որպէս ճշմարտիւ զբան Աստուծոյ, որ եւ յաջողեալ իսկ է ի ձեզ հաւատացեալսդ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:35

Եւ ոչ էր բան յամենայնէ զոր պատուիրեաց Մովսէս Յեսուայ՝ զոր ոչ ընթերցաւ Յեսու յականջս ամենայն եկեղեցւոյն Իսրայելի, արանց եւ կանանց եւ մանկանց, եւ եկացն յեցելոցն յԻսրայէլ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 2:29

Որ ունի ականջս՝ լուիցէ զինչ Հոգին ասէ առ եկեղեցիս։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 3:22

Որ ունիցի ականջս՝ լուիցէ զինչ ասէ Հոգին առ եկեղեցիս։