ԳԻՐՔ ՆԷԵՄԵԱՅ 7:1 - Գրաբար Աստվածաշունչ (1895)

¹ Եւ եղեւ յորժամ կատարեցաւ պարիսպն, եւ կանգնեցի զդրունս նորա, եւ կացին դռնապանք եւ երգեցիկք սաղմոսասացք եւ Ղեւտացիք,

ԳԻՐՔ ՆԷԵՄԵԱՅ 7:1 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:10

Եւ մտին եւ աղաղակեցին առ դրան քաղաքին, եւ պատմեցին նոցա եւ ասեն. Մտաք ի բանակն Ասորւոց, եւ ոչ գոյր անդ այր եւ ոչ ձայն մարդոյ, բայց միայն ձիք կապեալք եւ էշք կապեալք, եւ վրանք նոցա նոյնպէս կան։

ՄՆԱՑՈՐԴԱՑ ԵՐԿՐՈՐԴ 31:2

Եւ կարգեաց Եզեկիաս հանապազորդեան պաշտօնեայս քահանայից եւ Ղեւտացւոց, զհանապազօրեայս իւրաքանչիւր ուրուք ըստ պաշտաման իւրում, քահանայից եւ Ղեւտացւոց, յողջակէզսն եւ ի զոհսն փրկութեան, եւ յօրհնելն եւ խոստովան լինել եւ պաշտել ի դրունս սրահից տանն Տեառն։

ԵԶՐ 3:8

Եւ յերկրորդ ամի ելանելոյ նոցա՝ յորժամ եկին ի տաճարն Տեառն յԵրուսաղէմ յամսեանն երկրորդի, սկսաւ Զորաբաբէլ Սաղաթիելեանց եւ Յեսու Յովսեդեկեանց, եւ եղբարք նոցա, եւ քահանայքն եւ Ղեւտացիքն եւ ամենայն եկեալքն ի գերութենէն յԵրուսաղէմ. եւ կացուցին զՂեւտացիսն ի քսանամենից եւ ի վեր՝ վերակացուս ի վերայ գործոց տանն Տեառն։

ԳԻՐՔ ՆԷԵՄԵԱՅ 10:39

վասն զի կացցէ ի գանձել ի համբարս որդւոց Ղեւտացւոցն եւ սպասաւորաց՝ ի տեղիսն ուր կահ սրբութեանցն. եւ եղիցի քահանայիցն եւ Ղեւտացւոց եւ դռնապանաց եւ երգեցկաց սաղմոսաց. եւ մի՛ պակասեսցին նոցա ռոճիկք երբեք ի տանէ Աստուծոյ մերոյ, եւ մի՛ նոքա զսպաս Տեառն խափանեսցեն։՝՝

ԳԻՐՔ ՆԷԵՄԵԱՅ 11:3

Եւ այս են իշխանք երկրին որ նստան յԵրուսաղէմ, եւ՝՝ քահանայք եւ Ղեւտացիք եւ Նաթանացիք, եւ որդիք ծառայիցն Սողոմոնի։

ԳԻՐՔ ՆԷԵՄԵԱՅ 12:24

Եւ իշխանք Ղեւտացւոց՝ Ասաբիա եւ Սարաբիա եւ Յեսու. եւ որդիք Կադմիէլ, եւ եղբարք նորա մօտ առ նմա՝՝, օրհնել եւ սաղմոս ասել. որպէս եւ հրամայեաց Դաւիթ այրն Աստուծոյ,

ԳԻՐՔ ՆԷԵՄԵԱՅ 6:1

Եւ եղեւ յորժամ լուան Սանաբաղատ եւ Տուբիա եւ երկիրն Արաբացւոց եւ այլք բազումք՝՝ ի թշնամեաց մերոց, եթէ շինեցի զպարիսպն, եւ ոչ մնաց ի նոսա զօրութիւն. (եւ ցայն ժամ եւս զդրունսն ոչ էր կազմեալ.)

ԳԻՐՔ ՆԷԵՄԵԱՅ 6:15

Եւ կատարեցաւ պարիսպն ի քսաներորդ հինգերորդ ամսոյն Իլուլ ի յիսուն եւ երկու աւուրս։

ԳԻՐՔ ՆԷԵՄԵԱՅ 6:19

Եւ զբանս նորա էին որ բերէին՝՝ առ իս, եւ զբանս իմ պատմէին նմա. եւ թուղթս բազումս տայր առ ի յերկեցուցանել զիս։