Biblia Todo Logo
Bìoball air-loidhne

- Sanasan -




ԳԻՐՔ ՆԷԵՄԵԱՅ 8:10 - Գրաբար Աստվածաշունչ (1895)

10 Եւ ասեն ցնոսա. Երթայք կերայք զպարարտս եւ արբէք զքաղցունս, եւ առաքեցէք մասն որոց ոչ գուցէ. վասն զի օր սուրբ է Տեառն Աստուծոյ մերոյ. արդ զօրացարուք եւ մի՛ տրտմեցուցանէք զսա՝՝։

Faic an caibideil Dèan lethbhreac




ԳԻՐՔ ՆԷԵՄԵԱՅ 8:10
32 Iomraidhean Croise  

Եւ յաւուրն ութերորդի արձակեաց զժողովուրդսն. եւ օրհնեցին զարքայ եւ գնացին իւրաքանչիւր ի բնակութիւնս իւրեանց, խնդութեամբ եւ սրտիւ զուարթութեամբ ի վերայ ամենայն բարեացն զոր արար Տէր ծառայի իւրում Դաւթի՝ եւ Իսրայելի ժողովրդեան իւրում։


Փառք եւ գովութիւն առաջի երեսաց նորա, զօրութիւն եւ պարծանք ի տեղւոջ նորա։


Եւ Ղեւտացիքն լռեցուցանէին զժողովուրդն եւ ասէին. Լուռ լերուք եւ մի՛ տրտմիք, վասն զի օր սուրբ է սա։


Եւ գնաց ժողովուրդն յուտել եւ յըմպել եւ առաքեցին մասն որոց ոչ գոյր՝՝. եւ առնէին ուրախութիւն մեծ, վասն զի իմացան զբանս օրինացն զոր կարդաց նոցա՝՝։


Ուրախ եղեւ Իսրայէլ յԱրարիչ իւր, որդիք Սիոնի ցնծասցեն ի Թագաւորն իւրեանց։


Եղիցի լոյս Տեառն Աստուծոյ ի վերայ մեր. զգործս ձեռաց մերոց ուղիղ արա ի մեզ, Տէր, զգործս ձեռաց մերոց աջողեա մեզ։


Սիրտ ուրախ բարեմոյն առնէ, առն հոգածի՝ ցամաքեն ոսկերք։


Տուր բաժին եւթանց, այլ եւ ութից, վասն զի ոչ գիտես զինչ լինիցի չար ի վերայ երկրի։


Եւ ոչ գոյ բարի ինչ մարդոյ, բայց զոր ուտէն եւ ըմպէն. եւ եցոյց անձին իւրում բարիս ի վաստակս իւր. սակայն եւ զայն տեսի զի ի ձեռանէ Աստուծոյ է։


Քանզի ամենայն մարդ՝ որ ուտիցէ եւ ըմպիցէ եւ տեսանիցէ բարի յամենայն վաստակս իւր, այն պարգեւ Աստուծոյ է։


Քանզի ամենայն մարդ՝ որում ետ նմա Աստուած մեծութիւն եւ ինչս, եւ իշխան արար զնա ուտել ի նոցանէ, եւ առնուլ զբաժին իւր եւ ուրախ լինել ի վաստակս իւր, այն պարգեւ Աստուծոյ է։


Եկ կեր ուրախութեամբ զհաց քո, եւ արբ սրտիւ զուարճացելով զգինի քո. զի արդէն իսկ հաճեցաւ Աստուած ի գործս քո։


Մտի ի պարտէզ իմ, քոյր իմ հարսն, կթեցի զմուռս իմ հանդերձ խնկովք իմովք. կերայ զհաց իմ մեղու իմով, արբի զգինի իմ կաթամբ իմով։ Կերայք, մերձաւորք իմ, եւ արբէք, եւ արբեցարուք, եղբօրորդիք իմ՝՝։


Եւ արդ այսպէս ասէ Տէր որ ստեղծ զիս յորովայնէ ծառայ իւր, ժողովել զՅակոբ եւ զԻսրայէլ առ ինքն. եւ ժողովեցայց եւ՝՝ փառաւորեցայց առաջի Տեառն, եւ Աստուած իմ է ինձ զօրութիւն։


Ուրախութեամբ ուրախ եղիցին ի Տէր. ցնծասցէ անձն իմ ի Տէր, զի զգեցոյց ինձ հանդերձ փրկութեան եւ պատմուճան ուրախութեան՝՝, իբրեւ փեսայի եդ ինձ պսակ, եւ իբրեւ հարսն զարդու զարդարեաց զիս։


Որդիք Սիոնի, ցնծացէք եւ ուրախ լերուք ի Տէր Աստուած ձեր. զի ետ ձեզ Տէր կերակուր արդարութեան՝՝. եւ տեղասցէ ձեզ անձրեւ կանուխ եւ անագան իբրեւ զառաջինն՝՝։


Եւ եղիցի ամենայն սան որ յԵրուսաղէմ եւ որ ի Յուդա՝ նուիրեալ Տեառն ամենակալի. եւ եկեսցեն ամենեքեան որ մատուցանիցեն պատարագ՝ առնուցուն ի նոցանէ եւ եփեսցեն նոքօք. եւ ոչ եւս եղիցի Քանանացի ի տան Տեառն ամենակալի յաւուր յայնմիկ։


Բայց աղէ զարժանն իսկ՝՝ տուք ողորմութիւն, եւ ահա ամենայն սուրբ է ձեր։


զի մեծաւ հանդիսիւ նեղութեան՝ առաւելութիւն խնդութեանն նոցա, եւ ծանր աղքատութիւնն նոցա առաւել եղեւ ի մեծութիւն առատութեան նոցա։


Թէպէտ եւ ես իսկ զնոյն վստահութիւն ունիմ եւ ի մարմնի. եթէ ոք համարիցի այլազգ վստահ՝՝ լինել ի մարմին, առաւել եւս ես.


Եւ որ բնակեալ են յերկրի՝ ուրախ լինին եւ խնդան ի վերայ նոցա, մինչեւ ընծայս եւ պատարագս տանել միմեանց. վասն զի սոքա երկոքին մարգարէքս չարչարեսցեն զբնակիչս երկրի։


Հարց ցմանկտիդ քո եւ պատմեսցեն քեզ, եւ գտցեն մանկունքդ շնորհս առաջի աչաց քոց, զի ի բարի աւուր եկին. արդ տացես որչափ ինչ եւ գտցէ ձեռն քո ծառայից քոց, եւ որդւոյ քում Դաւթի։


Lean sinn:

Sanasan


Sanasan