ԳԻՐՔ ՆԷԵՄԵԱՅ 8:16 - Գրաբար Աստվածաշունչ (1895)

¹⁶ Եւ ելին ժողովուրդքն եւ բերին, եւ արարին իւրեանց տաղաւարս, այր ի տանիս իւրում, եւ այր ի սրահի իւրում եւ ի սրահի տանն Աստուծոյ, եւ ի հրապարակս քաղաքին մինչեւ ի դրունս՝՝ Եփրեմայ։

ԳԻՐՔ ՆԷԵՄԵԱՅ 8:16 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:2

Եւ եղեւ ընդ երեկս եւ յարեաւ Դաւիթ յանկողնէ իւրմէ, եւ զգնայր ի վերայ տանեաց տան թագաւորին. եւ ետես ի տանեացն կին մի լուացեալ, եւ կինն գեղեցիկ տեսլեամբ յոյժ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:13

Եւ զԱմասիա զարքայ Յուդայ, զորդի Յովասու որդւոյ Ոքոզեայ, կալաւ Յովաս որդի Յովաքազու՝՝ արքայ Իսրայելի ի Բեթսամիւս. եւ եկն յԵրուսաղէմ եւ եհատ զպարիսպն Երուսաղեմի ի դրանէ Եփրեմի մինչեւ ցդուռն Անկեանցն, չորեքհարեւր կանգուն։

ՄՆԱՑՈՐԴԱՑ ԵՐԿՐՈՐԴ 20:5

Եւ յարեաւ Յովսափատ ի մէջ եկեղեցւոյն Յուդայ յԵրուսաղէմ ի տանն Տեառն՝ յանդիման սրահին նորոյ,

ՄՆԱՑՈՐԴԱՑ ԵՐԿՐՈՐԴ 33:5

Շինեաց անդ սեղան ամենայն զօրութեանց երկնի յերկոսեան ի սրահս տանն Տեառն։

ԳԻՐՔ ՆԷԵՄԵԱՅ 12:37

Եւ՝՝ ելին յաստիճանս քաղաքին Դաւթի, յելս պարսպին՝ ի վերոյ քան զապարանս Դաւթի, մինչեւ ի դուռն Ջրոյն Եփրեմի, եւ՝՝ ընդ կողմն արեւելից,

ԳԻՐՔ ՆԷԵՄԵԱՅ 12:39

եւ ի դուռն Եքթիերան, եւ յաշտարակն Անամայելի եւ մինչեւ ի դուռն Ջրբղխացն. եւ լսելի եղեւ ձայն երգոցն մինչեւ յամենայն տեղիս. քանզի հրամայեաց Եզր կալ ի վերայ ամենայն դրանցն եւ երգել։՝՝

ԳԻՐՔ ՆԷԵՄԵԱՅ 3:26

Եւ Նաթանայիմքն որ բնակեալ էին յՈփաղ պարտիզի դրան Ջրոյն կողմանն արեւելից, եւ աշտարակն որ արտաքոյ կողմանն։

ԳԻՐՔ ՆԷԵՄԵԱՅ 8:1

Եւ ժողովեցան ամենայն ժողովուրդքն իբրեւ զայր մի ի հրապարակն առաջի դրան ջուրցն, եւ ասացին ցԵզրա գրիչ օրինացն Տեառն՝՝, զի բերցէ զօրէնսն Մովսիսի զոր հրամայեալ է Տեառն Աստուծոյ Իսրայելի։

ԳԻՐՔ ՆԷԵՄԵԱՅ 8:3

Եւ սկսաւ կարդալ զնա յառաւօտէ յորժամ ծագէր արեգակն՝՝ մինչեւ ցօր հասարակ՝ առաջի արանց եւ կանանց. եւ իմանային ամենեքեան՝ եւ դնէին ունկն ամենայն ժողովուրդն ի լսել ամենայն գրելոց օրինացն։

ՄԱՐԳԱՐԷՈՒԹԻՒՆ ԵՐԵՄԵԱՅ 19:13

եւ եղիցին տունք Երուսաղեմի եւ տունք թագաւորացն Յուդայ իբրեւ զտեղի սպանելոց, վասն պղծութեանց զոր արարին յամենայն տունս՝՝ յորս արկանէին խունկս ի վերայ տանեաց իւրեանց՝ ամենայն զօրութեանց երկնից, եւ նուիրէին նուէրս աստուածոց օտարաց։

ՄԱՐԳԱՐԷՈՒԹԻՒՆ ԵՐԵՄԵԱՅ 32:29

Եւ եկեսցեն Քաղդէացիքն պատերազմել ընդ քաղաքիդ, եւ այրեսցեն զդա հրով. եւ հրձիգ արասցեն զտունս յորս արկանէին խունկս ի վերայ տանեաց նոցա Բահաղու, եւ զոհէին զոհս աստուածոց օտարաց վասն զիս դառնացուցանելոյ.

ԵՐԿՐՈՐԴՈՒՄՆ ՕՐԻՆԱՑ 22:8

Եւ եթէ շինեսցես տուն նորաշէն, արասցես պսակ շուրջ զտանեօքն, եւ մի՛ սպանումն գործեսցես ի տան քում, զի մի՛ անկանիցի որ անկանելոցն իցէ՝՝ ի նմանէ։